Kalâtdlit nunãne kommunalbestyrelset amalo bygderådit il.il. pivdlugit landstingip inatsisâ nr.  2, 14. maj 1979

 

Kapitale 1:
Aulajangersagkat nalingínaussut

§ 1. Kommunet suliagssautait aKungneKásáput kommunalbestyrelsenit, táukulo KinerneKartásáput Kalâtdlit-nunãne kommunalbestyrelsenut bygderådinutdlo KinersineK pivdlugo maligtarissagssat landstingip inatsisâne aulajangerneKarsimassut maligdlugit.
Stk. 2. Kommunep aKungneKarnera pivdlugo maligtarissagssat ersserKingnerussut aulajangerneKásáput aKutsinigssamik ilerKorerKussame kommunalbestyrelsemit akuerineKarsimassume ãmalo Kalâtdlit-nunãne kommunet tilsynsrådiánit aulajangersarneKarsimassume. ilerKorerKussaK takuneKarsínáusaoK kommunep inuinit.
Stk. 3. Kommunalbestyrelsep suleriausigssane nangmineK akuerísavâ.

§ 2. Kommunep arKata avdlángortitaunera taimâgdlât pisínauvoK tilsynsrådip akuerssineratigut.
Stk. 2. Kommunep ilisarnautâ kommuneme pineKartume pissortat atugagssarât. taimáitoK kommunalbestyrelse ingmíkôrtune tamane KínuteKartoKartitdlugo akuerssisínauvoK ilisarnautip atorneKarnigssânut. ilisarnautip aningaussarsiutitut atorneKarnigssânik akuerssineK akilerâruteKarnigssamik piumassaKautitaKarsínauvoK. kommunep ilisarnautânik avdlángortitsineK aitsât pisínauvoK tilsynsrådip akuerssineratigut.

§ 3. Sûtdlunít kommunep sussagssarissainut túngássuteKartut kommunalbestyrelsemutdlo nangminermut aulajangivfigissagssarititáungitsut pivdlugit kommunalbestyrelse sapíngisamik oKauseKartíneKartásaoK.

 

Kapitale 2:
Kommunalbestyrelse

§ 4. Kommunalbestyrelse ilaussortaKásaoK ikingnerpâpâmik 3-nik, amerdlanerpâmigdlo 15-inik.

§ 5. Kommunalbestyrelse KinigaordlâK katerssûtísaoK kingusingnerpâmik junime atausíngornerme sujugdlerme. atautsimîgiarKussísaoK ilaussortaK kommunalbestyrelseme sivisunerpâmik ilaussortausimassoK, ãmalo kommunalbestyrelsep atautsimitarnerisa ingerdláneKartarfiáne najugaKartoK. ilaussortat ardlagdlit píssutigssat táuko erKortigpatigik, ilaussortaK utorKaunerssaK atautsimîgiarKussisaoK.
Stk. 2. Sujuligtaissugssarsiordlune Kinersinigssap tungânut kommunalbestyrelsep oKaloKatigîngnere sujulerssorneKásáput ilaussortamit atautsimîgiarKussisimassumit.

§ 6. autdlarnersautaussumik atautsiminerme kommunalbestyrelsep sujuligtaissugssane (borgmester) ilaussortame akornáne Kinísavâ. KinersineK atortugssáussuseKásaoK pivfigssamut kommunalbestyrelsep atûvfigssânut.
Stk. 2. Sujuligtaissup KinerneKarnigssânut piumassarineKásaoK taisinerme sujugdlerme kommunalbestyrelseme ilaussortat najutut taisinerme amerdlanerússuteKardluínarnigssât. taimatut amerdlanerússuteKarneK anguneKángigpat, taisineKarKísaoK. áipagssânik taisinerme KinigagssángortítoK amerdlanerússuteKardluarpat, imalunît taisinerme tássane KinigagssángortítoK atausinaK taineKarsimagpat, táuna KinigáusaoK. áipagssânik taisinerme ãma aulajangîneKángitsôrpat, inuit mardluk áipagssânik taisinerme amerdlanerússuteKarsimassut akornáne aulajangersimassumik KinersineKásaoK, taimalo taisinerit naligîgpata tangnermôrníkut aulajangerneKartásavdlune táuko mardluk aulajangersimassumik Kinersinerme (pingajugssânik taisineK) taisíssutigineKásassut. pingajugssânik taisinerme taisinerit naligîgpata, tangnermôrníkut aulajangîneKásaoK.
Stk. 3. SujuligtaissoK Kinigaoriarpat, kommunalbestyrelsep ilaussortame akornáne sujuligtaissup tugdligssâ Kinísavâ sujuligtaissup pisínáungínerane sulissugssaK. KinersineK sujulerssorneKásaoK sujuligtaissumit Kinigaordlâmit imalunît táuna pisínáungigpat ilaussortamit sujuligtaissugssamik Kinersinermik sujulerssuisimassumit, ãmalo ingerdláneKásavdlune maligtarissagssat sujuligtaissumik Kinersinermisut ítut maligdlugit. KinersineK atortugssáussuseKásaoK pivfigssamut kommunalbestyrelsep atûvfigssânut.
Stk. 4. AKutsinigssamik ilerKorerKussame aulajangerneKarsínauvoK, kommunalbestyrelsep ilaussortame akornáne Kinísagai sujuligtaissup tugdligssâ sujugdleK ãma sujuligtaissup tugdligssâta áipâ taineKartut tugdlerissusilerdlugit sujuligtaissup pisínáungínerane sulissugssángordlugit.

§ 7.  Kommunalbestyrelseme ilaussortaK kinalunît pissugssautitauvoK sujuligtaissumut imalunît sujuligtaissup tugdlianut KinigauneK tigúsavdlugo. taimáitoK ukiut sisamat tugdlerîgsitdlugit táukulunît sivnerdlugit sujuligtaissûsimassoK sujuligtaissutut Kinigaunigssamik tigussaKángitsôrumasínauvoK pivfigssame ima sivisutigissume, kingugdlermik tugdlerîginarnik sujuligtaissutut atûvfigisimassamine.
Stk. 2. KínuteKarneK maligdlugo kommunalbestyrelsep sujuligtaissoK ãmalo sujuligtaissup tugdlia suliagssáinit kãngartísínauvai pivfigssap atortûvfigssap sivneranut.
Stk. 3. SujuligtaissoK imalunît sujuligtaissup tugdlia suliagssaminit kãngartíneKarpat, toKugpat imalunît kommunalbestyrelsemut ilaussortaujungnaerpat, nutâmik KinersineKásaoK § 6-ime maligtarissagssat maligdlugit kommunalbestyrelsep atûvfigssâta sivneranut.

§ 8. kommunalbestyrelse inigssítiterêrpat, sujuligtaissup tilsynsråde nalunaerfigísavâ kíkut sujuligtaissumut ãma sujuligtaissup tugdlianut Kinigausimanersut ãmalo kommunalbestyrelseme ilaussortaussut avdlat pivdlugit nalunaerssût nãmagdluartoK nagsiutísavdlugo. pivfigssap Kinigauvfiup ingerdlanerane sujuligtaissoK nutâK imalunît sujuligtaissup tugdlia nutâK KinerneKarsimagpat, imalunît kommunalbestyrelsep ilaussortalersugaunera avdlángûteKarsimagpat, tamána pivdlugo nalunaerut sujuligtaissup tilsynsrådimut nagsiutísavâ.

§ 9. kommunalbestyrelse aulajangîssásaoK KaKugo sumilo ilerKûssumik atautsiminerit ingerdláneKásanersut. ukiut nautsorssuivfît autdlartínere tamaisa tamána pivdlugo nalunaerut kommuneme atorneKartartutut iliordlune nalunaerutigineKásaoK, tamánalo pivdlugo tilsynsråde ilisimatíneKásaoK.
Stk. 2. Ingmíkut ítunik atautsimineKartásaoK borgmesterip tamána pissariaKartutut isumaKarfigigpago imalunît ilaussortat ikingnerpâmik 1/3-îsa piumassarigpássuk. ingmíkut ítumik atautsiminerit ingerdláneKarnigssãnut pivfigssaK sumîvfigssardlo borgmesterip aulajangísavai, ãmalo atautsiminigssat sapíngisamik sujorKutsissumik nalunaerutigineKásáput kommuneme ínugtaussunut tilsynsrådimutdlo.
Stk. 3. Kommunalbestyrelsep atautsiminigssai sujorKutdlugit sujuligtaissup sapíngisamik angnertûmik ilaussortat nalunaerfigísavai, suliagssat sût atautsiminerme oKalûserineKartugssaunersut, ãmalo sapíngisamik mána isumagísavdlugo, suliagssat ãmalo táuko isúmerfigineKarnigssãnut navsuiautit pigssarsiarineKarsimassut ilaussortat misigssugagssáitut sarKúmiúneKásassut atautsiminigssaK sujorKutdlugo pivfigssame nalerKútume.

§ 10. Kommunalbestyrelsep atautsiminere tamanut angmassusáput. taimáitoK kommunalbestyrelsep akuerssíssutigisínauvâ suliagssat atausiákât matorKassumik oKalûseriumavdlugit. suliagssap matorKassumik oKalûserineKarnigssânut túngavigssaKarnersoK pivdlugo aperKut matorKassumik oKalûserineKásaoK tamána aulajangerneKarpat kommunalbestyrelsemit imalunît borgmesterimit.
Stk. 2. Kommunalbestyrelsep inuit kommuneme kivfartûteKardlutik atorfeKartut akuerisínauvai suliagssat matorKassumik oKalûserineKarnerat najûvfigerKuvdlugo. kommunalbestyrelsep suliagssap matorKassumik oKalûserineKarnerane inuit avdlat KaerKusínauvai, suliagssap navsuiarneKarnigssâ píssutigalugo tamána kigsautiginarpat.

§ 11. Kommunalbestyrelse aulajangîsínáussuseKásaoK ikingnerpâmik ilaussortat agfait najûgpata.
Stk. 2. avdlamik ingmíkut aulajangigaKarsimángíkângat taisissut amerdlanerússuteKarneratigut aulajangîneKartásaoK.

§ 12. Ingmíkut avdlamik aulajangigaKarsimángigpat suliagssap akuerssíssutigineKarnigssânut kommunalbestyrelseme atausiáinardlune oKalûseringningneK taimâgdlât pissariaKarpoK.

§ 13. Kommunalbestyrelsep aulajangînere agdlangneKásáput atautsimissutinut agdlagtuivfingme, atautsimêrêrnerit tamaisa ilaussortanit nujutunit atsiomeKartartume. ilaussortap kialunît piumassarisínauvâ avdlaussumik isumaKarnine atautsimissutinut avdlagtuivfingme agdlangneKásassoK ãmalo suliagssane oKartugssautitanut avdlanut nagsiúneKartugssane piumassarisínauvdlugo oKartugssautitat táuko agdlagtuivfît imarissãnik ãma ilisimatíneKásassut. suliagssap nagsiúneKarnerane ilaussortap táussuma isúmaminut túngaviliússamik nagsiutat ilaKartísínauvai.
Stk. 2. Atautsiminerup nânerata kingornatigut atautsimissutinut agdlagtuivfît ássilineKarnerat sujuligtaissup sapíngisamik piârtumik tilsynsrådimut nagsiutísavâ.

§ 14.  Kommunalbestyrelse aulajangisaoK, ilaussortaK suliagssame iamtut soKutigissaKarnersoK, suliagssaK pivdlugo kommunalbestyrelsep oKalûseringningnerane taisineranilo peKatáungitsusavdlune.
Stk. 2. Ilaussortap kommunalbestyrelse nalunaerfigísavâ, píssutsit sarKúmersimagpata inatsisitigut atortugssáussusilingmik iliûseKarsínaunine pivdlugo nalornissôruteKarpat.

§ 15. Atautsiminerme autdlarnersautaussume ilaussortaK peKatausínáungíkune, sivníssugssaminik sivnerneKarnigssane Kinersínauvâ.
Stk. 2. IlaussortaK píssutigssaKavigdlune peKatausimángigpat, sivníssugssaK kommunalbestyrelsep KaerKúsavâ kommmunalbestyrelseme ilaussortaugatdlarKuvdlugo.
Stk. 3. Kommunalbestyrelse aulajangisaoK, sivníssugssap ilaussortaulernigssânut píssutigssat atunersut.

§ 16.  Kommunalbestyrelseme ãmalo udvalgine, kommunalbestyrelsep nangmineK ilaussortame akornáne pilersitaine, atautsiminerne peKataunernut tilsynsrådip ersserKingnerussumik aulajangigâ maligdlugo ilaussortat uvdlormusiaKásáput.
Stk. 2. Tilsynsrådip akuerssineratigut kommunalbestyrelsep akuerisínauvâ sulianut avdlanut kommunalbestyrelsemut Kinersinerup kongornatigut ingerdláneKartunut uvdlormusiaKartitsinigssaK.
Stk. 3. Tilsynsrådip akuerissânik kommunalbestyrelsep ukiumôrtumik akigssarsiaKartísínauvai udvalgimut kommunalbestyrelsep pilersitânut sujuligtaissoK, kommunalbestyrelseme ilaussortat inuitdlunít avdlat kommunalbestyrelsemit kommuneme ingmíkut ítumik suliagssaKartitaussut.
Stk. 4. Kommuneme suliagssap ingerdláneKarnigssânut ingmíkut akigssarsiaKartitsineKarpat, isumagineKarneranut atatitdlugo atautsiminerne il.il. inuk táuna uvdlormusiaKartíneKásángilaK.
Stk. 5. Kommuneme suliap isumagineKarneranut atatitdlugo angalanernut tilsynsrådip ersserKingnerussumik aulajangigâ maligdlugo túniúneKarsínáuput angatdláneKarnerme ãmalo najugaKarnerme il.il. taortisiat.

 

Kapitale 3:
Udvalgit il.il.

§ 17. kommunep suliagssautaisa ingerdlatitaunerisa isumagineKarnigssãnut túngassut pivdlugit økonomiudvalge ãmalo udvalgit atáinartugssat pilersíneKásáput, táuko ilaussortalersugaunigssât oKartugssáussuseKarfigssaitdlo aKutsineK pivdlugo ilerKorerKussame aulajangerneKásavdlutik.
Stk. 2. Udvalginut, kommissioninut, bestyrelsenut taimaingajagtunutdlo kommunalbestyrelsep imalunît kommunep aulajangersagkat avdlat nâpertordlugit sivnîssoKarfigissagssainut ilaussortagssat kommunalbestyrelsep Kinísavai.
Stk. 3. Udvalginut il.il. stk. 1-ime 2-milo taineKartunut ilaussortagssanik KinersineK kommunalbestyrelsep sujuligtaissuanik ãmalo sujuligtaissuata tugdligssânik (sujuligtaissut tugdlînik) Kinersinerup kingunínguatigut ingerdláneKásaoK. Kinersinerit pivfigssamut kommunalbestyrelsep atûvfigssânut atortusáput.
Stk. 4. Kîsalo kommunalbestyrelse udvalginik ingmíkut ítunik pilersitsisínauvoK suliagssat aulajangersimassut isumagineKarnigssãnut imalunît kommunalbestyrelsemut, økonomiudvalgimut imalunît udvalginut atáinartunut suliat piarêrsautaussut imalunît sujúnersussutaussut ingerdláneKarnigssãnut.
Stk. 5. Kommunalbestyrelsep ilaussortane atauseK imalunît ilaussortane ardlagdlit kommuneme suligssanik ingmíkut ítunik suliagssísínauvai. sulianik taima ítunik ãma suliagssingneKarsínáuput kommuneme najugaKartut avdlat tamatumúnga piumassut.

§ 18. Økonomiudvalgip ilaussortarísavai kommunalbestyrelsep sujuligtaissua, udvalgimut ãma sujuligtaissûssugssaK ãmalo kommunalbestyrelseme ilaussortat avdlat 2-nit 4-nut.
Stk. 2. Økonomiudvalgip aKutsineK pivdlugo ilerKorerKussaK nâpertordlugo kommunep budgeteKarneranut, karseKarneranut nautsorssûteKarneranutdlo túngassut sujulerssúsavai, suliagssaKarfingnilo kommunep pissortauvfigissaine tamane aningaussanut pissortatutdlo ingerdlatsinerup tungâtigut píssutsit malingnaivfigísavdlugit. suliagssat kommunep aningaussaKarneranut pissortaKarneranutdlunît túngassut sûtdlunit kommunalbestyrelsemut aulajangîvfigissagssángordlugit sarKúmiúneKángínerine udvalgimut tássunga oKauseKarfigitíneKartásáput.

§ 19. Udvalginut atáinartugssanut ilaussortat kommunalbestyrelsep ilaussortaisa akornáne KinerneKásáput.
Stk. 2. Kommunalbestyrelse socialudvalgimik pilersitsísaoK kommuneme suliagssat inungnik isumagingningnermut túngassut ingerdláneKarnigssãnut.
Stk. 3. Kommunalbestyrelse kulturimut ilíniartitsinermutdlo udvalgimik pilersitsísaoK kommuneme atuarfeKarfît, súngivfingme sangmissagssaKartitsiniarnerit ãmalo kulturíkut sulinerup avdlap ingerdláneKarnigssáinut.

§ 20. Udvalgit sujuligtaissugssatik nangmingneK Kinísavait, taimáitoK tak. § 4, Stk. 3.
Stk. 2. Udvalgit aulajangîsínáussuseKásáput ikingnerpâmik ilaussortat agfait najûgpata. aulajangînerit tamarmik taisissut amerdlanerússuteKarneratigut aulajangerneKartásáput.
Stk. 3. Udvalgit suleriausigssatik nangmingneK aulajangísavait. udvalgit tamarmik ingmíkut agdlagtuivfingnik ingerdlataKásáput, tássane udvalgip aulajangînere agdlangneKartásavdlutik.
Stk. 4. Kommunalbestyrelsep sujuligtaissua udvalgit atautsiminerine najusínautitauvoK ilaussortáungíkaluardlune. atautsiminigssanut pivfigssat pivdlugit nalunaerfigineKartásaoK ãmalo uvdlormut oKalûserissagssanik tigussaKartásavdlune, uvdlormut oKalûserissagssat ilaussortanut nagsiúneKarsimagângata.

§ 21. Udvalgit sujulerssugagssarait ingmingnut suliagssissutigineKartut ukiumôrtumik budgetip akuerineKarsimassup iluane ãmalo kommunalbestyrelsep akuerssíssutigisimassai nâpertordlugit. aningaussat akuerineKarsimassut KângerneKángínigssât nákutigísavât ãmalo økonomiudvalge avKutigalugo kommunalbestyrelsemut sujúnersûteKásavdlutik, akuerssíssutit saniatigut aningaussat akuerssíssutigssat kigsautiginartutut pissariaKartututdlunît isumaKarfiginarpata.
Stk. 2. Økonomiudvalgimit KínuteKaut maligdlugo ãmalo pivfigssap kigdliligkap udvalgimit tássánga aulajangerneKartup iluane udvalgit sarKúmiússísáput budgetimut ilángutagssanik ãmalo pisârtugagssanut aningaussalissutigssanutdlo pilerssârutinut ilángutagssanik.

§ 22. Kommunalbestyrelsemut ilaussortap kialunît udvalgit sulinerat pivdlugo aperKutit sûgaluartutdlunît kommunalbestyrelsemut suliagssángortísínauvai. udvalgit navsuiautinik kommunalbestyrelsep piumassainik kommunalbestyrelse nalunaerfigísavât. udvalgit - inatsisine aulajangersarsimassunik kigdligssaligkamik - sutigut tamatigut kommunalbestyrelsep aulajangînerinut malerutugssáuput.

§ 23. Udvalgime ilaussortap kialunît aulajangîsimanerup ingerdláneKarnigssâ unigtísínauvâ atautsiminerme oKauseKarune aperKutip kommunalbestyrelsemut tamarmiussumut sarKúmiúneKarnigssâ kigsautigigine. tamánale atúsángilaK aulajangînernut inatsisíkut udvalgimut suliagssángortíneKarsimassunut.

§ 24. Udvalgimut imalunít pissortatigut sivníssoKarfigissagssamut avdlamut ilaussortagssatut Kinigausínáusagáine KinigagssángortítoK táuna kommunalbestyrelseme sujúnersútigineKarsimassugssauvoK.
Stk. 2. Udvalgimut 2-nik amerdlanerussunigdlunît ilaussortalingmut Kinersinerme KanoK amerdlássuseKarneK túngavigalugo KinersineKásaoK.
Stk. 3. KanoK amerdlássuseKarneK túngavigalugo KinersineK d'Hondtsip periausia túngavigalugo pissásaoK máko maleruagagssaralugit: kommunalbestyrelsep ilaussortai ingmíkôrtunut Kinersinigssame pineKartume KanoK taiseKatigikumanertik pivdlugo sujuligtaissumut nalunaersimanertik túngavigalugo avingneKásáput. ingmíkôrtut tamarmik amerdlássusê 1-imik, 2-mik, 3-mik il.il. avguarneKásáput. inernerit pigssarsiarineKartut aulajangísavât ingmíkôrtut KanoK tugdleríngneKardlutik sivnissorissagssamingnik Kinersísanersut. inernerit mardluk amerdlanerussutdlunît ássigipata KanoK tugdleríngneKarnigssaK makitsiníkut aulajangerneKásaoK.
Stk. 4. Inuk atausinaK KinerneKásagângat KinersineK ingerdláneKásaoK § 6, stk. 2-me maligtarissagssat maligdlugit.

§ 25. udvalgimut ilaussortaK akigssarsiaKardlune kommunep ingerdlatsiviata udvalgip pineKartup sussagssarissâta suliagssautainik suliaKásángilaK, tamanut angmassumik suliariumangnigtugssarsiussissoKarsimatínago imalunít píssutsit ingmíkut ítut píssutigalugit kommunalbestyrelse akuerssisimatínago.
Stk. 2. Kinalunít kommuneme kivfartûteKardlune atorfeKartoK udvalgime ilaussortausínáungilaK, kivfartúteKarneranut túngassut pivdlugit aperKutit udvalgimut tássunga atatíneKarângata.

 

Kapitale 4:
Kommunalbestyresep sujuligtaissua

§ 26. Sujuligtaissup kommunalbestyrelsep atautsiminigssai piarêrsásavai ilaussortatdlo atautsimîgiarKúsavdlugit.
Stk. 2. Kommunalbestyrelsep atautsiminere taisinerilo sujuligtaissup sujulerssúsavai ãmalo aulajangínerisa agdlagtuivfingme agdlangneKarnigssât isumaKísavdlugo.

§ 27.  Kommunalbestyrelsep aulajangînerisa ingerdláneKarnigssât sujuligtaissup isumagisavâ. kommunalbestyrelse sivnerdlugo suliagssat nalingínaussut ingerdláinartut kinguartíneKarsínáungitsut imalunît nalornissôrutausínáungitsut aulajangîvfigisínauvai.
Stk. 2. Kommunep sujulerssuinerata uvdlormut sujulerssorneKarnera sujuligtaissup tigúmissarâ. udvalginut pineKartunut suliagssat avguáutásavai pissariaKarpatdlo suliagssat nãmagsiniarnigssãnut ilitsersûtinik suliaKásavdlune. suli-ágssat kommunalbestyrelsemit aulajangîvfigissariaKartut pâsinarsagausimavdlutik kommunalbestyrelsemut sarKúmiúneKartarnigssât isumagísavâ. suliagssat udvalginut il.il. suliagssissutausimángitsut ingerdláneKarnerat sujuligtaissup tigúmísavâ.
Stk. 3. Sujuligtaissup suliagssanik ingerdlatsinigssai pivdlugit maligtarissagssat ersserKingnerussut aKutsinigssaK pivdlugo ilerKorerKussame aulajangerneKásáput.

§ 28. Sujuligtaissup pisínáungínerane kommunalbestyrelsep sujuligtaissuata tugdlia suligune suliagssat tamaisa tigúmísavai inatsíme mâne ãmalo kommunep aKutsineK pivdlugo ilerKorerKussâne sujuligtaissumut suliagssautíneKartut.

§ 29. kommunalbestyrelsemut sujuligtaissutut suliap isumagineKarnera pivdlugo kommunalbestyrelsep ersserKingnerussumik aulajangînera maligdlugo akigssarsiat túniúneKarsínáuput tilsynsrådimit akuerineKartugssat.
Stk. 2. Píssutsit pissariaKartigpássuk tilsynsrådip akuerssineratigut kommunalbestyrelsep akuerssíssutigisínauvâ sujuligtaissup pisínáungínerane sulineK pivdlugo sujuligtaissup tugdlê akigssarsiaKartíkumavdlugit. akigssarsiat angíssusigssait aulajangerneKásáput pingârtumik suliagssat angnertússuseKarnerat sujuligtaissuvdlo peKángínerata sivisússusia túngavigalugit.
Stk. 3. Tilsynsråde aulajangersagkanik aulajangîsínauvoK sujuligtaissunut tunuarsimassunut pissartagagssat soraernerússutisiagssatdlo túniúneKarnigssât pivdlugo.

 

Kapitale 5:
kommunep aningaussanut túngassutigut ingerdlatsinera

§ 30.  Kommunep ukioK nautsorssuivfia tássauvoK Káumatisiutit maligdlugit ukioK.

§ 31.  PeriausigssaK ãmalo kommunep budgetimut sujúnersûtâta suliarineKarnigssânut pivfigssat kigdliligkat tilsynsrådimit aulajangerneKásáput.
Stk. 2. Kommunep aningaussaKarneranut túngassut nãmagdluartumik isúmerfigineKarnigssãnut pissariaKartutut angnertússusilingmik budgetiiRut sujúnersût ilaKartíneKásaoK pisârtugagssanut aningaussalersuinigssamutdlo pilerssârutinik.

§ 32. Budgetimut sujúnersût kommunalbestyrelseme mardloriardlune oKalûserineKásaoK sivikínerpâmik sapâtip akúnerinik mardlungnik akugtússusilingmik.
Stk. 2. Áipagssânik oKalûseringningnerme konto-kûtârdlugo sujúnersût kommunalbestyrelseme oKalûserineKardlunilo aulajangîvfigineKásaoK.
Stk. 3. Budgetip iníssutigssamik akuerineKarnerata kingunínguatigut budgetip ássinga atauseK tilsynsrådimut nagsiúneKásaoK.
Stk. 4. Budgete iníssutaussumik akuerineKarsimassoK kommunep inuinit takuneKarsínaussugssauvoK.

§ 33. Aningaussanik akuerssinermut kommunalbestyrelse oKartugssáussuseKarpoK. budgete inissutaussumik akuerineKarsimassoK erKortitagssauvoK kommunep ingerdlatsineranut ãmalo kommunep akilerârusîneranut.
Stk. 2. Ilioriusigssat aningaussartûtinik imalunît isertitanik nagsatagdlit, budgetip suliarinerane sujumut nautsorssûtigineKarsimángitsunik, kommunalbestyrelsemit akuerssíssutigineKásáput.

§ 34. Tilsynsråde akuerssiserKârsimatínago kommunalbestyrelsep kommune pissugssautísínáungilâ taorsigagssarsinerme imalunît taorsigagssarsiat tiguneKarneráne imalunît sujomatigut taorsigagssarsiausimassunut atugagssarissat avdlángortínigssãnut.
Stk. 2. TaimáitoK tilsynsråde aulajangîsínauvoK píssutsit iláine taorsigagssarsissoKarsínaussoK akuerineKarKârnane.
Stk. 3. Ilioriusigssat taorsigagssarsiníkut tilsynsrådip akuerissariaKagaisigut aningaussalersorneKartugssatut kigsautigineKartut ingerdláneKásángitdlat ilioriusigssap taorsigagssarsiníkut aningaussalersorneKarnigssânut kommunalbestyrelse akuerssivigineKarêrsimatínago.

§ 35. Tilsynsråde akuerssiserKârsimatínago kommunalbestyrelsep kommune pissugssautísínáungilâ KularnavêrKusînerme imalunît aningaussatigut avdlatut KulamavêrKusinerme imalunît KularnavêrKusînerme sujomatigut pissugssautitaunernut atugagssarissat avdlángortitdlugit. tamána atorportaoK akugtoKatigîngmik túniúneKartartugssanik taimaingajagtunigdlo neriorssûtit pivdlugit, inatsit maligdlugo kommunep iliûserísavdlugit pissugssauvfigíngisainut.
Stk. 2. TaimáitoK tilsynsråde aulajangîsínauvoK píssutsit iláine akuerineKarKârnane stk. 1-ime taineKartutut kommunalbestyrelse pissugssáussusilersínaussoK.

§ 36.  Kommunep nautsorssûserinerane nalunaerssûteKarsínáusaoK kommunep aningaussautai KanoK atorneKarsimanersut, ãmalo atorneKarnerat nalerKúnersoK budgetimut ãmalo kommunalbestyrelsep aulajangînerinut avdlanut.
Stk. 2. Kommunep aningaussautai isumangnaitsumik iliordlune pârineKásáput. aningaussat uvdlormut suliagssat píssutigísángíkáine aningaussángordlugit sarKumissugssat inigssíneKásáput bankime, sparekasseme, postkontome imalunît obligationine imáitune, oKartugssáussuseKángitsut aningaussautait táukunane inigssíneKarsinauvdlutik.

§ 37. Tilsynsrådip aulajangísavai pivfigssat kigdliligkat ãmalo periausigssaK kommunep ingerdlatsinerme nautsorssûtaisa ãmalo nautsorssûtit inernerata suliarineKarnigssãnut.
Stk. 2. Nautsorssûtit ilaKartíneKásáput kommunep KularnavêrKusînermik pissugssauvfê pivdlugit nalunaerssumik. táuko saniatigut nautsorssûtit pissariaKartumik angnertússusilingmik oKauserissanik ilaKartíneKásáput, pingârtumik akuerssíssutit nautsorssûtitdlo akornáne nikingássutsit pingârtut pivdlugit ãmalo kommunep pisârtugagssanut pilerssârusiainut il.il. túngassut pivdlugit.

§ 38. Kommune sunalunît pâsisimassaKardluartumik kúkunersiuissoKásaoK tilsynsrådimit akuerineKartugssamik. kommunalbestyrelsep kúkunersiuissumik soraersitsinigssânut tilsynsrådip akuerssinigssâ pissariaKarpoK.
Stk. 2. Kommunalbestyrelse pissugssautitauvoK nalunaerutigísavdlugit navsuiautit kúkunersiuinerme sulinermut pissariaKartut.
Stk. 3. Kúkunersiuinerme oKauserissat kommuneme oKartugssautitat agtorneKartut akíssutãnik ilaKartitdlugit kommunalbestyrelsemut sarKúmiúneKásáput, kommunalbestyrelselo aulajangisaoK oKauserineKarsimassut túngavigalugit.
Stk. 4. Kinalunît peKatausínáungilaK nautsorssûtinut oKauserissanik aulajangînerme, oKauserissat túngagpata ingerdlatsinermut udvalgimut sujulerssuissûssumut ilaussortatut torKáinartumik peKatauvfigisimassaminut.
Stk. 5. KúkunersiuissoK pisínautitauvoK nalunaerKârnane súkutdlunít kommunekassep kasseanik misigssuinigssamut najugkane kommunekassep ingmíkôrdlune pilersíneKarfigisimassâne. taimatut misigssuinerit mingnerpâmik ukiumut atausiardlune pissásáput.

§ 39.  Kommunep ukiumôrtumik nautsorssûtai tilsynsrådimut nagsiúneKásáput ilaKartitdlugit kúkunersiuinerme nalunaerúmik ãmalo tamatumúnga atatitdlugo kommunalbestyrelsep aulajangíneranik.
Stk. 2. Nautsorssûtit iníssutaussumik akuerineKarsimassut kommunep inuinit takuneKarsínáusáput.

§ 40. Maligtarissagssat ersserKingnerussut kommunep ukiumôrtumik budgetiata nautosrssútaisalo agdlangneKarsimanigssât pivdlugit, kommunep kasseKarneranut nautsorssûtainutdlo túngassut pivdlugit ãmalo kassemik misigssuinigssaK kúkunersiuinigssardlo il.il. pivdlugit kommunep ilerKorerKussâne aulajangerneKásáput.

 

Kapitale 6:
Kalâtdlit-nunane bygderådit

§ 41.  Bygderådip ilaussortaisa Kavsiunigssât kommunalbestyrelsimit aulajangerneKásaoK 3-nut 5-inutdlunit.
Stk. 2. NunaKarfingme kommunalbestyrelsemut ilau-sort ssortatut KinigaK bygderådimut ilaussortauvdlunilo sujuligtaissusaoK, nunaKarfingme tássane aulajangersimassumik najugaKarune. nunaKarfingme kommunalbestyrelsemut ilaussortat ardlaKarpata, táuko bygderådimut ilaussortáusáput nunaKarfingme tássane aulajangersimassumik najugaKarunik. bygderådit sujuligtaissugssartik nangmineK Kinísavât. KinersineK písaoK maleruagagssat § 6, stk. 2-me agdlagsimassut maligdlugit. ilaussortauneK sujuligtaissúnerdlo atortugssáussuseKásaoK pivfigssamut bygderådip atúvfigssânut.
Stk. 3. Bygderådip ilaussortai avdlat KinerneKartásáput maleruarKussat Kalâtdlit-nunâta kommunalbestyrelsênut bygderådînutdlo KinersissarneK pivdlugo landstingip inatsisâne aulajangersagkat maligdlugit.
Stk. 4. Landsstyrip píssutsit ingmíkut itdluínartut tamána píssutigssaKartigpássuk maleruarKussat stk. 1 ãma 2-me aulajangersarneKartut saniorKúsínauvai, bygderådip Kinigauvfiata nalâne kommunalbestyrelsep ilaussortaKartitaunera avdlángûteKarpat.

§ 42. kommunalbestyrelsemit pigínautitauneK maligdlugo nunaKarfingme kommunep suliagssautaisa ingerdlatitaunerat bygderådip isumagísavâ.
Stk. 2. NunaKarfingme píssutsit pivdlugit bygderåde kommunalbestyrelsemut sujúnersûteKarsínauvoK. bygderådip oKauserissai sapíngisamik pigssarsiarineKásáput nunaKarfiup suliagssautainut túngassut tamaisa pivdlugit, ãmalo bygderådip nangmineK aulajangigagssaríngisai pivdlugit.

§ 43. Bygderåde píngitsôrane sujuligtaissugssaKaringigpat, bygderåde KinigaordlâK atautsimîgiarKuneKásaoK ilaussortamit sivisunerpâmik rådimut ilaussortausimassumit, imalunît ardlagdlit sivisoKatigîngmik ilaussortausimagpata, utorKaunerssaussumit.
Stk. 2. Råde katerssûteriarpat ilaussortame akornáne rådip sujuligtaissugssane Kinísavâ. KinersineK sujulerssorneKásaoK ilaussortamit stk. 1-ime taineKartumit ãmalo pivfigssamut rådip atûvfigssânut atortûssugssauvdlune.

§ 44. Bygderåde Kanordlunît akulikitsigissunik atautsimitásaoK sujuligtaissup imalunît ilaussortat 2 pissariaKartutut isumaKarfigigângássuk.
Stk. 2. Atautsiminerit ingerdláneKarnigssãnut pivfigssaK sumîvfigssardlo sujuligtaissup aulajangísavai. atautsiminigssat sapíngisamik sujorKutsissumik nalunaerutigineKartásáput nunaKarfingme ilerKûssartutut iliordlune.
Stk. 3. Bygderådip atautsiminere tamanut angmassusáput. taimáitoK bygderådip akuerssíssutigisínauvâ suliagssat atausiákât matorKassumik oKalûseriumavdlugit. suliagssap matorKassumik oKalûserineKarnigssânut túngavigssaKarnigssamik aperKut matorKassumik oKalûserineKásaoK, tamána aulajangerneKarpat bygderådimit imalunît sujuligtaissumit.
Stk. 4. Bygderådip suleriausigssane nangmineK aulajangísavâ.

§ 45. Bygderåde aulajangîsínáussuseKásaoK ikingnerpâmik ilaussortat agfait najûgpata.
Stk. 2. Avdlamik ingmíkut aulajangigaKarsimángíkângat taisissut amerdlanerússuteKarneratigut aulajangîneKartásaoK.

§ 46. Bygderådip aulajangînere agdlangneKásáput atautsimissutinut agdlagtuivfingme, atautsimêrêrnerit tamaisa ilaussortanit najutunit atsiorneKartartume. ilaussortap kialunît piumassarisínauvâ avdlaussumik isumaKarnine atautsimissutinut agdlagtuivfingme agdlangneKásassoK ãmalo suliagssane oKartugssautitanut avdlanut nagsiúneKartugssane piumassarisínauvdlugo oKartugssautitat táuko agdlagtuivfit imarissáinik ãma ilisimatíneKásassut. suliagssap nagsiúneKarnerane ilaussortap táussuma isúmaminut túngaviliússamik nagsiutat ilaKartísínauvai.

§ 47. Bygderåde aulajangisaoK, ilaussortaK suliagssame imatut soKutigissaKamersoK, suliagssaK táuna pivdlugo bygderådip oKalûseringningnerane taisineranilo peKatáungitsusavdlune.
Stk. 2. Ilaussortap bygderåde nalunaerfigísavâ píssutsit sarKúmersimagpata inatsisitigut atortugssáussusilingmik iliûseKarsínaunine pivdlugo nalornissôrutigssaKarpat.

§ 48. Sujuligtaissup bygderådip atautsiminigssai piarêrsásavai ilaussortatdlo atautsimîgiarKúsavdlugit. atautsiminigssat sujorKutdlugit ilaussortat sapíngisamik angnertûmik nalunaerfigísavai suliagssat sût atautsiminerme oKalûserineKásanersut.
Stk. 2. Bygderådip atautsiminere taisinerilo sujuligtaissup sujulerssúsavai ãmalo aulajangînerisa atautsimissutinut agdlagtuivfingme agdlangneKarnigssât isumagísavdlugo.
Stk. 3. Bygderådip agdlagkatigut atássuteKartarnere sujuligtaissup isumagísavai, rådip aulajangînerisa ingerdláneKarnigssât isumagísavdlugo ãmalo agdlagkiaisa pârissagssat isumangnaitsumik iliordlune pârineKarnigssât isumagísavdlugo.

§ 49. Bygderådime ilaussortatut suliap ingerdláneKarneranut uvdlormusiaKartitsineKásaoK, túniúneKartásavdlutik angatdláneKarnerme ãmalo najugaKarnerme il.il. taortisiat maligtarissagssat tilsynsrådip ersserKingnerussumik aulajangigai maligdlugit.
Stk. 2. Bygderådip sulineranut atatitdlugit aningaussartûtit, tássunga atatitdlugit túniútagagssat stk. 1-ime taineKartut, kommunekassemit agtûmássuteKartumit akilerneKásáput. bygderåde sumigdlunît aningaussartûteKásángilaK kommunalbestyrelsemit akuerineKarêrsimángitsunik.
Stk. 3. Bygderådip ukiumortumik budgetiata nautsorssûtaisalo il.il. agdlangneKartarnigssait pivdlugit maligtarissagssat ersserKingnerussut aKutsineK pivdlugo ilerKorerKussame kommunalbestyrelsemit aulajangerneKásáput.

 

Kapitale 7:
Nákutigdlîssut

§ 50. Tilsynsrådip ilerKûssartutut nákutigísavâ aulajangersagkat maleruagagssatdlo atortûssut kommunalbestyrelset ingerdlatsinermingne maleruásagait. nákutigdlînerup ingerdláneKartarnigssânut maligtarissagssat landsstyrep aulajangersínauvai.

§ 51. Tilsynsrådip ilaussortarísavai landsstyreme ilaussortaK atauseK rådip sujuligtaissugssâ, ãmalo ilaussortat avdlat sisamat, táukunánga pingasut landstingip ilaussortaisa akornáne KinerneKásavdlutik ãmalo ilaussortaK atauseK Kalâtdlit-nunãne kommunet kátuvfiánit torKarneKartugssaK.
Stk. 2. Landstingip tilsynsrådime ilaussortagssanik Kinersinera ingerdláneKásaoK nutâmik Kinersinerup kingornatigut katerssunerme sujugdlerme. Kalâtdlit nunãne kommunet kátuvfiata sivnîssorissagssâ kommunalbestyrelsemut nutâmik Kinersinerup kingornatigut periarfigssame sujugdlerme torKarneKásaoK. landstingime ilaussortanut KinersineK atortugssáussuseKásaoK pivfigssamut landstingip atortûvfigssânut ãmalo kommunet sivnîssorissãnut pivfigssaK kommunalbestyrelset atortûvfigissât. ilaussortanut atausiákânut tamanut ingmíkut sivnîssugssaK atauseK KinerneKartásaoK, táunalo atautsimîgiarKuneKarsínauvoK ilaussortaussup pisínáungínerane.

§ 52. Tilsynsråde Kanordlunît akulikitsigissunik atautsimitásaoK sujuligtaissup imalunît ilaussortat pingasut pissariaKartutut isumaKarfigigângássuk.
Stk. 2. Atautsiminerit ingerdláneKarnigssãnut pivfigssaK sumîvfigssardlo sujuligtaissup aulajangísavai ilaussortatdlo atautsimîgiarKúsavdlugit.
Stk. 3. Atautsiminigssat sujorKutdlugit sujuligtaissup ilaussortat sapíngisamik angnertûmik nalunaerfigísavai atautsiminerme suliagssat sût oKalûserineKarumârnersut.
Stk. 4. Sujuligtaissup rådip atautsiminere taisinerilo sujulerssúsavai ãmalo aulajangînerit atautsimissutit agdlagtuivfiánut agdlangneKarnigssât isumagísavdlugo. atautsimêrêrnerit tamaisa ilaussortanit najutunit agdlagtuivfik atsiorfigineKartásaoK. ilaussortap kialunît piumassarisínauvâ isúmame avdláussuteKartup atautsimissutit agdlagtuivfiáne naitsumik agdlangneKarnigssâ.

§ 53. Tilsynsråde aulajangîsínáussuseKásaoK sujuligtaissoK ikingnerpâmigdlo ilaussortat avdlat mardluk najûgpata.
Stk. 2. Taisinerit amerdlanerússuteKarneratigut aulajangîneKartásaoK. taisinerit naligîgpata sujuligtaissup taisinera aulajangîssûssásaoK. taimáitoK ilaussortap kalunît atautsiminerme atautsimissutinut agdlagtuivfingmut nalunaeruteKarnermigut kigsautigisínauvâ suliagssaK landsstyremut aulajangigagssángortíkumavdlugo.
Stk. 3. suliagssane kommunemut ilaussortap kommunalbestyrelsemut ilaussortauvfigissânut túngassune rådip oKalûseringningnerine taisinerinilo ilaussortaK táuna peKataussugssáungilaK. taima ítune ilaussortap táussuma sivnissugssâ atautsimîgiarKuneKarsínauvoK.

§ 54. Rådip aulajangînerisa ingerdláneKarnigssât sujuligtaissup isumagísavâ. suliagssane kinguartíneKarsínáungitsune ãmalo suliagssane nalingínaussune ingerdláinartune nalornissôrutausínáungitsune råde sivnerdlugo sujuligtaissoK aulajangîsínauvoK.
Stk. 2. Sujuligtaissup aulajangînera tusautigssángordlugo atautsiminerme tugdlerme sarKúmiúneKásaoK.

§ 55. Tilsynsrådip atautsiminerine peKataunermut uvdlormusiaKartitsineKásaoK il.il. maleruarKussat Kalâtdlit-nunãne landstingip aulajangersagai maligdlugit.
Stk. 2. Tilsynsrådip sulineranut atatitdlugit aningaussartûtit landskassemit akilerneKásáput.

§ 56. Kommunalbestyrelsep aulajangînera tilsynsrådip atortugssaujungnaersísínauvâ aulajangîneK inatsisiliornermut akerdliussutut isumaKarfigineKarpat.
Stk. 2. Kommunalbestyrelse inatsisiliornermut akerdliussumik iliûseKarsimagpat, tássunga ilautitdlugo ilioriusigssamik pissugssauvfigissaminik iliûseKarsimángigpat, tilsynsråde pissariaKartunik iliûseKartugssauvoK, tássunga atatitdlugo ímaKa píngitsailîvdlune akilîsitsíssutigssanik aulajangîvdlune. pissariaKartumik angnertussusilingmik tilsynsråde erKartussivigtigut suliagssángortitsisínauvoK aulajangîneK táuna imalunît píngitsûisimaneK pivdlugo kommunalbestyrelseme ilaussortanut inungtut akissugssautitaunigssaK pivdlugo.
Stk. 3. Tilsynsråde inatsisinik uniorKutitsivdlune aulajangînerinut KanoK iliûseKángitsôrnerinutdlunît landsstyrip ingm. 1-ime 2-milo taineKartut pissariaKartumik iliûseKarnerit atorsínauvai.

§ 57. Kommunet akornáne suleKatigîngnigssamik isumaKatigíssutit, inatsit mána maligdlugo kommunet atausiákât peKataussut oKartugssáussuseKarnerisa kigdliligaunerinik nagsataKartugssat, tilsynsrådimit akuerineKartariaKarput.
Stk. 2. IsumaKatigíssutit stk. 1-ime taineKartutut píssusigdlit atorungnaersíneKarsínáuput peKataussut tamána isumaKatigíssutigigpássuk. kîsalo atorungnaersitsineK pisínauvoK peKataussup atautsip KínuteKarneratigut, tilsynsrådip tamatumûnga nalerKutumik píssutigssaKarsorigpago.

 

Kapitale 8:
Aulajangersagkat ingmíkut ítut

§ 58. Kommunalbestyrelsep isumagísavâ kommunep agdlagkiautaisa pârissagssat isumangnaitsumik iliordlune pârineKarnigssât.
Stk. 2. Kommunep agdlagkiautaisa pârissat kassîligaunigssãnut maligtarissagssat ersserKingnerussumik landsstyrep aulajangersínauvai.

§ 59. Kommunalbestyrelset nalunaerutigssat kommuneme píssutsit pivdlugit landsstyrep piumassarissariaKagai pigssarsiarísavdlugitdlo landsstyremut nalunaerutigissagssarait.

§ 60. Kommunene sulissûssut akigssarsialersugauneránut, atorfinigtitaussarneránut soraernerussutisiaKarsínauneránutdlo tungassumik maleruagagssat tamanut atutut Namminersornerullutik Oqartussanit aulajangersarneKásáput Kalâtdlit-nunãne kommunet kátuvfiat isumaKatiginiarêrdlugo, taimáitoK tak. Stk. 3.
Stk. 2. IsumaKatiginiartarnigssane maleruagagssat ersserKingnerussut Namminersornerullutik Oqartussat ãmalo Kalâtdlit-nunãne kommunet kátuvfiata isumaKatigíssuteKarneratigut aulajangersarneKásáput.
Stk. 3. Kommunene tjenestemandit pivdlugit maleruagagssat ilerKorerKussame kommunalbestyrelsemit akuerssíssutigineKartume Namminersornerullutillu Oqartussanit atortugssángortíneKartume aulajangersarneKásáput. ilerKorerKussame aulajangersarneKásaoK tjenestemandit aningaussarsiáinut atorfinigtitaussarneránutdlo túngassumik atugagssarititat tjenestemandit peKatigîgfînik Kalâtdlit-nunãne pissortatigôrtumik sulisitsissut isumaKatigissutigisimassáitut angnertutigissumik isumaKatigíniarnertigut aulajangîvfigineKartásassut.

 

Kapitale 9:
Ikârsâriarnermut tungassumik aulajangersagkat

§ 61. Matumûna inatsit nr. 441 22/12-1966-imêrsoK Kalâtdlit-nunâta landsrådia kommunalbestyrelsetdlo il. il., kingusingnerussukut avdlángortíneKartoK, kap. 3 ãma kap. 3a atorungnaersíneKarput, kisiáne inatsíme Kulâne taineKartume § 53 maligdlugo isumaKatigissutit kaujatdlaisitatdlo il.il. atortûgínásavdlutik § 60 maligdlugo avdlángortíneKarnigssamik tungânut.

§ 62. landstingip inatsisâ una atortûlerpoK 1. maj 1979.

Jonathan Motzfeldt

/

Gunnar Martens