Kalaallit Nunaanni inuutissarsiutitigut siunnersuisoqarneq pilluqu Landstingip peqqussutissaa nr. 6, 24. oktober 1980-imeersoq.
Inuutissarsiutitaarniarluni ilinniartitsinermut inatsit nr. 582, 29. november 1978-imeersoq Nalunaarutikkut 27. november 1979-imeorsukkut 1. januar 1981-imiit sunniuteqartussamik atortuulersitaq tunngavigalugu makku aalajangersarneqarput:
Kapitali I.
Kalaallit Nunaanni inuutissarsiutitigut siunnersuisoqarnerup aaqqissuunnera suliassaalu.§ 1. Inuutissarsiutitigut siunnersuisoqarnermut qitiusumik ingerlatsinermut qullersaavoq Inuutissarsiornermut Pisortaqarfik. Inuutissarsiornermut Pisortamut slunnersuisartuuvoq ataatsimiititaliaq Landstingimit pilersinneqarsimasoq Erhvervskommissioni.
Imm. 2. Inuutissarsiornermut Pisortap atorfinitsissavai siunnersortit inuutissarsiutitigut siunnersuisoqarfiup qitiusumik suliassaanik ingerlatsisussat.§ 2. Kalaallit Nunaanni inuutissarsiutitigut siunnersuisoqarfiup suliassaraa Kalaallit Nunaanni inuutissarsiutit ineriartortitaanerat ikiorserniassallugu aamma inuutissarsiornikkut anguniagassatut siunertarisat siuarsarniassallugit.
Imm. 2. Inuutissarsiutitigut siunnersuisoqarfiup aamma inuutissarsiutitigut aalajangersumik anguniagaqarnermut ilanngullugu Kalaallit Nunaanni inuutissarsiutitigut ineriartorneq aammalu Kalaallit Nunaata avataani pissutsit Kalaallit Nunaanni inuutissarsiutit ineriartornerannut sunniuteqarsinnaasut malinnaaffigissavai.
Imm. 3. Inuutissarsiutitigut siunnersuisoqarfiup nalunaarsussavai teknikkikkut, ilinniartitaanikkut allatigullu ikiorserneqarnissamik pisariaqartitsinerit knsalu pisortatigoortumik namminersortutigoortumillu ikiorserneqarfiusinnaasut ilisimatitsissutiginissaat isumagissallugu.
Kapitali II.
Inuutissarsiutitigut siunnersuisartut nunap immikkortuini.§ 3. Kommunet ataasiakkaat konununelluunniit ar]al]it kattullutik inuutissarsiutitigut siunnersuisartunik atorfinitsitsisinnaapput, makkuninnga suliaqartussanik:
a) Kommuneni aamma/imaluunniit nunap immikkoortuini inuutissarsiornermut tunngasunik suliassat § 2-mi taagorneqartut suliarissallugit.
b) Kommuneni aamma/imaluunniit nunap immikkoortuini namminerni naammassineqarsinnaanngitsunik suliassanik inuutissarsiutitigut siunnersuisoqarfik suleqatigissallugu.
c) Kattuffiit § 2-mi taagorneqartut suleqatigissallugit.
d) Suliffissaqartitsiniarnermut udvalgit ingerlaannartumik ilisimatittassallugit inuutissarsiutinik siuarsaaniutinik qanoq iliuusaasunik aallartissiinasanik aallartinneqarnissaannulluunniit piareersarneqartunik, kiisalu apeqqutinik inuutissarsiornermut tunngasunik tunngaviusumik imaluunniit siunissami aningaasarsiornermut suliffissaqartitsiniarnermullu sunniuteqartussanik.
e) Suliffissaqartitsiniarluni kommunet qanoq iliuuseqarnissaasa pilersaarusiorneqarneranni suleqataassalluni.
f) Peqataaffigalugu siulersussallugu kommuneni aamma/imaluunniit nunap imraikkoortuini inuutissarsiutinik ilitsersuineq amerlasuunut ataatsikkut inunnulluunniit ataasiakkaanut ilitsersuinertut ingerlanneqarsinnaasoq.
g) Kommuneni aamma/imaluunniit nunap immikkoortortaani EFG-mi ilinniartut praktikkerfigisartagaasa nakkutigineqarnerannl peqataassalluni aammalu ilinniartut taakkunani praktikkernerisa naammassineqarnissaat nakkutigissallugu.
h) Inuutissarsiornermut tunngasunik qanoq iliuutsit aallartinneqarsimasut pilersaarutigineqartullu pillugit suliffissaqartitsiniarnermut udvalgimut nalunaarusiussalluni udvalgip kommunemut Inuutissarsiornerraullu Pisortaqarfimmut nalunaarusiassanut atugassamik.
i) Kommuneni aamma/imaluunniit nunap inunikkoortuini ilinniartitsissutissanik pisariaqartitsinernik Inuutissarsiornermut Pisortaqarfimmut nassiussassanik suliaqassalluni.
Kapitali III.
Isertuussisussaatitaaneq.§ 4. Kalaallit Nunaanni inuutissarsiutitigut siunnersuisartut konmunenilu inuutissarsiornermut siunnersuisartut isertuussisussaatitaapput ilisimasaminnik inuit ataasiakkaat aningaasaqarnikkut allatigullu pissusiinik, teknikkikkut aaqqissuinernik periaatsinilluunniit imaluunniit ingerlatsinikkut aningaasarsiornikkulluunniit pissutsinik atorfik aqqutigalugu ilisimalersimasaminnik.
Imm. 2. Isertuussisussaatitaaneq atorfiup qimareerneratigulluunniit atuuttuartussaavoq.
Kapitali IV.
Aningaasalersuineq.§ 5. Kalaallit Nunaanni inuutissarsiutitigut siunnersuisoqarnermi ingerlatsinermut aningaasartuutit Kalaallit Nunaata landskasseanit akilerneqassapput.
§ 6. Illoqarfinni, kommuneni aamma/imaluunniit nunap immikkoortuini inuutissarsiutitigut siunnersuisut sulinerinut aningaasartuutit kommunenit akilerneqassapput. Tassunga Kalaallit Nunaata landskasseanit tapiisoqarsinnaavoq.
§ 7. Inuutissarsiuteqarneq tunngavigalugu kattuffiit siunnersortimik akissarsiaannut aningaasartuutiminnut tapiissutissanik Kalaallit Nunaata landskasseanit qinnuteqarsinnaapput.
§ 8. Namminersortumik ingerlatsiviit inuillu ataasiakkaat siunnersortinik ikiorneqarnerminnut akileeqquneqarsinnaapput.
§ 9. Inuutissarsiutitigut siunnersortit ilinniartitaanerannut akissaatit saniatigut aningaasartuutit Kalaallit Nunaata landskasseanit akilerneqassapput, kommunelli isumaqatiginiarnerisigut kommunet aningaasaleeqataanissaannik aalajangersaasoqarsinnaavoq.
Kapitali V.
Atortuulerfissaa.§ 10. Peqqussut manna atortuulissaaq 1. januar 1981.
Nuuk, 24. oktober 1980.
Jonathan Motzfeldt/
Lars Emil Johansen