Landstingip peqqussutaa nr. 10, 15. oktober 1979-imeersoq allannguutissatut Landstingip peqqussutaanut nr. 1 ull. 19. maj 1979-imeersumut imigassat kimittuut nioqqutaanerisa sassaalliuutigineqartarnerisalu killilersugaalernerannik.

 

§ 1.

Landstingip peqqussutaani nr. 1 ull. 19. maj 1979 imigassat kimittuut nioqqutaanerisa sassaalliutigineqartarnerisalu killilersugaalernerannik makku allannguutigitinneqarput:

1. § 1, stk. 5-imut ilanngunneqassaaq:
"Stk. 5. Kalaallit Nunaanni ilagiit pisinnaatinneqarput imigassat kimittuut (kirkevin) nerliiviliarnermi atugassat pisariaqartitatik pisiarisinnaanngorlugit. Taamatuttaaq isuginninnermi tunngasunut landsstyrip pisortaatitaa pisinnaatitaavoq upperisarsiortut allat tamakkuninnga qinnuteqarnerat malillugu akuerisassallugit".

2. § 9 imatut oqaaseqassaaq:
"§  9. Peqqussut atunngilaq nunap ilaani kommuunit killeqarfilersugaanerisa avataaniittunut, aammalu Qaanaap Illoqqortoormiullu kommuniinut. Landsstyrimut ilaasortaq inunnik isumaginninnermut tunngasunut pisortaasoq pisinnaavoq kommunalbestyrelsit Qaanaami Illoqqortoormiunilu inassuteqaraangata aalajangersarsinnaallugit maleruagassat immikkut ittut imigassanut kimittuunut tunngasut pisiassat killilersornissaannut nunap ilaani taakkunani, pisiassat amerlassusissaasa kommuuninut taakkununnga aalajangikkat qaangersimanngippatigik, nunap ilaani allami atortuusut."

 

§ 2.

Peqqussut atortuulerpoq 1. november 1979.

Taamaalilluni akuerineqarpoq Kalaallit Nunaata landstingianit ull. 15. oktober 1979.

Nuuk, ulloq 18. oktober 1979

Jonathan Motzfeldt

/

Moses Olsen