Brancheudvalg pillugu Namminersornerullutik Oqartussat nalunaarutaat nr. 4, 3.april 1981-imeersoq.
Inuutissarsiutitigut ilinniartitaanerit, ilinniagaqarnermi tapisiat aammalu inuutissarsiutinut ilitsersuisarneq pillugit Kalaallit Nunaannut landstingip peqqussutaa nr. 4 24. oktober 1980-imeersoq, Kalaallit Nunaanni inuutissarsiutigalugu sulianut tunngaviusumik ilinniartitaanerit pillugit landstingip peqqussutaa nr.5 24. oktober 1980-imeersoq kiisalu inunnik isumaginninnermi sulisussatut ilinniarnerit pillugit landstingip peqqussutaa nr. 7, 20. oktober 1980-imeersoq naapertorlugit brancheudvalgimik pilersitsinissamut, taakkua suliassaannut akisussaaffiinullu kiisalu brancheudvalgit katitigaanerinut maleruagassat imaattut aalajangersarneqarput.
Kapitali I.
Siunertarisaq.§ 1. Inuutissarsiutinut pingaarnernut tamanut immikkut brancheudvalgimik pilersitsineqassaaq, inuutissarsiutitigut ilinniartitsinermut siunnersuisuusutut makkuninnga suliaqartussanik.
Imm. 2. Brancheudvalgi ilinniartitaanerit siunertarisaat aammalu imarisaat pillugit, kiisalu ilinniartitaanermut atatillugu suliffinni ilinniartitaanissamut najoqqutassat pillugit inuutissarsiutitigut ilinniartitsinermi rådimut siunnersuuteqartassaaq.
Imm. 3. Brancheudvalgi ilinniartitaanermut atatillugu suliffissat akuersissutigineqarnissaannut najoqqutassat pillugit inuutissarsiutitigut ilinniartitsinermi rådimut siunnersuuteqartassaaq, ilinniarnernut atatillugu suliffissat akuerisassallugit taamatullu ilinniarnermut atatillugu suliffimmiinnissamik isumaqatigiissutit akuerisassallugit.
Imm. 4. Brancheudvalgi ilinniagaqareersimasut ilinniaqqinnissaata aammalu ilinniarnermik nangitseqqinnissap aallartinneqarnissaannik aammalu inuutissarsiutini assigiinngitsuni nutaanik/suliassamut nutaamut sungiusaqqinnissat aallartinneqarnissaannik inuutissarsiutitigut ilinniartitsinermi rådimut siunnersuuteqartassaaq.
Imm. 5. Suliamut tunngasumik ilinniartitaanerup annertussusissaata naalakkersuisunut ilaasortamit akuerineqareerneratigut brancheudvalgip nakkutigisassaraa, annertussusissap taassuma, suliamut tunngasumik atuartitsinerit atuarfinni ingerlanneqartussat tamaasa eqqarsaatigalugit, eqquutsinneqarnissaa.§ 2. Brancheudvalgip atuarfinni suliamut tunngasumik atuartitsineq nakkutigisassaraa, aammalu pissutsinik naammaginanngitsoqarpat tamakku forstanderimut assuarisinnaallugit.
Imm. 2. Brancheudvalgi forstanderip siunnersuuteqareerneratigut atuartunik soraarsitsinissanut aalajangiissaaq.§ 3. Brancheudvalgi suliat ataasiakkaat iluanni suliassaminut ikiuuttussanik suleqatigiissuliorsinnaavoq ikinnerusunik inuttaqarlutik suligallartussanik.
Imm. 2. Brancheudvalgip ilinniartitsinermi inspektøriusumut siunnersuutigisinnaavaa ineriartortitsinermi sulinerup ingerlateqqinnissaanut ikiuuttussanik immikkut paasisimasalinnik aggersaanissaq.§ 4. Brancheudvalgip aalajangiinera inuutissarsiutitigut ilinniartitsinermi rådimut suliassiissutigeqqinneqarsinnaavoq.
§ 5. Brancheudvalgit sulineranni aningaasartuutit suliffeqarfimmit sulisitsisuusumit akilerneqassapput.
Kapitali II.
Brancheudvalgit inuttalersugaanerat.§ 6. Sanaartornermut brancheudvalgiusoq imatut inuttalersorneqasaaq:
1) Ilaasortat 2 Kalaallit Nunaanni Sulisitsisut Peqatigiiffiannit toqqakkat. Ilaasortat 2 Sulinermik Inuutissarsiuteqartut Kattuffiannit, S.I.K.-mit toqqakkat. Ilaasortat taakku sulianut assigiinngitsunut pineqartunut attuumassuteqartuussapput. Ilaasortat toqqarneqarsimasut illoqarfimmit atuarfiup inissisimaffigisaaneersuunngippata, taakkua saniatigut illoqarfimmi tassani sinniisussanik toqqaaneqassaaq.
2) Ilaasortaq 1 Grønlands tekniske Organisationimit toqqagaq.
3) Ilaasortaq 1 kommunalbestyrelsemit toqqagaq.
4) Ilaasortaq 1 atuarfiup lærerrådianit toqqagaq.
5) Ilaasortaq 1 atuarfiup elevrådianit toqqagaq.
6) Ilaasortaq 1 inuutissarsiornermi naalakkersuisumit toqqagaq.§ 7. Saviminilerinermut brancheudvalgiusoq imatut inuttalersorneqassaaq:
1) Ilaasortat 2 Kalaallit Nunaanni Sulisitsisut Peqatigiiffiannit toqqakkat. Ilaasortat 2 Sulinermik Inuutissarsiuteqartut Kattuffiannit, S.I.K.-mit toqqakkat. Ilaasortat taakku sulianut assigiinngitsunut pineqartunut attuumassuteqartuussapput. Ilaasortat toqqarneqarsimasut illoqarfimmit atuarfiup inissisimaffigisaaneersuunngippata, taakkua saniatigut illoqarfimmi tassani sinniisussanik toqqaaneqassaaq.
2) Ilaasortaq 1 Grønlands tekniske Organisationinit toqqagaq.
3) Ilaasortaq 1 kommunalbestyrelsemit toqqagaq.
4) Ilaasortaq 1 atuarfiup lærerrådianit toqqagaq.
5) Ilaasortaq 1 atuarfiup elevrådianit toqqagaq.
6) Ilaasortaq 1 inuutissarsiornermi naalakkersuisumit toqqagaq.§ 8. Niuernermut- allaffinnullu brancheudvalgiusoq imatut inuttalersorneqassaaq:
1) Ilaasortat 2 Sulinermik Inuutissarsiuteqartut Kattuffiannit, S.I.K.-mit toqqakkat.
2) Ilaasortaq 1 Den kongelige grønlandske Handelimit toqqagaq.
3) Ilaasortaq 1 Kalaallit Nunaanni Komntuneqarfiit Kattuffiannit toqqagaq.
4) Ilaasortaq 1 Kalaallit Nunaanni inuutissarsiummik ingerlatallit Peqatigiiffiannit toqqagaq.
5) Ilaasortaq 1 kommunemit toqqagaq.
6) Ilaasortaq 1 inuutissarsiornermi naalakkersuisumit toqqagaq.
7) Ilaasortaq 1 atuarfiup sulisunut rådianit toqqagaq.§ 9. Inunnik isumaginnittussanik ilinniartitsinermut brancheudvalgiusoq imatut inuttalersorneqassaaq:
1) Ilaasortaq 1 Sulinermik Inuutissarsiuteqartut Kattuffiannit, S.I.K.-mit toqqagaq.
2) Ilaasortaq 1 Børne- og Ungdomspædagogernes Landsforbundimit, B.U.P.L.-mit toqqagaq.
3) Ilaasortaq 1 Danske Socialpædagogers Landsforbundimit, D.S.L.-mit toqqagaq.
4) Ilaasortaq 1 Kalaallit Nunaanni Kommuneqarfiit Kattuffiannit toqqagaq.
5) Ilaasortaq 1 Kultureqarnermi atuartitsinermilu Pisortaqarfimmit toqqagaq.
6) Ilaasortaq 1 Isumaginninnermi Pisortaqarfimmit toqqagaq.
7) Ilaasortaq 1 angajoqqaanut sinniisutut toqqagaq.
8) Ilaasortaq 1 atuarfiup elevrådianit toqqagaq.
9) Ilaasortaq 1 atuarfiup lærerrådianit toqqagaq.
10) Ilaasortaq 1 inuutissarsiornermi naalakkersuisumit toqqagaq.§ 10. Sulianut assigiinngitsunut atuarfinni forstanderiusut brancheudvalginut allatsitut sulissapput udvalgillu suliassai forretningsudvalgi suleqatigalugu aaqqissuutissallugit.
Imm. 2. Forstanderit udvalgimi taaseqataasinnaanngillat.§ 11. Brancheudvalgi nammineq suleriaasissaminut najoqqutassiussaaq.
§ 12. Nalunaarut una erniinnaq atuutilerpoq.
Namminersornerullutik oqartussat, ulloq 13. april 1981.
Lars Emil Johansen/
Emil Abelsen