Namminersornerullutik oqartussat nalunaarutaat nr. 2, 27. januar 1981 ulluligaq Kalaallit Nunaanni nunap ilaani namminersortut oqartussalluunniit radiukkut TV-kkulIu aallakaatitsinissamut akuerineqarsinnaanerat pillugu
Kallaallit Nunaanni radioqarneq TV- qarnerlu pillugit matsimmi nr. 583-imi 29 november 1978-imi §-it aappaat, suliat Namminersornerullutik Oqartussanut tunniunneqarnerat pillugu inatsisit arlallit atuutilernerannik Kalaallit Nunaannut ministerip nalunaarutaata nr. 417 27. september 1979 ullulikkap §-iisa pingajuatigut atulersinneqartoq, tunngavigalugu aalajangersaaneqarpoq:
§ 1. Malittarisassat uku taamaallaat atuupput Kalaallit Nunaanni nunap ilaani radiukkut TV-kkullu aallakaatitat kikkunnulluunniit naatsorsuussat siaruarniarlugit atortoqarnissanik akuerineqarsinnaanermut.
§ 2. Akuerineqassagaanni piumasarineqarpoq akueritittut qularnaveeqqusiissasut aallakaatitassat tamatigoortuunnissaannik.
§ 3. Aallakaatitsissutit neqerooruteqarnermut niuernikkulluunniit iluanaaruteqarniarnermut atorneqassanngillat.
§ 4. Akuerineqarnissamik qinnuteqaat atortorissamaakkat teknik eqqarsaatigalugu qanoq ittuunerisa allaaserinerannik ilallugu, tamatumunnga aamma ilanngullugu aallakaatitsineq silaannakkoortuussanersoq, kommunalbestyrelsemut tunniunneqassaaq.
Imm. 2. Qinnuteqaammut ilaassapputtaaq sanaartornissamut ingerlatsinissamullu ani-ngaasartuutissanik pilersaarusiat aammalu malittarisassat assigisaalluunniit akuerineqartup ingerlatsinerani tunngaviusussat.§ 5. Kommunalbestyrelsep qinnuteqaat ilaalu oqaaseqaammik ilallugit Kalaallit Nunaata Radioanut nassiutissavai qinnuteqartoq oqaaseqaamminik ilisimatiitigalugu.
§ 6. Kalaallit Nunaata Radioata qinnuteqaat Kalaallit Nunaanni nalunaarasuartaaseriveqarfimmut nassiutissavaa taanna qinnuigalugu atortut atornissaannut piumasat nalinginnaasut nunaqarfimmilu imaluunniit illoqarfimmi pineqartumi pissutsit tunngavigalugit teknikimut tunngasortai misissorlugit nalileqqullugit.
§ 7. Teknikimut tunngasunik naliliineq pissaaq Kalaallit Nunaanni radiukkut nalunaarasuartarnikkullu atassuteqarnermi malittarisassat atuuttut tungavigalugit. Taavalu naliliineq Kalaallit Nunaata Radioanut ingerlatinneqassaaq.
§ 8. Kalaallit Nunaata Radioata qinnuteqaat misissussavaa nalilerniarlugit atugassap aningaasarsiornikkut qanoq ingerlasinnaanera, aallakaatitassiat tamatigoortuunissaannik piumasat aammalu suliarinneqqaartutut piginnaatitaanerit pillugit aalajangersakkat atuuttut eqqortinneqarnissaat.
§ 9. Qinnuteqaat ataatsimut isigalugu Kalaallit Nunaata Radioa radiup siulersuisuinut aalajangiisussanut inassuteqassaaq.
Imm. 2. Qinnuteqartup aalajangigaq landsstyremut ilaasortamut kulturimut atuartitsinermullu tunngasunik isumagisalimmut suliassanngorteqqissinnaavaa.§ 10. Atortunut, aserfallattaaliinermut nakkutilliinermullu aningaasartuutit akuersissutinik tunineqartut isumagisassaraat, taakkuttaaq akisussaaffigaat atortut pineqartumi malittarisassat atuuttut malillugit atorneqarnissaat.
§ 11. Atortut pigineqareersut pillugit akuersissutit ukiuni marlunm atuuttussanngorlugit tunniunneqartassapput. Atortut siullermeersumik pilersmneqassappata akuersissut ukiuni pingasuni atuuttussanngorlugu tunniunneqassaaq.
Imm. 2. Pissutsit immikkut ittut pissutigalugit piffissanit piumasanit allaasunik qanoq-iliuuseqarnissaq akuersissutigineqarsinnaavoq.§ 12. Akuerineqartup sianigisassaraa akuersissutip nalunaarutigineqarnerani piumasat malillugit atortut atorneqarnissaat.
§ 13. Namminersornerullutik Oqartussat sinnerlugit teknikikkut nakkutilliineq Kalaallit Nunaanni nalunaarasuartaaseriveqarfiup isumagissavaa. Taassuma aallakaatitsiviit misissortissinnaavai akornusersorneqaranilu taakku misissorsinnaassallugit misilittarsinnaassallugillu.
§ 14. Akuerineqartoq pisussavoq Kalaallit Nunaanni nalunaarasuartaaseriveqarfiup piumasai malissallugit tamatumani siunertarineqarpat atortut TV atorlugu isiginnaarniarnermik aammalu radiukkut naalaarniarnernik allanik kiisalu pisortat ingerlassaannik allatullu pissusissamisoortumik nalunaarasuartaatitigut atassuteqarnernik inuiaqatigiinnut isumannaallisaanermullu pingaaruteqartunik akornusersuisinnaanerata erniinnaq pinngitsoortinnissaa.
§ 15. Kommunalbestyrelsep sukkulluunniit radiup siulersuisui qinnuvigisinnaavai akuersissutip utertinneqarnissaanik isumaqaruni
akuersissuteqarnermi piumasat unioqqutinneqartut.§ 16. Atortut ikkussornerannut, atornerannut ingutsernerannullu atatillugu ajoqusiisoqassappat tamanna akuerineqartup akisussaffigissavaa.
Imm. 2. Pineqartut allat inuttaat pigisaalluunniit atortuinit ajoquserneqarpata Kalaallit Nunaata Radioa, Namminersornerullutik Oqartussat aammalu Kalaallit Nunaanni nalunaarasuartaaseriveqarfik taarsiisussaatinniarneqarsinnaanngillat.§ 17. Ingerlassinerup malittarisassat makku malinngippagit ilimasaareqqaarani akuersissut utertinneqarsinnavoq.
§ 18. Nalunaarut una atulissaaq 1. marts 1981.
Namminersornerullutik Oqartussat, den 27. januar 1981
Thue Christiansen/
John E. Jensen