Mêrqat atuarfiánut iliniartitsissut ilíniartitaunigssãnik landstingip pergússutâ nr. 16, 23. oktober 1979.
Kapitale 1.
Aulajangersagkat nalingínaussut.§ 1. Landstingip perqûssutâ mána maligdlugo ilíniartitaunerme sujunertarineqarpoq Kalâtdlit-nunane mêrqat atuarfiánut ilíniartitsissugssanik ilíniartitsinigssaq amalo tûngavigssalînigssaq mêrqat, inûsugtut inersimassutdlo pivdlugit sûngivfingme atuartitsinerme ilíniartitsinigssamut.
Stk. 2. ilíniartitsineq fagitigut perorsainíkutdlo pâsissaqartitsísaoq suliagssatigutdlo sungiusautáusavdlune ilíniartitsissutut sulinerup isumagineqarnigssânut pissariaqartumik, amalo ilíniartut inugtut ineriartorneránut sujuarsainiarssarísavdlune.§ 2. Ilíniartitauneq Kalãtdlit-nunâta seminâriânit isumagineqásaoq.
§ 3. Kulturíkut ilíniartitsinermilo direktione avqutigalugo seminâriap aqungneqarnera landstingip isumagísavâ. aulajangersagkat pissariaqartut direktionip aulajangísavai.
§ 4. Pilersíneqásaoq ilíniartitsissut ilíniartitauneránut råde, ilíniartitsissut ilíniartitaunerat pivdlugo suliagssane kulturíkut ilíniartitsinermilo direktionimut aujûnersortaussugssaq.
Stk. 2. Illniartitsissut ilíniartitauneránut rådip ilaussortarísavai kulturíkut ilíniartitsinermilo direktøre sujuligtaissûssugssaq, ama Kalâtdlit-nunâta seminâriânut rektore, sivnîssorissaq atauseq seminâriap lærerrådianit torqagaq, sivnîssorissaq atauseq ilíniartut rådînit torqagaq, sivnîssorissaq atauseq ilíniartitsinermut ministereqarfingmit torqagaq amalo sivnissorissaq atauseq Danmarkime/Kalâtdlit-nunane ilíniartitsissut peqatigîgfiánit torqagaq.
Stk. 3. Ilíniartitsissut ilíniartitauneránut råde ilíniartitsissut ilíniartitaunerat amalo ilíniarsimassanik angnertusainerit tássunga atassut pivdlugit aperqutine tamane oqauseqartãsaoq kulturíkut ilíniartitsinermilo direktionimut sarqûmiúneqartugssanik, ãmalo kulturíkut ilíniartitsinermutdlo direktionimut sujûnersuteqarsínautitauvdlune.
Stk. 4. Iliniartitsissut ilíniartitauneránut rådip oqauserissai pigssarsiarineqásáput mako pivdlugit
a) fagit imarissait angnertûssusigssaitdlo pivdlugit maleruagagssiat
b) misiligtínerit angussaqarsimaneritdlo pivdlugit migssingînernut periausigssat piumassarissatdlo
c) misiligtínerit ingerdláneqarnigssât
d) karakterilersuineq, censur ama
e) misilînigssamut pilerssârutit
Stk. 5. Ilíniartitsissut ilíniartitauneránut råde ukiumut ikingnerpâmik atausiardlune atautsimîtásaoq.
Kapitale II.
Seminâriamut ilíniartûngorneq.§ 5. Seminâriamutilíniartungomeqpíssuteqásaoq qínuteqartup angnerussumik ilíniagaqarniardlune piarêrsautaussumik soraerûmêrneq qaqissivfigisimásagâ fagimik kalâtdlit oqausînik imalûnît angnerussumik ilíniagaqarniardlune piarêrsautaussumik soraerûmêrnerme fællesfagit qaqissivfigisimásagai kalâtdlit oqausinik ãmalo nangmineq qinigkanik kigdliligkanik, ikingnerpâmik ássigísavdlugo 8 point.
Stk. 2. Kulturíkut ilíniartitsinermilo direktionip aulajangersínauvâ, qínuteqartut avdlamik taimaingajagtumik iliniagaqarsimassut tiguneqarsínaunigssât, tamánalo píssutigalugo mána pivdlugo aulajangersagkat ersserqingnerussut aulajangísavdlugit, qanoq angnertûssusilingmik qínuteqautit ersserqigsut direktionimut sarqûmiûneqásanersut.
Stk. 3. Seminâriamut qínuteqarsimassut tiguneqarsínaussunit amerdlanerugpata, kíkut tiguneqásanersut seminâriap rektoriata aulajangísavâ seminâriap lærerrådia isumasiorêrdlugo.
Stk. 4. Iliniartûngomeqpissâsoq ilíniartitaunerupautdlartínerane. taimáitoq píssutsit ingmíkut ítut atutitdlugit aulajangersagkamit tãssánga avdláussuteqartitsinigssaq kulturíkut ilíniartitsinermilo direktionip akuerisínauvâ.
Stk. 5. Aulajangersagaq stk. 3-mitoq nâpertordlugo aulajangînerit pivdlugit namagigtaitdliutit kulturíkut ilíniartitsinermilo direktionimut suliagssángortíneqásáput.
Kapitale III.
Ilíniartitsissut ilíniartitaunerat.§ 6. ilíniartut tamaisa pivdlugit ilíniartitsinerme máko ilautíneqásáput:
a) fællesfagit: 1. perorsainermut tûngassutigut fage qarfik
ædagogik, psykologi, ilíniartitsinermik ilíniarneq ama atuartitsinermik sungiusarneq.
2) fagit kalâtdlit oqausê/agdlangnerdlo, qavdlunât oqausê, kisitsineq/matematik, kristumiûssutsimut tûngassut/religion, píngortitamik ilisimatitsineq ãma inuiaqatigingnik ilisimatitsineq eskimologimik ilalik.
b) fagit qinigagssat: ilíniartup nangmineq qinersinera maligdlugo faginit mákunánga pingasut: erinarssorneq/nipilerssorneq, eqaer-
sârneq, agssagssordlune sulineq, ilusilersuineq, sananeq, igdlume suliagssanut tûngassut.
c) liniefagit: ilíniartup nangmineq qinersinera maligdlugo fagit máko ardlane atautsime angnerussumik ilíniagaqarneq: kalâtdlit oqausê, danskit oqausê, kisitsineq/matematik, kristumiûssutsimut tûngassut/religion, fysik/kemi, tuluit oqausê. táuko saniatigut kulturíkut ilíniartitsinermilo direktionip aulajangersagaisigut liniefagit avdlat atulersíneqarsínãuput.
d) tapertaussumik kursusenerit.
Stk. 2. Ilíniartitaunerup stk. 1-ime taineqartup saniatigut ilíniartup qinersínauvâ ilíniartitauneq kursusitut studiekredsitutdlunit píssusilik, erqartugagssane mêrqat atuarfiánut imalunît súngivfingme ilíniartitsinermut tûngassune.§ 7. Píssutsit ingmíkut itdluínartut pissariaqartigpássuk, kulturikut ilíniartitsinermilo direktionip ilíniartoq ilíniartitáungitsôrtísínauvât fagit qinigagssat § 6 stk. 1 b)-me taineqartut ilane atautsime imalunit ilãine ardlalingne.
Stk. 2. Ilíniartitausimángíneq pivdlugo nalunaerut ilíniartup inerdlune agdlagartartâvane agdlagsimásaoq.§ 8. Ilíniartitauneq § 6 maligdlugo fagine mákunane soraerûmêrnermik naggaserneqásaoq: kalâtdlit oqausê, qavdlunât oqausê, kisitsineq/matematik, kristumiússutsimut tûngassut/religion liniefagitdlo. perorsainermut tungassutigut fageqarfingme ilíniartitauneq soraerúmêrnermik naggaserneqásaoq ataqatigîgsitdlugo ilíniartup namagsiniagagssîneqardlune suliânik atautsimik imalunît suliainik ardlalingnik.
Stk. 2. Píngortitamik ilisimatitsinerme ama inuiaqati gingnik ilisimatitsinerme eskimologimik ilalingme ilíniartitauneq naggaserneqásaoq fagine tamane ilíniartup nãmagsiniagagssíneqardlune suliânik atautsimik imalunit suliainik ardlalingnik.
Stk. 3. Fagine qinigagssane ilíniartitauneq naggaserneqásaoq qanoq angussaqarsimaneq pivdlugo karakteriligaunermik.
Stk. 4. Atuartitsinerme ilíniartitauneq naggaserneqásaoq migssingînermik "akuerineqarpoq" imalunît "akuerineqángilaq".
Stk. 5. Misiligtíneqásángilaq mákunane
a) tapertaussumik kursusernerit,
b) kursuserutit § 6 stk. 2 maligdlugo.
Stk. 6. Ukiut 4-ata kingornatigut ilíniartut ilíniartitaunerme naggasiutaussumik soraerûmêrtugssángûsãput. ukiunit 4-nit kingusingnerussûkut soraerûmêrtugssángorneq ingmíkut ítutigut pisínauvoq seminâriap rektoriata akuersserêrneratigut.§ 9. Misiligtínerit § 8-me erqartorneqartut tássáusáput oqalugtariarssornerit agdlagtariarssorneritdlo. fagine ássigingitsune misiligtinerup píssusigssâ kulturíkut iliniartitsinermilo direktionip aulajangísavâ.
Stk. 2. Agdlagtariarssordlune misiligtínigssane namagsiniagagssat kulturíkut ilíniartitsinermilo direktionimit písãput ilíniartitsissut ilíniartitauneránut råde isumasiorêrdlugo.
Stk. 3. Oqalugtariarssordlune misiligtínerit tamamut angmassusáput. táukunane soraerúmêrsitsissusáput faginik ilíniartitsissûssut, soraerúmêrnermilo aperqutit táukunánga písáput censor akuerssiserêrdlugo.
Stk. 4. Kulturíkut ilíniartitsinermilo direktione censorigssanik torqáisaoq ilíniartitsissut ilíniartitauneránut råde isumasiorêrdlugo.
Stk. 5. Ilíniartitauneq namagsisimassaq pivdlugo agdlagartaq ugpernarsaut tûniûneqãsaoq. agdlagartap ugpernarsautip imarissagssai píssuserissagssâlo pivdlugit maleruagagssanik kulturíkut ilíniartitsinermilo direktione aulajangisaoq.§ 10. Ilíniartitsissut ilíniartitauneránut rådimit sujûnersut maligdlugo kulturíkut ilíniartitaunermilo direktione máko pivdlugit maligtarissagssanik ersserqingnerussunik aulajangisaoq:
a) fagit kursusitdlo atausiákât sujunertât, imarissât angnertûssusigssâtdlo
b) misiligtínerit angussaqarsimaneritdlo pivdlugit migssingînernut periausigssat piumassarissatdlo
c) misiligtinerit ingerdláneqarnigssât
d) karakterilersuineq ama censur.§ 11. Kulturíkut ilíniartitsinermilo direktionip ilíniartitauneq pivdlugo perqûssûme mâne aulajangersagkanit avdláussuteqartitsinerit akuerisínauvai misilivdlune sulinermik ajornarungnaersitsissut. akuerineqarsínaunigssartik sujorqutdlugo misilinigssamik pilerssârutit ilíniartitsissut ilíniartitauneránut rådimut sarqûmiûneqartásáput.
Kapitale IV.
Kalâtdlit-nunãta seminâriâ.§ 12. Kulturíkut ilíniartitsinermilo direktione seminarierektorimik atorfinigtitsísaoq seminâriamik sujulerssuissugssamik.
Stk. 2. seminâriap rektoria ilíniartitsinerme peqatáusaoq kulturíkut ilíniartitsinermilo direktionip ersserqingnerussumik aulajangerdlugo angnertûssusiligânik.§ 13. Kulturíkut ilíniartitsinermilo direktionip seminâriap rektorianit sujûnersût maligdlugo seminâriame ilíniartitsissut pissariaqartut atorfinigtísavai.
§ 14. Seminâriap ilumine aqutsinigssâ pivdlugo aulajangersagkat ersserqingnerussut kulturíkut ilíniartitsinermilo direktionip aulajangísavai.
§ 15. Seminâriame ilíniartitauneq akeqásángilaq.
§ 16. Ilíniartup pêrsitausínaunigssânik aulajangîssásaoq seminâriap rektoria lærerrådimit sujûnersût maligdlugo.
Stk. 2. Stk. 1 maligdlugo aulajangîneq kulturimut atuartitsinermutdlo direktionimut mâlârutigineqarsínauvoq.
Kapitale V.
Atuartitsinermik sungiusarneq.§ 17. Atuartitsinermik sungiusarneq mêrqat atuarfiáne ingerdláneqásaoq kisalo iluaqutaussugssatut isumaqarfigissatut angnertûssusilingmik ingerdláneqarsínauvdlune kommunep atuarfiutigíngisaine.
Stk. 2. Tamatumûnga atatitdlugit maleruagagssat ersserqingnerussut kulturíkut ilíniartitsinermilo direktionip aulajangísavai, tássunga ilautitdlugit kommunenut tapissuteqarnigssamik maleruagagssat iliniartitsissúngornianut atuartitsinermik sungiusarnerup namagsiniarneranut atatitdlugit aningaussartûtit amerdlíssutaisa matûssutigssáinut.
Kapitale VI.
Angnerussumik ilíniagaqarneq.§ 18. Mêrqat atuarfiáne ilíniartitsissut angnerussumik ilíniagaqarnerat Kalâtdlit-nunâta seminâriâne katerssorniarneqásaoq kulturíkut ilíniartitsinermilo direktionip aulajangersagai ersserqingnerussut maligdlugit.
Stk. 2. Kisalo angnerussumik ilíniagaqarneq ingerdláneqarsínauvoq Danmarks Lærerhøjskoleme imalunît ilíniarfingme taimaingajagtune.§ 19. Maleruagagssiat kulturíkut ilíniartitsinermilo direktionimit ersserqingnerussumik aulajangerneqarsimassut maligdlugit ilíniartitsissunut taortaussunut aningaussartutit matussutigssait kommunenut tûniûneqarsínáuput, ilíniartitsissut táukunûngalo ilautitdlugit timelærerit angnerussumik ilîniartitaunerme peqataunerãnut atassut.
§ 20. Kulturíkut ilíniartitsinermilo direktionip matumunga maleruagagssat ersserqingnerussut aulajangísavai, qanoq angnertússusilingmik kommunene atuarfingne oqartugssautitat aulajangersagât maligdlugo angnerussumik ilíniartitauneq ilíniartitsissup timîsa amerdlássuseqartugssauneránut ilautíneqarsínaunersoq, taimalo akigssautinut aningaussartûtit taimátaoq ilíniartitsissumut taortaussumut aningaussartutit tûniûneqásavdlutik kommunet atuarfeqarfingnik ingerdlatsinerinut tapissutit pivdlugit tapissuteqarnernut maleruagagssiat ilerqûssartut maligdlugit.
Kapitale VII.
Atortulersitsineq il.il.§ 21. landstingip perqûssutâ atortûlerpoq 1. januar 1980.
Stk. 2. Ilíniartut 1. januar 1980-ime 1., 2. imalunît 3. seminarieklasseme tiguneqarsimassut ilíniagkatik inârsásavait maleruagagssiat maligdlugit, Kalâtdlit-nunane ilîniartitsissut ilíniartitaunerat pivdlugo inatsit 13. maj 1964-imêrsoq kingusingnerussûkut avdlángûtilik nâpertordlugo atortûssut.
Stk. 3. Taimáitoq kulturíkut iliniartitsinermilo direktione akuerssisínauvoq ilíniarnermik iluarsartussinermit manãkut atortûssumit avdláussutigssanik, ukiune ikâriarfiussune ilíniarnermik iluarsartussinerit táuko mardluk akornáne iluaqutaussugssamik nalerqûtûngorsainermik sujunertaqartunik.
Jonathan Motzfeldt/
Thue Christiansen