Kalaallit Nunaata Radiuata siulersorneqarnera pillugu landstingip ileggoreggusaa nr. 17, 25. oktober 1979.
§ 1. Radiup siulersuisoqarfia imatut katitigaassaaq: Kulturimut tunngasumik landsstyremandi siulittaasuusoq, ilaasortaq ataaseq Kalaallit Nunaanni qaammarsaanermik siunnersuisoqatigiit toqqagaat, ilaasortaq ataaseq Kalaallit Nunaata Radiuani aalajangersimasumik atorfeqartut toqqagaat kiisalu ilaasortat sisamat inuiaqatigiinnik kalaallinik paasisimasaqarnerusut akornannit landstingimit toqqarneqartut.
Imm. 2. Radiup siulersuisoqarfianut ilaasortat siulittaasup tullissaa akunnerminni qinertassavaat.
Imm. 3. Siulittaasoq kisiat pinnagu radiup siulersuisoqarfianut ilaasortat ukiunut sisamanut qinigaasassapput imalillugu ilaasortat pingasut ukioq ataaseq allortarlugo qinigaasarlutik. Qinigaaffik siulleq tassaavoq 1. maj 1979-imiit 30. april 1983-imut, taamaattorli pingasut taamaallaat 30. april 1981-ip tungaanut.
Imm. 4. Kalaallit Nunaata Radiuani pisortaq radiup siulersuisoqarfiata ataatsimiinnerini peqataasassaaq ataasiakkaatigut immikkut siulersuisut aalajangigaqarsimanngikkaangata. Oqaaseqarsinnaatitaavoq siunnersuuteqarsinnaatitaallunilu, siulersuisoqarfiulli taasinerini peqataasinnaatitaanani.§ 2. Radiup siulersuisoqarfia Kalaallit Nunaata Radiuanut qullersaavoq alaatsinaattuussallunilu suliffeqarfiup malittarisassiaasut malittarinerai aammalu aningaasaliissutaasimasut eqqortinneqarnersut. Siulersuisoqarfik Kalaallit Nunaata Radiuani maleruagassanik nalinginnaasunik suliaqarsinnaavoq.
§ 3. Radiup siulersuisoqarfiani siulittaasup siulersuisoqarfiup qaqugu sumilu ataatsimiinnissaa aalangertassavaa ataatsiminnerillu siulersortassallugit. Ilaasortat marluk piumasaqarneratigut pisussaavoq ataatsimiigiaqqusissalluni.
Imm. 2. Radiup siulersuisoqarfiani aalajangiinerit amerlanerussuteqarnikkutpisassapput Siulersuisoqarfik aalajangiisinnaassuseqarpoq ilaasortat amerlanerit ataatsimiigiarsimappata. Taasisut amerlaqatigiissimappata siulittaasup taasinera aalajangiisuussaaq.
Imm. 3. Radiup siulersuisoqarfiata aalajangiinera kinguartinneqarsinnaanngivippat siulittaasup ilaasortat ilaat allakatigut, telegrammikkut, telefonikkut allatulluunniit iliorluni taasinissaanut akuerisinnaavaa.
Imm. 4. Radiup siulersuisoqarfiata ataatsimiinneri ammasuussapput immikkut peqquteqarluinnartumik, tamatumani pingaartumik suliassat inunnut tunngassuteqartut suliarineqarnissaat pissutigalugu, ataatsimiinneq matoqqasuusariaqartutut siulersuisoqarfiup aalajangiussimanngippagu. Ilaasortap kialluunniit taasinikkut aalajangerneqartissinnaavaa suliassaq ataatsimiinnermi ammasumi matoqqasumiluunniit oqaluuserineqassanersoq.
Imm. 5. Radiup siulersuisoqarfiata ingerlatsinissani nammineq aalajangissavaa.§ 4. Kalaallit Nunaata Radiuataaallakaatitassaanut radiup siulersuisoqarfiata qullersaalluni aalajangiisussaviuvoq.
Imm. 2. Radiup siulersuisoqarfia radiumut aamma TV-mut programudvalginik tamarmik arfinillit tikillugit ilaasortalinnik pilersitsissaaq taakkualu siulittaasussai radiup siulersuisoqarfianut ilaasortaajutigisussat toqqassallugit. Udvalgit namntineq siulittaasup tullissaanik qinersissapput. Qinigaaffik nalinginnaasumik ukiunik marlunnik sivisussuseqarpoq.
Imm. 3. Programudvalgit ukiup ilaani aallakaatitassanut pilersaarusiassanut siunnersuut suliarissavaat kingornatigullu radiup siulersuisoqarfianut saqqummiutissallugit akuerisassanngorlugit radiup pisortaata oqaaseqaataanik pisariaqarpat ilallugit, taanna periarfissaqartinneqartussaalluni udvalgip siulersuisoqarfimmut inassutiginiagai ingerlateqqinneqartinnagit oqaaseqaateqarnissamut. Aamma programudvalgit aallakaatinniakkat ukiup ilaani pilersaarusianik allanngortitsisuunngitsut akuersissutigisinnaavaat. Taamaattoq udvalgip aalajangigaat udvalginut ilaasortanit radiulluunniit pisortaanit radiup siulersuisoqarfianut suliassanngortinneqarsinnaapput aalajangersimaneq allangortinniarlugu.
Imm. 4. Radiup siulersuisoqarfiata aaljangissavai programudvalgit suut suliassarissaneraat aammalu udvalgit sulinerannut maleruagassat pisariaqartut aaljangersassallugit.
Imm. 5. Radiup pisortaa radiumilu aalajangersimasumik atorfillit udvalgini sinniiseqariinngikkunik udvalgini pineqartuni tamani toqqagaat ataaseq programudvalgit ataatsimiinerini peqataasinnaapput taaseqataasinnaanatik. Aamma immikkut paasisimasallit suliassanut ataasiakkaanut tunngatillugu udvalgit aaljangiineri malillugit ataatsimeeqataasinnaapput taaseqataasinnaanatik.§ 5. Radiup siulersuisoqarfiata piffissaliunneqartut iluanni Kalaallit Nunaata Radiuata ingerlatsineranut aningaasartuutissanut missiliusiassamut siunnersuut Kalaallit Nunaata landsstyrianut nassiutissavai. Taamatuttaaq siulersuisoqarfiup Kalaallit Nunaata Radiuani atorfiit pilersinniakkat atorunnaarsinniakkalluunniit pillugit siunnersuutit nassiuttassavai.
Imm. 2. Landsstyrip Kalaallit Nunaata radiuata naatsorsuutinik saqqummiussinissamut maleruagassai pisariaqartut aalajangersassavai.§ 6. Radiup siulersuisoqarfiata forretningsudvalgimik pilersitsissaaq ilaasortarissallugit siulittaasoq, siulittaasup tullia kiisalu siulersuisoqarfimmut ilaasortaq ataaseq.
Imm. 2. Forreningsudvalgip suliassat aningaasaqarnermut siulersuinermullu tunngasut radiup pisortaanit aalajangiiffigineqartussaanngitsut tamaasa suliarissavai suliassallu radiup siulersuisoqarfianut saqqummiunneqarnissaat piareersartassallugu. Aningaasaliissutissat aningaasartuuteqarfissanut aningaasaliissutissani akuersissutaareersimasuni ilanngunneqarsimanngitsut taamaattorli aningaasaliiffigineqartunut attuumassuteqartut udvalgip aalajangiiffigissavai radiup siulersuisoqarfia akisussaaffigalugu, taamaattorli aningaasaliissutissatut qinnuteqaatit annertuut radiup siulersuisoqarfianut akuerisassatut saqqummiunneqassallutik. Radiup siulersuisoqarfiata aalajangiinera malillugu udvalgi aalajangikkat taamaattut pillugu siulersuisoqarfimmut nalunaaruteqartassaaq.
Imm. 3. Siulittaasup qaqugu sumilu ataatsimiinnissaq aalajangertassavaa ataatsimiinerillu siulersortassallugit.
Imm. 4. Forreningsudvalgi aalajangiisinnaassuseqarpoq ilaasortat marluk najuuppata. Udvalgip aalajangiinera amerlanerussuteqarnikkut pisassapput.
Imm. 5. Forretningsudvalgip aalajangiinissaa kinguartinneqarsinnaanngivippat siulittaasup ilaasortat ilaat allakatigut, telegrammikkut, telefonikkut allatulluunniit iliorluni taasinissaanut akuerisinnaavaa.
Imm. 6. Radiup pisortaa aammalu radiumi aalajangersimasumik atorfillit udvalgimi sinniiseqariinngikkunik toqqagaat forretningsudvalgip ataatsimiinnerini peqataasinnaapput taaseqataasinnaanatik.§ 7. Radiup siulersuisoqarfianut ilaasortat ilaasortaanerminni ilisimalersimasatik pillugit nipangersimasussaapput Kalaallit Nunaanni atorfiit malittarisassaat ntalillugit.
Imm. 2. Ilaasortat nipangersimasussaanerat taamaattoq atortuunngilaq suliani radiup siulersuisoqarfiani naammasillugit suliarineqareersimasuni, tamanna siulersuisoqarfiup ataasiakkaatigut - soorlu inummut tunngassuteqarnera imaluunniit suliap ingerlateqqinneqarnissaa pissutigalugu eqqartorneqarnissaa kissaatiginagu - aaljangersimanngippagu pineqartoq tusarliunneqassanngitsoq.
Imm. 3. Angalanermi aningaasartuutit il.il. akilerneqartarnissaat kiisalu radiup siulersuisoqarfianut aamma programudvalginut ilaasortat kiisalu radiup siulersuisoqarfiani allattuusup ullormusiaqarnissaannut maleruagassat Kalaallit Nunaata landstingianit aalajangerneqassapput.
Imm. 4. Radiup siulersuisoqarfiani ilaasortaq napparsimaneq imaluunniit allanik suliassaqarneq pissutigalugu siulersuisoqarfiup ataatsimiinnerini peqataasinnaajunnaassagaluarpat peqataasinnaannginneralu sivisussangatinneqarpat radiup siulersuisoqarfiata sulinngiffeqarallarnissaanut akuerisinnaavaa. Taamatut pisoqartillugu landstingi sinniisussaminik toqqaassaaq sulinngiffeqartup Radiup siulersuisoqarfiani suliassaanik ingerlatsisussamik sulinngiffeqarnerup nalaani.§ 8. Radiup siulersuisoqarfiata inassuteqarneratigut landstingip radiup pisortassaa toqqassavaa ulluinnarni Kalaallit Nunaata radiuani siulersuisuusussaq.
Imm. 2. Radiup pisortaata suliassai radiup siulersuisoqarfiata inassuteqarneratigut landsstyrimit erseqqinnerusumik aalajangersarneqassapput.
Imm. 3. Kalaallit Nunaata Radiuata nutaarsiassaqartitsinera Kalaallit Nunaata Radiuavisiani aaqqissuisuusumit aammalu aqqissuisutut namminersortuusumit ingerlanneqassaaq, taannalu nutaarsiassaqartitsinerup tamatigoortuunera ilumoortuuneralu pillugit radiup pisortaanut akisussaavoq.
Imm. 4. Radiup siulersuisoqarfiata radiumi atorfeqartut atorfinitsitarlugillu soraarsittassavai siulersuisoqarfiup maleruagassiai tunngavigalugit.§ 9. Peqqussut atulissaaq 1. januar 1980.
Jonathan Motzfeldt/
Thue Christiansen