Landstingip peqqussutaa nr. 9 ull. 15. oktober 1979 inuit annertuumik timimikkut imaluunniit tarnimikkut ajogutillit pillugit.
§ 1. Kalaallit-nunaata Hjemmestyriata suliarissavaa isumaginninneq inunnut, annertuumik timimikkut aamma tarnimikkut ajoquteqarnertik pissutigalugu immikkut paarineqarnissamik kaammattuuteqarfigineqarnissamillu pisariaqartitsisunik.
§ 2. Isumaginninneq allaffittigut ingerlanneqassaaq Socialdirektoratimit malillugit maleruagassat, aalajangersarneqartut landsstyrimut ilaasortamit inunnik isumaginninnermut qullersaasumit.
§ 3. Kaammattuuteqrnernik pilersitsinissanik, allannguutissanik imaluunniit atorunnaarsitsinissanik qinnutit saqqummiunneqarsinnaapput Socialdirektoratimut isumagineqartumit namminermit imaluunniit inunnit, akisussaasunit, imaluunniit piviusumik pineqartumut isumagineqartimut sulissussisuusunit.
Stk. 2. Qinnutigisat taamaattut taamatuttaaq saqqummiunneqarsinnaapput Socialdirektoratimut kalaallit kommuuniinit imaluunniit allanit pisortaqarfinnit suliffeqarfinnillu.§ 4. Kommuunit isumagisassaraat pisariaqartumik ikiorsiinissaq Socialdirektoratimut tunngatillugu misissuinernut, kaammattutissat suut, atortariaqarnersut inunnut, peqqussummit uvannga pineqartunut. Kommuunit sociale udvalgii pisussaatitaapput ingerlaannartumik nakkutilliinissamut isumagalugu allannguuteqartitsisinnaaneq imalunniit tapersissutit unittissinnaanerat.
Stk. 2. Maleruagassat erseqqinnerusut kommuunit sociale udvalgiisa ikiorsiisarnissaannut Socialdirektoratimut una peqqussut malillugu aalajangersarneqassapput landsstyrimut ilaasortamit inunnik isumaginninnermut qullersaasumit.§ 5. Socialdirektoratip isumagisassaraa paasissutissillunilu ilitsersuinissaq ikiorsiinissamut periarfissanik peqqussut una malillugu, taamaattorli paasissutissineq ilitsersuinerlu najukkami nalinginnaasumik isumagineqassalluni sociale udvalgimit najoqqutassat malillugit, aalajangersarneqartut landsstyrimut ilaasortamit inunnik isumaginninnermut qullersaasumit.
§ 6. Socialdirektoratip aalajangiinera, inuk peqqussut una malillugu taassumunnga atassan ersoq aamma ikiorsiissutit suut atulersitaassanersut, suliareqqitassanngortinneqarsiimaavoq sap.ak. 4 piffissaasut iluanni aalajangikkap tiguneranit isumaginninnermut Ankenævnimut. Nævnip aalajangigaai tunngasut iliuuseqarfiginninnernut akisussaasoq akuersiteqqaarsimanagu piffissami sap.ak. 8 iluani aalajangikkap tiguneranit suliareqqitassanngortinneqarsinnaavoq Kalaallit-nunaanni Landsret-imut.
Stk. 2. Naammagittaalliuut tunniunneqarsinnaavoq pineqartumit namminermit imaluunniit inummit, pineqartoq sinnisaaugu suleriartumit, taamatuttaarlu sociale udvalgimit imaluunniit pisortaqarfinnit allanit.§ 7. Ikiorsiinermut iliuusissat pissariaqartut pillugit akuersissut pineqarsinnaasimanngippat, periaaseqartoqassaaq sukkulluunniit maleruagassat atortut malillugit imaqartut iliuusissanik akuersititseqqaarani meeqqanut taamatullu inuusuttunut inersimasunullu.
§ 8. Ikiorsiissutinut aningaasartuutit una peqqussut malillugu akilerneqassapput Kalaallit-nunanni namminersornerullutik oqartussaasunit.
§ 9. Peqqussut una atortuulerpoq 1. januar 1980.
Taamatut isumaqatigiissutigineqarpoq Kalaallit-nunaanni namminersornerullutik oqartussaasunit, ulloq 15. oktober 1979.
Nuuk, ulloq 18. oktober 1979
Jonathan Motzfeldt/
Moses Olsen