Kalaallit Nunaanni inuutissarsiutitigut tunngaviusumik ilinniartitaanermut landstingip peqqussutaa nr. 5, 24. oktober 1980-imeersoq.
Kalaallit Nunaanni inuutissarsiutitigut ilinniartitaanermut, ilinniarnermut tapiisarnermut inuutissarsiutinullu siunnersuisarnermut landstingip aalajangersagaa nr. 4, § 1, imm. 2 naapertorlugu matumuuna Kalaallit Nunaanni inuutissarsiutitigut tunngaviusumik ilinniartitaanerup imaanut maleruagassat ersarinnerusut aalajangersarneqarput.
Siunertaa.
§ 1. Inuutissarsiutitigut tunngaviusumik ilinniartitsinerup siunertaraa sulisussat ilinniarsimasutut ilinniartinnissaat.
Aaqqissugaanera imaalu.
§ 2. Inuutissarsiutitigut tunngaviusumik ilinniartitsinerit meeqqat atuarfianni klasset triniisa 10-annut atatillugit pilersaarusiorneqassapput.
Imm. 2. Ilinniartitsinerit aaqqissorneqassapput aairana ilinniarniat kingusinnerusukkut inuutissarsiutitigut tunngaviusumik ilinniarnissamik kissaateqartut peqataasinnaanissaat siunertaralugu.§ 3. Ilinniarnerit inuutissarsiutinut pingaarnernut gruppelersorneqartussat inuutissarsiutinut ilinniartitsiviunermik saniatigut imaqassapput inuutissarsiutinut nalinginnarnut tunngasunik atuartitsinernik, atuartut inuiaqatigiinnik inuutissarsiutinillu paasinninnissaannik siunertaqartunik.
Imm. 2. Ilinniartut ilinniarnerminnut suliffinnillu misiliinissaminnut siunnersorneqarnissamik ilinniarnerup tamarmi nalaani neqeroorfigineqassapput. Tamatumunnga maleruagassat ersarinnerusut Landsstyremut ilaasortamit aalajangersarneqassapput.§ 4. Inuutissarsiutitigut tunngaviusumik ilinniarneq nalinginnarmik aallarniutaasumik ilinniarnermik, siunertaqartumik ilinniartut inuutissarsiutitigut ilinniaqqinnissaminnut naleqquttunngornissaannik, aallartinneqassaaq.
Imm. 2. Aallarniutaasumik ilinniarneq sivikinnerpaamik ukiumik ataatsimik sivisussuseqarpoq qaffariartortumillu aaqqissorneqassalluni, ilai inuutissarsiutinut atuarfiup avataani ingerlanneqarsinnaallutik. Inuutissarsiutinut atuarfimmi aallarniutaasumik dlinniarneq nalinginnarmik ukiumik ataatsimik sivisussuseqarpoq. Landsstyremut ilaasortap tamatumunnga maleruagassat ersarinnerusut aalajangersassavai.§ 5. Aallarniutaasumik ilinniarneq inerpat inuutissarsiummut ilinniarnivik aaqqissorneqassaaq inuutissarsiutinut atuarfiup isumagisaanik atuartitaanermik taperlugu sullivimmi ilinniarnikkut.
Imm. 2. Sullivimmi ilinniarneq inuutissarsiutinut atuarfiup sulissuteqarneratigut suliffimmi ataatsimi amerlanerusuniluunniit pissaaq, imaluunniit inuutissarsiutinut atuarfiup pisortaqarfinni privatiniluunniit sulliviit ilinniarfissat naammattut pissarsiarisinnaanngippagit sullivimmut atuartitsinikkut immikkut ittukkut. Landsstyremut ilaasortap tamatumunnga maleruagassat ersarinnerusut aalajangersassavai.
Imm. 3. Aallarniutaasumik ilinniarnerup inernerata kingorna ilinniarnerup sivisussusia ilinniarnernut ataasiakkaanut Landsstyremut ilaasortamit aalajangersarneqassapput.
Imm. 4. Atuarfimmi atuartitsinerup pilersaarusiornera inuutissarsiununut udvalgimit inassuteqarnikkut Landsstyremut ilaasortamit aalajangersarneqassaaq.§ 6. Ilinniarneq inerpat ilinniarsimanermut uppernarsaat suliarineqasaaq, tassanilu inuutissarsiutinut ilinniarfiup uppernarsaasissavaa ilinniarneq aalajangersakkat ilinniarnermut tamatumunnga tunngasut naapertorlugit ingerlanneqars imasoq.
Inuutissarsiutit pineqartut.
§ 7. Aalajangersakkamit matumannga inuutissarsiutit pineqartut tassaapput saviminernut sisannullu, illuliornermut sanaartornermullu kiisalu niuernermut allaffeqarnermullu tunngasut.
Imm. 2. Inuutissarsiutit ilinniartitaaffii Kalaallit Nunaanni inuutissarsiutitigut ilinniartitaanermit tiguneqartut taamatullu inuutissarsiutit ilinniartitaaffii nutaat aalajangersakkamut tassunga atapput.
Aqutsinermik isumaginnittut.
§ 8. Inuutissarsiutinut atuarfinni tamani Landsstyremut ilaasortap inuutissarsiutinut udvalgi suliffissaqarniarnermi illuatungeriinnik sinniisoqarfilik pilersissavaa.
Imm. 2. Inuutissarsiutinut udvalgip suliassai Inuutissarsiornermut Pisortarait aalajangersarneqassapput.§ 9. Peqqussut manna sunniuteqarluni atulerpoq 1. januar 1981.
Nuuk 24. oktober 1980.
Jonathan Motzfeldt/
Lars Emil Johansen