Landstingip peqqussutaa nr. 7, 20. oktober 1980-imeersoq isumaginninnerup tungaatigut perorsaanikkut ilinniartitaaneq pillugu Landstingip peqqussutaanut nr. 14, 24. oktober 1979-imeersumut allannguut.

Isumaginninnerup tungaatigut perorsaanikkut ilinniartitaaneq pillugu Landstingip peqqussutaani nr. 14, 22. oktober 1979-imeersumi makku allanngortinneqarput:

 

§ 3, Imm. 3 imatut allanngortinneqarpoq:
"Imm. 3. Inuutissarsiornermut Pisortaq isumaginninnerup tungaatigut perorsaanikkut ilinniartitaaneq pillugu brancheudvalgimik pilersitsissaaq. Brancheudvalgip ilaasortalersugaanerata sulineratalu malissavai aalajangersakkat kaajallaasitani landsstyremi ilaasortap suliarisimasaani allanneqarsimasut."

§ 28 imm. 3 imatut allanngortinneqarpoq:
"Imm. 3. Ilinniarnerup ingerlanera tamakkerlugu ilinniarnermi aammalu sulinermik sungiusarnermi ilitsersuunneqarnissamik ilinniartut unnersuunneqassapput. Tamanna pillugu malittarisassat erseqqinnerusut Inuutissarsiornermut Pisortamit aalajangerneqassapput."

§ 29 imm. 2 peerneqarpoq.

§ 29, imm. 4 imatut allanngortinneqarpoq:
"Imm. 4. Qinnuteqartoq atuarfimmut isersinnaanermik itigartinne qarsimappat, tassunga tunngaviusoq nalunaarutigineqassaaq. Itigartitsinermik nalunaarutigineqartoq Inuutissarsiornermut Pisortamut ingerlateqqinneqarsinnaavoq, tassanilu aalajangiineq atortuutinneqassalluni."

§ 34 imm. 1 imatut allanngortinneqarpoq:
"Imm 1. Isumaginninnerup tungaatigut perorsaasunut ilinniarneq soraarummeernermik inaarneqassaaq. Soraarummeernermi  nalileeqataasussaq avataaniit aggersinneqarsimasoq ilaatinneqassaaq, taanna Inuutissarsiornermut Pisortamit brancheudvalgip siunnersuuteqarnera tunngavigalugu toqqarneqassaaq."

§ 37 imatut allanngortinneqarpoq:
"§ 37. Inuutissarsiornermut Pisortaq brancheudvalgip siunnersuuteqarnerata kingorna maleruagassat allanngortinneqarallarnissaannik akuersissuteqarsinnaavoq."

 

Allannguutit uku Landstingip peqqussutaaniittut 1. januar 1981-imi atortuulerput.

Nuuk, 24. oktober 1980.

Jonathan Motzfeldt

/

Lars Emil Johansen