Kalaallit Nunaanni eqqumiitsuliortut atuarfiat pillugu Landstingip inatsisaa nr. 6, 21. oktober 1980-imeersoq.

 

§ 1. Eqqumiitsuliortut atuarfiata siunertaraa eqqumiitsuliortarnerup ineriartortinneqarnera siuarsassallugu.

§ 2. Eqqumiitsuliortut atuarfiata inuit eqqumiitsuliornermut piginnaassusillit soqutigisallillu periarfissinniassavai piginnaassutsiminnik taakkuninnga ineriartortitsinissaannut eqqumiitsuliornerminnillu pitsaanerulersitsinissaannut periarfissinniassallugit.

§ 3. Eqqumiitsuliortut atuarfiat sivikitsunik sivisunerusunilluunniit kursusersitsinernik neqerooruteqartartussaavoq §§-ni 1-imi 2-milu aalajangersakkanik naammassinnittussanik.
Imm. 2. Aammattaaq eqqumiitsuliortut atuarfiat assassorluni eqqumiitsuliornermik kursuseqartitsinissamut neqerooruteqarsinnaavoq.
Imm. 3. Atuarfiup ingerlassaanut allanut naapertuuttumik annertussusilimmik ininik allanillu atortussanik eqqumiitsuliortunut namminiivillutik suliaqartur nut atugassiisinnaavoq.

§ 4. Kalaallit Nunaanni Namminersornerullutik Oqartussat eqqumiitsuliornernut, atuartitsinermut atuarfiullu ingerlanneqarneranut pisortaasussamik suliassanut aki sussaassuseqartussamik atorfinitsitsissapput.

§ 5. Landstyrip Kultureqarnermut Atuartitsinermullu ilaasortaatitaata atuarfiup iluani aqutsineq pillugu erseqqinnerusumik maleruagassiat aalajangersassavai.

§ 6. Eqqumiitsuliortut atuarfianni qanoq-iliuusissat atuartitsinissallu pilersaarusiornerat landsstyrip kultureqarnermut atuartitsinermullu ilaasortaatitaata aalajangersassavai, aammalu taassuma atuarfiup ilinniartitsisuinik sulisuinillu allanik atorfinitsitsisarneq soraarsitsisarnerlu pillugit erseqinnerusumik aalajangersakkat aalajangersassallugit.

§ 7. Inatsit una 1. januar 1981-imiit atuutilissaaq.

Ulloq 21. oktober 1980

Jonathan Motzfeldt

/

Thue Christiansen