Isumaginninnerup tungaatigut perorsaanikkut ilinniartitaaneq pillugu landstingip peggussutaa nr. 14, 22. oktober 1979.
Kalaallit Nunaat pillugu inatsit nr.581 29.november 1978-imeersoq Kalaallit Nunaanni meeqqat atuarfianni ilinniartitsisut ilinniartitaasarnerat aamma isumaginninnerup tungaatigut perorsaanikkut ilinniartitaasarneq pillugu Kalaallit Nunaanni inatsit najoqqutaralugu, Kalaallit Nunaanni isumaginninnerup tungaatigut perorsaanikkut ilinniartitaasarneq pillugu aalajangersakkat imaattut aalajangerneqarput.
Kapitali I.
Aalajangersakkat nalinginnaasut.§ 1. Ilinniartitaasarnermi anguniarneqarpoq Kalaallit Nunaanni ulluunerani aamma ulloq unnuarlu inissiisarfinni taavalu kommunet isumaginninnikkut sulissussiviini tamani suleqataasut pisortallu ilinniartitaanissaat.
Imm. 2. Ilinniartitaanerit sivisunerusumik sivikinnerusumilluunniit ingerlanneqartussanngorlugit piareersarneqartassapput, taakkulu naammassineqareernerisigut Kalaallit Nunaanni ilinniagaqarsimasut inuussutissarsiorsinnaalersinniarlugit, aamma imaalillugu sivisunerusumik ilinniartitaanerit naammassineqareernerisigut ilinniagaqarsimasut Danmarkimi ilinniakkaminnik ingerlatseqqissinnaalersinniarlugit.§ 2. Ilinniartitaanerit Social-pædagogisk Skolemi (Kalaallit Nunaanni Ilinniarfissuarmiittumi) ingerlanneqartassapput, inissiisarfinnilu il.il. ilinniarnermut tunngatillugu ilinniartut sulisassallutik. Social-pædagogisk Skole Nuummi qitiusumik immikkoortortaqarfilerlugu Kalaallit Nunaannilu illoqarfinni allani immikkoortortaqarfilerlugu pilersikkiartorneqassaaq, tassa ilinniartitaanerit ilinniartut najugaannut sapinngisamik qanittuni inissinniarneqartartussaammata. Ilinniarnerit tamarmik Social-pædagogisk Skolep qitiusumik immikkoortortaqarfiani inaarneqartassapput.
§ 3. Social-pædagogisk Skole pisortamit ingerlanneqassaaq, taannalu atuarfimmi ilinniartitsisut aalajangersimasut peqatigalugit atuarfimmi lærerrådiusussaallutik.
Imm. 2. Ilinniartut ilinniarnerminnut tunngatillugu sulisarneranni taassumalu ingerlanneqarnerani ilinniarneranni isumaginnittussamik ilinniarnermut tunngatillugu sulinermi pisortaq (praktikleder) atorfinitsinneqassaaq.
Imm. 3. Kulturimut Ilinniartitsinermullu direktioni isumaginninnerup tungaatigut perorsaanikkut ilinniartitaanermut tallimat tikillugit ilaasortaqartumik ilinniagassat pillugit udvalgiliussaaq, taakkulu inissiisarfinni isumaginninnerup tungaatigut perorsaanikkut ulluinnarni ingerlatsinermi paasisimasaqartussaapput, misilittagaqartussaapput ilisimasaqartussaallutillu. Ilinniagassat pillugit udvalgimi ilaasortaassapput atuarfimmi pisortaq ilinniartitsisullu isumaginninnerup tungaatigut perorsaanikkut ilinniagassat ineriartorneranni ilisimasalinnik taakkulu aamma Kulturimut Ilinniartitsinermullu direktionimut ilinniagassat pillugit
apeqqutinik paasissutissiisinnaassallutik.§ 4. Ilinniartitsinermi kalaallit oqaasii atorneqartussaapput, kisianni ilinniutit ilinniartitsisut il.il. pisariaqartippassuk ilinniartitsineq qallunaatut ingerlanneqarsinnaavoq, pisariaqarpallu kalaallisuumut nutserneqartumik.
Kapitali II:
Isumaginninnerup tungaatigut perorsaanikkut ilinniartitaanerit pilersikkiartorneqarnerat.§ 5. Ilinniartitaanerit aaqqissorneqartussaapput atuagarsornermut sulinermullu tunngasut akuleriiaarlugit, tassa taakku marluk kattunneqarnerisigut Social-pædagogisk Skolemi ilinniarnermullu tunngatillugu inissiisarfinni ilinniakkat ilinniartumut suliamik paasisaqarnermik, sungiussinermik inuullu nammineq ineriartorneranut siuarsaataasussaammata. Ilinniartitaanerup ingerlanerani ilinniartoq aamma isumaginninnerup tungaatigut perorsaanermi ikiorsiissutitut qanoq iliuuserineqarsinnaasunik paasitinniarneqartassaaq aamma inuiaqatigiit iluanni attaveqarfigisinnaasanik allanik ilinniartup suleqatiginnissinnaanera ineriartortinniarneqartussaavoq.
Imm. 2. Social-pædagogisk Skolemi ilinniartitsineq aaqqissorneqartassaaq immikkoortukkuutaarlugu sapaatip akunnerinik aqqaneq-marlunniit 14-inut sivisussusilinnik, tassa ilinniartitaanermi immikkoortut ataasiakkaaginnaratik ilinniarnerup ingerlanerani ataatsimut isigineqartussaammata. Ilinniartitaanermi immikkoortoq ilinniarnermulluunniit tunngatillugu sulineq naammaginartumik ingerlanneqarsimappat, ilinniartitaanerup ingerlanerani immtkkoortumut tullermut isissutaasinnaavoq. Taassuma saniatigut ilinniartitaanermi immikkoortut aalajangersimasumik amerlassusillit inuussutissarsiulernissamut tunngavigineqarsinnaapput, tak. ataani Kapitali III-mi pineqartut.
Imm. 3. Ilinniartitaanerit sapaatip akunnerinik aqqaneq-marlunnik sivisussusilimmik tunngaviusumik aallarnerneqartassapput (blok I), taanna isumaginninnerup tungaatigut perorsaasarnikkut paasissutissatigut sungiussiniarnermullu tunngaviusuusoq.
Imm. 4. Tunngaviusumik ilinniartitaanerup naammassineqarnerata kingorna ilinniartoq itinerusumik sivisunerusumik sivikinnerusumilluunniit isumaginninnerup tungaatigut perorsaanikkut ilinniagassaritinneqartunik (blok II-VI) ilinnialissaaq, aamma ingerlaqqilluni ilinniarsinnaalluni (blok VII-IX). Ilinniarnermut tunngatillugu sulisarnerit immikkoortunut atatillugit aaqqissorneqartassapput.
Kapitali III.
Isumaginninnerup tungaatigut perorsaasarnikkut ilinniartitaasarnerit.§ 6. Isumaginninnerup tungaatigut perorsaasarnikkut ilinniartitaasarnerit imatut aaqqissorneqartassapput:
1. Meeqqerisumut ilinniartitaaneq.
Ilinniartitaaneq ukiup aappaa affarmik sivissuseqarpoq, taassuma naammassineqareerneratigut uku sullivigineqarsinnaallutik vuggestuet, børnehavet, meeraaqqanut angerlarsimaffiit aamma angerlarsimaffimmi ulluunerani paaqqinnittarfiit kommunemit ingerlanneqartut taavalu børnehaveklasseni ikiortaaneq. Ilinniartitaanermi tunngaviusumik ilinniartitaaneq blok I ingerlanneqassaaq, ukiumi ataatsimi ilinniarnermut tunngatillugu sulineq aamma blok II ullunik 14-inik sivisussusilik, tassa blok II-mi ilinniartitaaneq aaqqissorneqassaaq ilinniartup kingusinnerusukkut suliassarisaa eqqarsaatiginerullugu.
2. Klubbini ikiortissatut ilinniartitaaneq.
Ilinniartitaaneq ukiup aappaa affarmik sivisussuseqarpoq, taassuma naammassineqareerneratigut uku sullivigineqarsinnaallutik fritidshjemmit, ungdomsklubbit, utoqqaanerusutklubbiat lærlingehjemmilluaamma pinnguartarfiliat atuartunut ilinniagaqartunullu allanut inissiat. Ilinniartitaanermi tunngaviusumik ilinniartitaaneq blok I ingerlanneqassaaq, ukiumi ataatsimi ilinniarnermut tunngatillugu sulineq aamma blok II ullunik 14-inik sivisussusilik, tassa blok II-mi ilinniartitaaneq aaqqissorneqassaaq ilinniartup kingusinnerusukkut suliassarisaa eqqarsaatiginerullugu.
3. Socialhjælperimut ilinniartitaaneq.
Ilinniartitaaneq ukiunik pingasunik sivisussuseqarpoq, isumaginninnermilu sulissussinermi sulisussat ilinniartinneqartussaallutik, tassanilu siunertarineqarluni inuussutissarsiutitigut isumaginninnikkullu ilaqutariit inuillu ataasiakkaat ikiorsertassallugit oqaloqatigiinnikkut siunnersuinikkut aamma taperserneqarsinnaanermut periarfissat pillugit siunnersuinikkut maleruagassat taakkununnga tunngasut najoqqutaralugit. Ilinniartitaanermi tunngaviusumik ilinniartitaaneq blok I ingerlanneqassaaq, ukiumi ataatsimi ilinniarnermut tunngatillugu sulineq aamma blok III, tassa blok II-mi III-milu ilinniartitaaneq, taakku tamarmik ullunik 14-inik sivisussusillit, aaqqissorneqassaaq ilinniartup kingusinnerusukkut suliarisassaa eqqarsaatiginerullugu.
4. Isumaginninnerup tungaatigut perorsaasumut ilinniartitaaneq.
Ilinniartitaaneq ukiunik pingasunik sivisussuseqarpoq, anguniarneqartussaallunilu isumaginninnerup tungaatigut perorsaanikkut suliassat qulaani 1.-imiit 3.-mut taaneqartut assinginik suliaqalernissaq, kisianni inuussutissarsiorsinnaanermut pisinnaaffik annerulluni tassunga ilanngullugu aamma akisussaaffik annerulluni. Ilinniartitaaneq aamma tunngaviusinnaavoq børnehaveklassemi pisortatut, atuartunngortussanut perorsaasutut atuartullu sunngiffianni susassaqartitsiniartutut sulilersinnaanermut. Ilinniartitaanermi ingerlanneqassapput tunngaviusumik ilinniartitaanerit blok I, II, III, ukiumik ataatsimik sivisussusilimmik ilinniarnermut tunngatillugu sulineq, blok IV, blok V aamma blok VI, tassa blokini II-mi, III-mi, IV-mi, V-imi VI-imilu ilinniartitaaneq aaqqissorneqassaaq ilinniartup kingusinnerusukkut suliarisassaa eqqarsaatiginerullugu. Blok IV
sapaatip akunnerinik aqqaneq-marlunnik sivisussuseqarpoq, blokillu II, III, V aamma VI ullunik 14-inik. Blok V-imi ilinniartitaaneq Danmarkimi ingerlanneqartussaavoq. Danmarkimiinnermi ilinniartup nalinginnaasunik suliassanullu tunngasunik ilisimasaqarnera annertusisinniarneqartussaavoq, blok IV-mi piareersarneqariarluni blok VI-imi inaarneqassalluni.
5. Isumaginninnerup tungaatigut perorsaasut ilinniartitaaqqittarnerat.
Ilinniartitaaqqinneq ukiumik ataatsimik sivisussuseqarpoq, tassanilu anguniarneqartussaalluni isumaginnerup tungaatigut perorsaasunngorniarnermi ilinniagarisimasat itisilerneqarnissaat aamma Kalaallit Nunaanni isumaginninnerup tungaatigut perorsaanikkut inissiisarfinni pisortassat ilinniartitaanissaat. Ilinniartitaaneq, immikkut pisoqarsimatinnagu isumaginninnerup tungaatigut perorsaasunngoreernerup kingorna ukiut marluk qaangiunnerisigut aallarnerneqartussaq, blok VII -imi sapaatip akunnerinik aqqaneq-marlunnik sivisussusilimmi aamma blok VIII aamma IX-mi ullunik 14-inik sivisussisilinnik ingerlanneqassaaq.
Kapitali IV.
Ilinniartitaanermi immikkoortut ataasiakkaat imarisaat.§ 7. Ilinniartitaanermi immikkoortut ataasiakkaat ilinniagassanut nalinginnaasumillu timenut atuartitsivissanut imaatunut agguassimapput:
1. Meeqqerisumut, klubimi ikiortitut, socialhjælperimullu aamma isumaginninnerup tungaatigut perorsaasumut ilinniartitaanerit:
Ilinniagassat Blokit Fagimut
ataatsim.
timetI II III IV V VI Almen psykologi 24 28 28 24 28 132 Udviklingspsykologi 48 56 56 36 56 252 Pædagogik/metodik 36 56 56 48 56 252 Isumaginninnermi ilinniagassat 60 42 56 48 56 262 Socialmedicin 24 28 28 28 108 Kalaallisoorneq/orientering 40 56 56 24 56 232 Qallunaatoorneq/orientering 60 28 88 Gruppedynamik 20 14 12 46 Oqaloqatiginneriaaseq 12 14 28 54 Studieteknik 24 24 Erinarsorneq/nipilersorneq 24 28 28 24 28 132 Rytmik/eqaarsaarneq 24 28 28 24 14 118 Dramatik 24 28 28 24 14 118 Sannavimmi sulineq 60 60 Immikkut ilinniarumasat 112 126 96 98 432 Blokini ataasiakkaani timet 420 490 490 420 DK 490 2310
2. Isumaginninnerup tungaatigut perorsaasut ilinniartitaaqqittarnerat:
Ilinniagassat Blokit Fagimut ataatsim.
timetVII VIII IX Almen psykologi 48 56 56 160 Socialpsykologi 96 112 56 264 Psykiatri 56 56 Pædagogik/metodik 48 56 56 160 Gruppedynamik 24 24 Oqaloqatiginneriaaseq 28 28 Naatsorsuuserineq/aqutsineq 24 28 28 80 Orientering 28 28 56 Ilinniarumasat 72 84 84 240 Immikkut ilinniarumasat 48 56 84 188 Blokini ataasiakkaani timet 360 448 448 1256 Imm. 2. Ilinniagassat agguataarneqarnerat timessallu qulaani taaneqartut pisortamit ilinniagassanut udvalgimut isumaqataaffigineqarpat annikitsumik allanngortinneqarsinnaapput.
Kapitali V.
Ilinniartitaanermi immikkoortuni ilinniagassat ataasiakkaat imarisaat.Tunngaviusumik ilinniartitaanermi blok I-imi ilinniagassat imarisaat sukumiinerusumik nassuiaateqarfigineqarsimapput, ilinniagassalli ilinniarnermi blokini kingusinnerusuni pingaarnersiorlugit nassuiaateqarfigineqarsimallutik. Ilinniarnermi blokini kingusinnerusuni taakkununnga ilanngullugit taakkunani ilinniagassat immikkoortiterneqarnerat aamma taakku ilinniarnermi blok-
ini immikkoortiterneqarnerisa aalajangersimanerusumik immikkoortiterneqarnerat ilinniarnermi siunnersuinikkut pisassaaq, taannalu Social-pædagogisk Skolemi pisortamit lærerrådi isumaginninnerullu tungaatigut perorsaaneq pillugu ilinniagassanut udvalgi suleqatigalugit suliarineqartassallutik.
Psykologi nalinginnaasoq.
§ 8. Tassani anguniarneqarpoq ilinniartut psykologimi paasisassat suliassallu aamma taaguutit psykologimik suliaqarnermi atorneqartartut pillugit paasisaqarnissaat taavalu ilinniartut namminneq inuit allallu periaasiinik, inuunerannik misilittagarisaannillu tunngaviusunik paasisaqarnissaat.
Imm. 2. Tunngaviusumik ilinniartitaanermi blok 1-imi imarineqarsinnaapput meeqqap - anaanaasullu akornanni pissutsit, meeqqap ineriartornerani avatangiisit pitsaaqutigisinnaasaatajoqutigisinnaasaallu, sungiutassanik sunniiniarneq siusissukkullu ilinniartitsiniarneq, pisariaqartitat pingaarnerusut, pisariaqartitanik naammassinninnerit aamma pisariaqartitsinerit annertusarneqarnerat.
Imm. 3. Ilinniartitaanermi blokini kingusinnerusuni pineqartussaapput soorlu pissutsit nalinginnaasut, ilinniartitsinermi periaatsit atugassallu, pisariaqartitsineq, aallartitsinermi tunngaviusut eqqarsartaatsillu qanoq issusia, paasinnissinnaaneq eqqarsaatersornerlu. Naleqqutassat immikkullu pissusillit ajornartorsiutaanerat pineqartussaapput aamma psykologiip tungaatigut misissuisinnaaneq oqaluttuarinnissinnaanerlu.
Udviklingspsykologi.
§ 9. Tassani anguniarneqarpoq ilinniartut meeqqat ineriartornerisa ingerlanerannik qaammaasaqarnissaat.
Imm. 2. Tunngaviusumik ilinniartitaanermi blok 1-ip imarisinnaavai naartunerup nalaani avatangiisit, sorraatsumik kusanartumillu aalasinnaanerup ineriartortinneqarnera, malugissutsip tungaatigut ineriartorneq, oqaatsit paasisassallu ineriartortinneqarnerat isumaginninnerullu tungaatigut ineriartorneq.
Imm. 3. Ilinniartitaanermi blokini kingusinnerusuni udviklingspsykologi atorlugu misissuisinnaaneq pineqassaaq, soorlu meeraajunnaalernermi ajornartorsiutit utoqqalinermilu ajornartorsiutit. Ineriartorneq pillugu Darwinip ilinniutaa pineqassaaq, aamma uumasut psykologiip tungaatigut misiligaaffigineqartarnerat taamaaliornermilu naammassisarineqarsinnaasut.
Pædagogik/metodik.
§ 10. Tassani anguniarneqarpoq ilinniartut perorsaanermi pissutsinik aalajangiisuusunik paasisaqarnissaat perorsaanermilu ajornartorsiutaasinnaasut pillugit namminneq isumaqalernissaat taavalu isummat taakku kingunerisinnaasaasa sulinermut sanilliunneqarsinnaanerat.
Imm. 2. Tunngaviusumik ilinniartitaanerup blok 1-ip angerlarsimaffinni inissiisarfinnilu perorsaariaaseq piffissat ingerlaneranni nunani allanilu. Annertunerusumik pineqartarput Kalaallit Nunaanni pissutsit qanga massakkullu. Taavalu pineqartarput pinnguaatit, pinnguarnissamut periarfissat pinnguariaatsillu taavalu oqaatsinik paasisassanillu ineriartortitsiniarluni suliaqarnerit.
Imm. 3. Ilinniartitaanermi blokini kingusinnerusuni imm. 2-mi taaneqartut assersuusiornikkut allanngortinneqarneri pineqartarput, taakkulu allanngortitsinerit misissorneqartarput ullutsinni perorsaanermi ajornartorsiutit ingammillu Kalaallit Nunaanni ajornartorsiutit oqaloqatigiissutigineqarnissaat nassuiaateqarfigineqarnissaallu siunertaralugu.
Isumaginninnerup tungaatigut ilinniagassat.
§ 11. Tassani anguniarneqarpoq ilinniartut inuiaqatigiit sananeqaataannik ingerlaneranillu paasisaqarnissat aamma inuit ataasiakkaat, ilaqutariit inuiaqatigiillu sunniuteqaqatigiittarnerannik. Immikkut pissusillit inooriaasiat oqaluttuarineqassaaq nassuiaateqarfigineqarlunilu, taavalu isumaginninnerup tungaatigut ikiorsiissutit qanoq iliuuserineqarsinnaasut ilinniartitsissutigineqarlutik.
Imm. 2. Tunngaviusumik ilinniartitaanerup blok 1-ip imaraa isumaginninnerup tungaatigut ikiorsiisarnermi qanoq iliuuserineqarsinnaasut paasissutissiiffigineqarnerat taavalu taakku sulinermi inissiisarfinnut pulaartarnikkut atorneqarsinnaanerisa paasissutissiiffigineqarnerat.
Imm. 3. Ilinniartitaanermi blokini kingusinnerusuni pineqartussaapput soorlu ilaqutariinni ingerlariaatsit ajornartorsiutigineqarsinnaasullu, tassunga ilanngullugit inuit ataasiakkaat inatsisitigut isumaginninnikkullu periarf igisinnaasaat isumaginninnerup tungaatigut isummat pingaarnerit taanna inuiaqatigiit sananeqaataannut, ingerlanerannut qanoq innerannullu tunngaviusoq, inuiaqatigiit ineriartorneranni perorsaasut pingaaruteqassusiat taavalu inuiaqatigiinni ikiorsiisinnaanermi sillimaniarnermilu neqeroorutit aamma isumaginninnikkut politiki.
Socialmedicin.
§ 12. Tassani anguniarneqarpoq ilinniartut inuit timaasa sananeqaataannik periaasiannillu ilisimasaqalerlutillu paasisaqarnissaat, inuunermi atugarisat peqqissuserlu tunulequtaralugit isumaginninnermi nakorsaatitigut ajornartorsiutaasinnaasut imminnut attuumassuteqarnerannik paasisaqarnissaq taavalu nappaatinik pinaveersaartitsiniarnermi qanoq iliuuserineqarsinnaasut sananeqaataannik paasisaqarnissaq.
Imm. 2. Tunngaviusumik ilinniartitaanerup blok 1-ip imarisinnaavai eqqiluisaarneq, inuussutissalerineq, perorsaasup nakorsaqarfimmik suleqatiginninnera, kilernerit suliarineqarnissaat, qeruttoornerit, issinnerit, siutini,sorluuni anersaartorfiullu aqqutaanut unittoorsimasut peerneqarnissaat pillugit paasissutissiineq.
Imm. 3. Ilinniartitaanermi blokini kingusinnerusuni pineqartussaapput soorlu peqqinnissamut nappaatinullu tunngasut, tassunga ilanngullugu inuup sananeqaatai taakkulu atorneqarnerat, eqqiluisaarneq nalinginnaasoq immikkut ittumik eqqiluisaarneq, timimikkut innarluutillit pillugit aamma inuit assigiinngitsumik utoqqaassusillit akornanni peqqinnissakkut ajornartorsiutit, socialmedicinip tungaatigut isummat pingaarutillit taavalu ikiorsiissutit tassani eqqarsaatiginerullugu isumaginninnikkut perorsaasup pingaarutaa suliassaalu, timikkut sungiusaasarneq sulinermilu inissisimasarnerit taavalu timikkut isumaginninnermilu periarfissanut sungiusaasarneq.
Kalaallisoorneq/orientering.
§ 13. Tassani anguniarneqarpoq ilinniartut kalaallit inuiaqatigiit pissusiinik oqaasiinik kulturiannillu paasisaqarnissaat tassani siunertarinerullugu inuiaat ineriartortut ajornartorsiutaasa paasineqarnissaat.
Imm. 2. Tunngaviusumik ilinniartitaanerup imarisinnaavai meeqqanut atuagassiat, atualernissaq sioqqullugu atuagassanik qinersinissami sungiusarneq, oqaluttuarsinnaanermik atuffassisinnaanermillu sungiusaaneq taavalu biblioteki filmcentralilu pillugit paasissutissiineq.
Imm. 3. Ilinniartitaanermi blokini kingusinnerusuni pineqartussaapput kalaallit oqaasiisa oqalunnermi allannermilu atornissaat taakkulu taalliornermi oqaluttuatoqqanillu, meeqqat inuusuttullu atuagassiaanni, atuagassiani nalinginnaasuni, nipilersukkani eqqumiitsuliornermilu paasinninnermi aamma filminik ilisimasaqarnermi atornissaat.
Qallunaatoorneq/orientering.
§ 14. Tassani siunertarineqarpoq ilinniartut blok V-imi Danmarkimiinnlssaannut piareersarneqarnissaat aamma taassuma kingornatigut Danmarkimiissimanerup nalilerneqarnera.
Imm. 2. Ilinniagassami tassani blok IV-mi VI-imiittumilu qallunaat inuiaqatigiivini pissutsit, qallunaat inooriaasii aamma qallunaat ilinniartitaasarnerat isumaginninnerlu paasissutissiiffigineqassapput.
Gruppedynamik.
§ 15. Tassani siunertarineqarpoq ilinniartut sungiusarnikkut misigissutsinik inatsisinillu inuit sungiuteqaqatigiittarneranni pingaarutilinnik misigisaqarnissaat.
Imm. 2. Tunngaviusumik ilinniartitaanerup blok I-ip imarisinnaavai gruppep sananeqarnera maleruagassat malillugit iluarsiisarneq, suliassanik naammassinninniarnermi gruppeni nakkutilliineq taavalu gruppep pingaaruteqarneq malillugu agguataarneqarnera.
Imm. 3. Ilinniartitaanermi blokini kingusinnerusuni gruppedynamiki Arne Sjølundip periaasianut naleqquttunngorlugu pineqassaaq annertunerusumillu suleqatigiissinnaanermi ajornartorsiutit pingaartinnerullugit.
Oqaloqatiginneriaaseq.
§ 16. Tassani anguniarneqarpoq ilinniartut aningaasarsiutigalugu oqaloqatiginnittarnernut assingusumik oqaloqatiginnittarnerni tunngaviusunik periaatsinillu ilisimasaqalernissaat, taanna perorsaanermi sulinermi atorneqarsinnaanngorlugu.
Imm. 2. Tunngaviusumik ilinniartitaanerup blok 1-ip imarisinnaavai aningaasarsiutigalugu oqaloqatiginnittarnerni tunngaviusut periaatsillu, gruppenut sulisullu ataatsimiinnerannut isummat pillugit saqqummiisarneq.
Imm. 3. Ilinniartitaanermi blokini kingusinnerusuni pineqassapput aningaasarsiutigalugit oqaloqatiginnittarnerit ilisarnaataat, tunngaviat ingerlasarnerallu. Taavalu oqaloqatiginneriaatsit pineqartussaapput pingaartinnerullugu angajoqqaanik oqaloqatiginnittarneq, sulisut ataatsimiinneranni suleqatigiinnillu allanik oqaloqatiginnittarnerni periaatsit.
Studieteknik.
§ 17. Tassani anguniarneqarpoq ilinniartut paasiniaaqatigiinnermi periaatsinut pissutsit aamma paasiniaaqatigiinnermi ingerlariaatsit pillugit paasisaqarnissaat, taamaaliornikkut ilinniartut namminneq paasiniaaqatigiinnermi periarfissanik atorluaanerulernissaat anguniarlugu.
Imm. 2. Ilinniartitaanermi blokini kingusinnerusuni pineqarsinnaapput atuariaaseq, allattueriaaseq, atuakkat paasiniaaffissat takornartallu oqaasii pillugit ordbogit atorneqarnissaat, paasiniaaqatigiinnermi pissutsini iluaqutaasinnaasut ajoqutaasinnaasullu taavalu suliassat periaaserineqartullu imminnut attuumassuteqarnerat. Ilinniarneqartut ilinniartitaanermi blokini kingusinnerusuni atorneqartussaapput.
Erinarsorneq/nipilersornerlu.
§ 18. Tassani anguniarneqarpoq ilinniartut susassaqartitsiniarnermi ilinniagassani allanitulli, tak. §§ 19, 20 aamma 21, susassaqartitsiniarnermi nipilersorneq atorlugu oqaluttuariaatsip pingaaruteqassusianik paasisaqarnissaat aamma perorsaanikkut periarfissat ineriartortuni assigiinngitsunilu utoqqaassusillit eqqarsaatigalugit, nammineerluni allanilluunniit suleqateqarluni sanaassanik misiligaanernillu suliaqarsinnaaneq aamma susassaqartitsiniarnerit ineriartortinneqarnissaannut sulinikkut atuagarsornikkullu piumasarineqartut sungiusarneqarnissaat taavalu perorsaaneq psykologilu eqqarsaatigalugit susassaqartitsiniarnerit pingaaruteqassusiat.
Imm. 2. Ilinniartitaanermi tunngaviusup blok 1-ip imarisinnaavai meerarsiutit kalaallisuut sungiusarneqarnerat, kallussaallugit nipilersuutit, guitarit qarlortaatit nipilersuutillu assigiinngitsut allat atorneqarsinnaanerat.
Imm. 3. Ilinniartitaanermi blokini kingusinnerusuni nipilersornermi pikkorissarneq anguniarneqassaaq, nipilersornerlu nalinginnaasoq pillugu paasissutissiisoqarluni taavalu nipilersornermi ilinniartitseriaaseq ilinniartitsissutigineqarluni.
Rytmik/eqaarsaarneq.
§ 19. Tassani anguniarneqarpoq ilinniartut aalariaatsit iluaqutaanerannik, namminersortitsilersinnaanerannik ineriartortitsilersinnaanerannillu ilinniartissallugit, suliamut atuagarsornermullu tunngatillugu taamaaliornerup aaqqissorneqartarnerani ineriartortinneqartarneranilu piumasarineqartut paasineqarnissaat meeqqat inuusuttullu atorfissaqartitsinerat soqutigisaqarnerallu tunngavigalugu.
Imm. 2. Tunngaviusumik ilinniartitaanerup blok 1-ip imarisinnaavai pinnguaatit arsariaatsillu, qitinneq isiginnaartitsinerlu, eskimoot pinnguaataat qitittaasiallu taavalu meeqqat aalariaatsikkut ineriartortarnerat pillugu paasissutissiineq.
Imm. 3. Ilinniartitaanermi blokini kingusinnerusuni aalariaatsimi ilinniagassat perorsaariaatsillu pineqassapput.§ 20. Tassani anguniarneqarpoq ilinniartut isiginnaartitseriaatsinik assigiinngitsunik paasisaqarnissaat taakkulu perorsaanermi, ilinniartitsinermi inuillu attaveerunnissaanni atorneqarsinnaanerisa atorneqarsinnaanerannik paasinninneq.
Imm. 2. Tunngaviusumik ilinniartitaanerup blok I-ip imarisinnaavai isiginnaartitsinermi misiligaanerit, inuit ataasiakkaarlutik arlaliullutillu, taavalu atortussat assigiinngitsut atorneqarsinnaanerat.
Imm. 3. Ilinniartitaanermi blokini kingusinnerusuni misileeqqaarani isiginnaartitsinerit, oqallittuusaarnerit allallu isiginnaartitsinermut atatillugu ataatsimoorluni suliassat pineqassallutik.
Sannavimmi sulineq.
§ 21. Tassani anguniarneqarpoq ilinniartut suliorsinnaanerup pingaaruteqassusianik paasisaqarnissat, taavalu sulinermut atuagarsornermullu tunngatillugu taamaaliornerit aaqqissorneqarnissaat, aallarnerneqarnissaat ineriartortinneqarnissaallu meeqqat inuusuttullu assigiinngitsunik ukiullit pisariaqartitsinerat soqutiginninnerallu najoqqutaralugu.
Imm. 2.Tunngaviusumikilinniartitaanerup blok 1-ip imarisinnaavai isit siutillu atorlugit ilinniartitsissutit, atortullu pinnersaanissamut atortut, pinnguaatit pinngussallu sananeqarneranni periaaserisinnaasat.
Socialpsykologi.
§ 22. Tassani siunertarineqarpoq ilinniartut paasitinneqarnissaat, inuup kisimiittuulluni inuusinnaannginneranik, kisianni ineriartortinneqarluni, inuulluni sunnerneqartarlunilu isumaginninnermi pissutsit sunniuteqaqatigiinnerannik.
Imm. 2. Tassani ilinniartitsissutigineqassapput gruppep ingerlanera, inuit ataasiakkaat gruppemi ingerlanerat, paasinnittarneq, takorluukkat isummallu qanoq ittarnerat inuiaqatigiinni ataatsimoortuni assigiinngitsuni sunnerneqarnermikkut. Pisortatigut ajornartorsiutigineqarsinnaasut pineqassapput.§ 23. Tassani anguniarneqarpoq ilinniartut anersaakkut nappaatit pillugit paasisaqarnissaat, ingammik meeqqat inuusuttullu akornanni, aamma anersaakkut nakorsaasarnermi periaatsinik assigiinngitsunik.
Imm. 2. Ilinniartitsinermi anguniarneqarpoq avatangiisit anersaakkut nappartitsisinnaanerannik anersaakkut nappaateqalersinnaanermikimmikkut pissuseqalersinnaanermikanersaakkut timikkullu meeqqat inuusuttullu nappaateqalersinnaanerannik paasisaqarnissaq, anersaakkut sungiusaasarneq, pinnguarnikkut sungiusaasarneq nakorsaatillu atorlugit nakorsaasarneq.
Naatsorsuuserineq ingerlatsinerlu.
§ 24. Tassani anguniarneqarpoq inissiisarfinni naatsorsuuserinermik allaffimmilu sulianik nalinginnaasunik ilinniartut paasisaqarnissaat.
Imm. 2. Assersuutit atorlugit ulluinnarni naatsorsuutit allanneqartarnerat, ukiumoortumik naatsorsuuserineq, aningaasatigut pilersaarusiorneq aamma akuersissutinik nakkutilliineq pineqassapput. Taavalu ilinniarnermi tapiissutigineqartartut il.il. pillugit kaajallaasitat pineqarlutik.
Orientering.
§ 25. Tassani anguniarneqarpoq ilinniartut kulturikkut, politikikkut, isumaginninnikkut pissusisigullu pissutsinik paasisaqarnissaat, taakkua ulluinnarni ilinniagassanut toqqaannartumik ilanngunneqarsimanngillat, taamaalillunilu ilinniartut namminneq isumaqalernissaannut, taakkulu allanat ingerlateqqinneqarsinnaaneranni tunngaviullutik.
Imm. 2. Pisassat sapinngisamik kulturip tungaatigut annertuunngorlugit qinerneqartassapput, soorlu oqaluttuarisaaneq pillugu oqaluttualiorneq, atuakkerineq, eqqumiitsulianik paasinnissinnaaneq filminillu ilisimaarinninneq.
Ilinniarumasat aalajangersimasut.
§ 26. Ilinniartut immikkut qinersinermikkut ilinniarumasaminnik, sulilernerminni pingaartikkumaakkaminnik ilinniagaqarsinnaapput.
Imm. 2. Tassani siunertarineqarpoq ilinniartut suliariligassaminni ajornartorsiutaasinnaasunik qaammaasaqarlutillu paasisaqarnissaat.
Imm. 3. Social-pædagogisk Skolemi ilinniartitaanermi blokip ataatsip inaarneqarnerani ilinniartut oqaloqatigineqareernerisa kingorna aalajangerneqassaaq ilinniarumasat aalajangersimasut suut neqeroorutigineqarsinnaassanersut ilinniartitaanermi blokimi tulliuttumi.
Imm. 4. Ilinniarumasaq aalajangersimasoq allaganngorlugu suliaqarnikkut allalluniluunniit soraarummeernikkut inaarneqassaaq, taanna tassunga ilinniartitsisumit isummerfigineqarluni.
Immikkut ilinniagassat.
§ 27. Blokit II-p, III-p VI-ip IX-illu inaarneqarneranni ilinniartut tamarmik allaganngorlugu immikkut suliarisimasaminnik tunniussissapput, blok II-p III-llu pineqarneranni quppernernik 20-nik A4-mik angissusilinnik annertussusilimmik blokillu VI-ip IX-illu ingerlanneqarneranni minnerpaamik quppernernik 50-inik A4-mik angissusilinnik annertussuseqartussaq. Immikkut suliassaq ilinniartunit ataatsimoorullugu suliarineqarsinnaavoq, taamaassappallu suliarineqartoq annertunerutinneqassaaq.
Imm. 2. Tassani anguniarneqarpoq ilinniartut perorsaariaatsikkut, anersaamut tunngasutigut inuiaqatigiinnullu tunngasutigut aalajangersimasunik paasisaqarnissaat isumaginninnermi perorsaanikkut suliaqarnerup iluani, aamma siunertarineqarpoq ilinniartut ornigunnikkut, suliaqarnikkut atuakkerinikkullu nammineerlutik ilinniaqqissinnaanernik sungiusarneqarnissaat.
Imm. 3. Immikkut suliarineqartussaq fagimi ilinniartitsisumit akuerineqassaaq, taannalu ilinniaqatinut saqqummiunneqassaaq oqalunnikkut oqallinnermi isornartorsiuinermilu tunngavigineqassalluni. Fagimi ilinniartitsisup aalajangertussaavaa immikkut suliarineqarsimasoq akuerineqarsinnaanersoq.
Kapitali VI.
Ilinniarnermut tunngatillugu sulinermi ilinniartitaaneq.§ 28. Ilinniarnermut tunngatillugu sulinermi ilinniartitaaneq isumaginninnerup tungaatigut inissiisarfinni, Atuarfimmit Inunnik Isumaginninnermi Qullersaqarfik suleqatigalugu toqqarneqartuni, ingerlanneqassaaq. Socialpædagogisk Skolemi ilinniarnermut tunngatillu sulinermi pisortap ilinniartut sulineranni sumiiffissaannik ujarliunneqarneranni ikiortussaavai.
Imm. 2. Tassani anguniarneqarpoq ilinniartut ilinniarnerminnut tunngatillugu sulinerminni nammineerlutik isummernermikkut ilinniakkaminnillu atuinermikkut naammaginartumik isumaginninnerup tungaatigut perorsaasarnikkut suliaqarlualersinnaalernissaat, aamma ilinniartut periarfissinneqassapput atuarnerup nalaani ilisimalersimasaminnik perorsaanermi sulinerminni misiliinissaannik.
Imm. 3. Ilinniarnermut tunngatillugu sullivinni akuerisaasuni praktiklæreri Social-pædagogisk Skolemit toqqarneqarsimasoq ilinniartumut siunnersuisuullunilu ilinniartitsisuussaaq. Praktiklærerip sulinissaa Socialpædagogisk Skolemit Inunnik Isumaginninnermi Qullersaqarfik suleqatigalugu pilersaarusiorneqassaaq.
Imm. 4. Ilinniarnermut tunngatillugu sulinermi ilinniartupsuliassatminnerusut marluk suliarisussaavai allalanngorlugit, ilinniarnermullu tunngatillugu sulinermi kingullermi suliassaq annertunerusoq ataaseq. Suliassanik Social-pædagogisk Skole suliassiisussaavoq.
Imm. 5. Ilinniarnermut tunngatillugu sulineq ukiup aappaa affaanik sivisussuseqassaaq, ilinniartorlu aatsaat sullivimmut allamut nuussinnaalluni Social-pædagogisk Skolep akuersereernerata kingorna.
Imm. 6. Ilinniarnermut tunngatillugu sulinermi pisortap ilinniartitsisullu ikioqatigiillutik aalajangertussaavaat ilinniarnermut tunngatillugu sulinerup ingerlasimanera naammaginartuunersoq, taanna aalajangiisuusussaammat ilinniarneq ingerlateqqinneqarsinnaanersoq.
Imm. 7. Ilinniarnermut tunngatillugu sulisimaneq naammaginartumik ingerlanneqarsimanngippat Social-pædagogisk Skolep sulliviulluilinniartoq suleqatigalugu aalajangertussaavaat sulineq aammalooqqinneqassanersoq, taamaassappallu sulineq inissiisarfimmi allami ingerlanneqassaaq.
Imm. 8. Ilinniarnermut tunngatillugu sulinerup inaarneqangajalernerani praktiklærerip ilinniartoq suleqatigalugu oqaaseqaateqassapput sulinerup qanoq ingerlasimaneranik. Oqaaseqaat Social-pædagogisk Skolemut nassiunneqassaaq ilinniartup blokimut tullermut ingerlaqqinnissaa ilinniarnermulluunniit tunngatillugu sulileqqinnissaa aallarnertinnagu.
Kapitali VII.
Atuarfimmut isersinnaanermi piumasarineqartut.§ 29. Isumaginninnerup tungaatigut ilinniagaqarniarlutik qinnuteqartut ilinniarnerup aallartinnginnerani 18-inik ukioqalereersimassapput.
Imm. 2. Qinnuteqartut isumaginninnerup tungaatigut perorsaasutut sulinermut piukkunnaateqarsinnaaneranni naliliineq Social-pædagogisk Skolemit Inunnik Isumaginninnermi Qullersaqarfimmillu isummerfigineqassaaq.
Imm. 3. Qinnuteqaatinik tunniussiffissaq Social-pædagogisk Skolemit aalajangerneqarlunilu nalunaarutigineqassaaq.
Imm. 4. Qinnuteqartoq Atuarfimmut isersinnaanermik itigartinneqarsimappat, tassunga tunngaviusoq nalunaarutigineqassaaq. Aalajangiussaq Social-pædagogisk Skolemit itigartitsinermik nalunaarutigineqartoq Kulturimut Ilinniartitsinermullu direktionimut ingerlateqqinneqarsinnaavoq, tassanilu aalajangiineq atortuutinneqassalluni.§ 30. Isumaginninnerup tungaatigut perorsaasutut ilinniarneq immikkut pisoqarsimatinnagu tunngaviusumik ilinniartitaanermi blok 1-imi aallarnerneqassaaq.
Imm. 2. Qinnuteqartoq atuakkatigut sulinikkullu ilisimasaqareersoq blokini kingusinnerusuni atuarluni aallartissinnaavoq. Taamatut Social-pædagogisk Skole Inunnik Isumaginninnermi Qullersaqarfiup oqaaseqaateqareerneratigut aalajangiisinnaavoq.
Imm. 3. Ilinniartoq isumaginninnerup tungaatigut ilinniartitaanermi blokimi ataatsimi arlalinniluunniit atuareersimasoq ilinniarnermullu tunngatillugu sulereersimasoq blokimi tulliuttumi atuarluni aallartissinnaavoq. Atuaqqilernermi blokit pereersimasat, kisianni blok V pinnagu, ukiunik marlunnik ungasinneruppata, imaluunniit ilinniagariniagaq allanngortinniarneqarpat, blokimi iserfissami ilinniagassat Social-pædagogisk Skolep naliliineratigut saniatigut ilinniagaqarfigineqarnissaat piumasarineqarsinnaavoq.
Kapitali VIII.
Ilinniarnerup inaarneqarnera.§ 31. Tunngaviusumik ilinniartitaanerup inaarneqarnerani kursusersimanermut uppernarsaat, kursusip suuneranik, qangaq ingerlanneqarsimaneranik imarisaanillu paasissutissartalik ilinniartumut tunniunneqassaaq.
§ 32. Meeqqerisut, klubbini ikiortit socialhjælperillu ilinniarnermik inaarineranni atuarnermik naammassinninnermik uppernarsaat, ilinniarnerup suuneranik, qanga pisimaneranik imarisaanillu paasissutissartalik tunniunneqassaaq. Atuarnermik naammassinnissimanermik uppernarsaammut ilanngunneqassapput ilinniarnermut tunngatillugu sulinermut oqaaseqaatit taavalu ilinniarnerup pitsaalluinnartumik, naammaginartumik atorsinnaasumilluunniit ingerlanneqarsimaneranik paasissutissat.
§ 33. Blokit ataasiakkaat, kisianni blok I pinnagu, ingerlanneqareerneranni taakkulu § 32-mi taaneqartutut inaarneqarsimanngippata uppernarsaat blokit ingerlanneqarsimanerannik, suunerannik, qanga ingerlanneqarsimanerannik imarisaannillu paasissutissartaliktunniunneqassaaq. Bloki ataaseq angusinngitsoorfigineqarsimappat ilinniartup taanna aammaaqqissallugu pisinnaatitaavoq.
§ 34. Isumaginninnerup tungaatigut perorsaasumut ilinniarneq soraarummeernermik inaarneqassaaq. Soraarummeernermi nalileeqataasussaq avataaniit aggersinneqarsimasoq ilaatinneqassaaq, taanna Kulturimut Ilinniartitsinermullu direktionimit toqqarneqartussaq.
Imm. 2. Misilitsinnerit marluk nalunaaquttap akunnerinik tallimanik sivisussusillit psykologimut/perorsaanermut tunngasut aamma isumaginninnermut tunngasut allattarissat ingerlanneqassapput. Suliassat ilinniagassamut ilinniartitsisumit suliarineqarsimasut soraarummeernermi nalileeqataasussamillu akuerineqarsimasut, ilinniartitsisumit soraarummeernermilu nalileeqataasussamit nalilerneqassapput. Suliassat inaarniarneqarneranni atuakkat ilinniutit atortussallu allat nassarneqarsinnaapput.
Imm. 3. Oqaluttarissani misilitsinnerit marluk psykologimut/perorsaanermullu tunngasut aamma ilinniagassatut qinikkanut tunngasut ingerlanneqassapput. Soraarummeerneq pisassaq pillugu oqaloqatigiinnertut ingerlanneqassaaq, taannalu soraarummeertup soraarummiilinnginnermini nalunaaquttap akunnerinik marlunnik sungiusarfigisimasussaavaa. Misilitsinnermi pisassat soraarummeernermilu nalileeqataasussap ilaanera il.il. eqqarsaatigalugit imm. 2-mi taaneqartutut ingerlanneqassapput.
Imm. 4. Oqaluttarissatigut soraarummeerneq kikkunilluunniit najuuffigineqarsinnaavoq. Soraarummeernerup aalajangiiffiginiarneqarnera isertuussaavoq, kisianni kissaatigineqarpat soraarummeertumit tusarneqarsinnaalluni.
Imm. 5. Oqaluttarissatigut allattarissatigullu soraarummeernermi aamma immikkut suliatigut naliliinermi uku atorneqassapput : pitsaalluinnarpoq, naammaginarpoq, atorsinnaavoq aamma atorsinnaanngilaq. Angusinngitsoortoqassaaq soraarummeertoq soraarummeerfinni immikkullu suliassani ataatsimik amerlanerusunik atorsinnaanngitsumik karakterilerneqarsimappat.
Imm. 6. Soraarummeertoq blok VI-imi soraarummeerutigineqartunik angusinngitsooruni, bloki taanna ataasiaqqillugu ingerlateqqissinnaavaa. Immikkut suliarineqarsimasoq akuerineqarsimappat, tassani karaktererineqartoq soraarummeernermut tullermut atortinneqarsinnaavoq.
Imm. 7. Isumaginninnerup tungaatigut perorsaasutut soraarummeernerup kingorna soraarummeersimanermut uppernarsaat tunniunneqassaaq, tassani takuneqarsinnaassapput ilinniarnerup suunera, qanga ilinniarsimaneq, inaarutaasumillu soraarummeernermi karaktererineqartut taavalu ilinniarnermut tunngatillugu sulisimanermi oqaaseqaatit.§ 35. Ilinniaqqinnerup inaarneqarnerani § 34-mi maleruagassat aamma atorneqartussaapput, tassa tassani soraarummeerutigineqartussat ilinniaqqinnermi soraarummeerutigineqartussanik taamaallaat taarserneqartussaammata.
Imm. 2. Taassuma saniatigut soraarummeersimanermik uppernarsaammut ukiumoortumik karakterit faginut ilinniartitsisumit karakteriliissutigineqassapput.
Kapitali IX.
Kursusit immikkut ittut.§ 36. Isumaginninnerup tungaatigut perorsaasutut ilinniartitaanerup saniatigut ilinniagarisimasanut tapertassatut Social-pædagogisk Skolemit aaqqissorneqartunik sivikinnerusunik kursuseqartitsisoqartarsinnaavoq. Soorlu aamma hjemmehjælperit kursusitigut ilinniartitaasarnerat Social-pædagogisk Skolemit isumagineqartussaq. Kursusi naammassineqarsimatillugu kursusersimanermik uppernarsaat tunniunneqassaaq.
Kapitali X.
Aalajangersakkat immikkut ittut.§ 37. Kulturimut Ilinniartitsinermullu direktioni ilinniagassat pillugit udvalgip siunnersuuteqarnerata kingorna maleruagassat allanngortinneqarallarnissaannik akuersissuteqarsinnaavoq.
§ 38. Peqqussut manna atulissaaq 1. januar 1980.
Jonathan Motzfeldt/
Thue Christiansen