Kalaallit Nunaanni isumaginninnermut tunngasut siulersorneqarnerat aaqgissuunneqarnerallu pillugit landstingip peqqussutaa nr. 8, 10. oktober 1979-imeersoq.
Suliassaqartitsiniarnermut isumaginninnermullu tunngasut pillugit Kalaallit-nunaanni inatsit nr.580 29. november 1978-imeersoq naapertorlugu isumaginninnermut tunngasut siulersorneqarnerat aaqqissuunneqarnerallu pillugit maleruagassiat makkua Kalaallit Nunaata Landstingiata aalajangersarpai.
Kapitali 1.
Qitiusumik siulersuiffik.§ 1. Taamaallaat Kalaallit Nunaata Landstingiata tungaanut akisussaassuseqarluni, taamaattorli takukkit § 5 aamma § 6, isumaginninnermut naalakkersuisut akisussaasuata Kalaallit Nunaanni inunnik isumaginninneq siulersorlugulu aaqqissuutassaraa, aammalu kommunet isumaginninnermut tunngasumik peqqussutinik atortitsinerat nakkutigissallugu.
§ 2. Kalaallit Nunaata Landstingiata ilaasortami akornanni ilaasortaliilluni pilersissavaa udvalgiatajuartoq tallimanik ilaasortalik, naalakkersuisut isumaginninnermut akisussaasuutitaanik ilaasortaqarsinnaanngitsoq. Udvalgip nammineerluni siulittaasussani siulittaasumilu tullissaa toqqassavai sulinerminilu periaasissani nammineerluni aalajangissallugit.
Stk. 2. Apeqqutit suulluunniit suliarinerini udvalgi suliassat oqallisigineqartut pillugit immikkut paasisimasaqarluarsorisaminik naammaasertarsinnaavoq, tamanna iluaqutaasinnaasutut isigineqaraangat. Immikkut ataatsimeeqataasut taimaattut udvalgimi taaseqataasinnaanngillat.§ 3. Udvalgi pisussaavoq Kalaallit Nunaanni isumaginninnermut tunngasut ineriartortitaanerat (allanngornerat) malinnaaffigissallugu, aamma sulissuttariallit Kalaallit Nunaata avataaniittut tungaasigut. Udvalgi pisortat oqartussaatitaannit paasissutissanik suusunilluunniit isumaginninnermut tunngasut nalilerniarneranni annertuumik pingaarutilittut isumaqarfigineqartunik pissarsinlarsinnaavoq.
Stk. 2. Isumaginninnermut tunngasut inatsisartunit isummerfigineqartariaqartut tamaasa pillugit udvalgi landstingimut oqaaseqartartussaavoq. Suliassat landstingimi pingasoriarluni suliarineqartariaqartut pillugit udvalgimi ilaasortap kialuunniit piumasarisinnaavaa suliarinninnerit tamarmik akornanni udvalgi oqaaseqartitaanissaminut periarfissaqartitaassasoq.§ 4. Isumaginninnermi tunngasut pillugit landstingip atajuartumik udvalgianut siulittaasup pisariaqartitsinermisut akulikitsigisumik udvalgi ataatsimiigiaqqussavaa. Aammattaaq ataatsimiittoqartassaaq ilaasortat ikinnerpaamik marluk tamanna piumasarigaangassuk.
Stk. 2. Udvalgip ataatsimiinneri tamaasa pillugit allassimaffiliortoqartassaaq ataatsimiinermi tulliusumi akuersaagassatut saqqummiunneqartussamik. Udvalgip ataatsimiinnerata landstingimilu suliarinninnerup akornanni nutaasumik ataatsimiineqanngikkaangat taamaattoq allassimaffiit udvalgimi ilaasortanit ataasiakkaanit tamanit akuersaarneqartussanngorlugit landstingimi suliarinnittoqannginnerani saqqummiunneqartassapput.
Stk. 3. Suliassaq immikkut ittumik pissutissaqarpat siulittaasup aalajangiinera malillugu allakkatigut suliarineqarsinnaavoq.
Stk. 4. Isumaginninnermut Qullersaqarfik udvalgimut allatsissaqartitsisussaavoq.
Kapitali 2.
Kommunini pisortatigut ingerlatsineq.§ 5. Kommunip isumaginninnermi sulineranut tunngasut landstingip peqqussutaatigut (landsrådip ileqqoreqqusaatigut) pisortanut allanut isumagisassanngortitaanngitsut tamaasa pillugit kommunalbestyrelse aalajangiisassaaq.
§ 6. Kalaallit Nunaanni kommunalbestyrelsit bygderådillu il.il. pillugit landstingip inatsisaani nr. 2-mi 14. maj 1979-imeersumi §19, stk. 2 naapertorlugu kommunalbestyrelsi atajuartumik udvalgiliussaaq ulluinnarni kommunep isumaginninnermi suliassaataanik ingerlatsisussamik. Nunaqarfinni bygderådiliorfiusimasuni nunaqarfiup inunnik isumaginninnermi suliassaatai kommunalbestyrelsip piginnaatitsineratigut bygderådimit pineqartumit ingerlanneqarsinnaapput, tak. inatsimmi taineqartumi § 42, stk. 1.
Stk. 2. Udvalgit stk. 1-ime taaneqartut suliassat suulluunniit suliarinerini tamanna iluaqutaasinnaasutut isigineqaraangat immikkut paasisimasaqarluartunik naammaasertarsinnaapput, taakkuli taaseqataasinnaanngillat.
Stk. 3. Nunap ilaanut kommunet aggornerisa avataanniittunut tunngatillugu inunnik isumaginninnermi qullersaqarfiup suliassat isumaginninnermut udvalgip isumagisassaralui isumagissavai.
Kapitali 3.
Naammagittaalliuuteqartarneq.§ 7. Isumaginninnermi udvalgip bygderådilluunniit aalajangiineri, tak. §6, piffissaatitap sapaatip akunnerinik sisamanik sivisussuseqartup qaangiutinnginnerani kommunalbestyrelsemut susassaqartumut suliareqqitassanngortinneqarsinnaapput. Kommunalbestyrelsip aalajangiineri - tassa aanuna piffissaatitap sapaatip akunnerinik sisamanik sivisussuseqartup qaangiutinnginnerani - suliassat isumaginninnermut tunngasut pillugit naammagittaalliuuteqartarfimmut (ankenævn) ingerlateqqinneqarsinnaapput, tak. § 8. Taamaaliornissamut immikkut pissutissaqarpat naammagittaalliuuteqartarfiup kommunalbestyrelsi inassuteqarfigisinnaavaa piffissaatitaq taanna uniffigeqqunagu. Kaammagittaalliuuteqartarfiup aamma nammineq pifiissaatitaq maleruagassiaq taanna uniffiginngiinnartarsinnaavaa.
Stk. 2. Suliassat meeqqat inuusuttullu 18 inorlugit ukiullit angajoqqaatut oqartussaassusilik akuersisimatinnagu angerlarsimaffiup avataaniittussanngortitaasinnaanerannut aamma inuup akuersinertaqanngitsumik landstingip peqqussutaa nr. 9, 15. oktober 1979-imeersoq inuit timikkut tarnimikkullu annertuumik innarluutillit isumagineqarnerannut tunngasoq malillugi qanoq iliuuseqarfigineqarsimaneraíiik apeqqutiput tunngasut aamma Kalaallit Nunaata landsret-ianut suliassanngortinneqarsinnaapput.§ 8. Isumaginninnermut tunngasunik naammagittaalliuuteqartarfik tallimanik ilaasortaqarpoq. Pingasut Kalaallit Nunaata Landstingianit toqqarneqartut, taakkua ilaat marluk tamatuma saniatigut inatsissartunut ilaasortaassapput. Taamaattoq inunnik isumaginninnermut tunngasutigut naalakkersuisut aki sussaasut udvalgillu § 2 tunngavigalugu pilersinneqartup ilaasortai maalaaruteqartarfimmut ilaasortaasinnaanngillat, ilaasortallu marluk kalaallit kommuniisa nuna tamakkerlugu kattuffiannit toqqarneqassapput. Ilaasortat tamarmik sinniisussaannik toqqaasoqassaaq. Naammagittaalliuuteqartarfiup ilaasortai piffissamut landstingip qinigaaffianut toqqarneqassapput.
Stk. 2. Suliassat isumaginninnermut tunngasut pillugit naammagittaalliuuteqartarfik allaganngukkanik aalajangiinermullu tunngavigineqarsimasunik ersersitsisumik aalajangiisassaaq.
Stk. 3. Naammagittaalliuuteqartarfimmi ilaasortat nammineerlutik siulittaasussaminnik siulittaasullu tullissaanik qinersissapput nammineerlutillu sulinerminni periaasissaminnik aalajangiissallutik.
Stk. 4. Naanmagittaalliuuteqartarfik siulittaasup aalajangiinerisut akulikitsigisumik ataatsimiittassaaq.
Stk. 5. Taamaaliornissamut immikkut ittumik pissutissaqarpat siulittaasup aalajangersinnaavaa ataatsimiittoqanngikkaluartoq naammagittaalliuut pillugu aalajangiisoqassasoq, aatsaalli taamaaliortoqartassaaq naammagittaalliuteqartarfimmut ilaasortat tamarmik tunngavigisatik ilanngullugit taallugit allakkatigut isummaminnik ersersitsippata.
Stk. 6. Rigsombudi naammagittaalliuuteqartarfimmut allattaavoq.
Kapitali 4.
Aningaasersuineq.§ 9. Isumaginninnermi qanoq iliuusissanut tapiissutit pillugit maleruagassiat erseqqinnerusut Kalaallit Nunaata Landstingiata aalajangigassarai Kalaallit Nunaanni kommunit nuna tamakkerlugu kattuffiat isumaqatiginiareerlugu.
Stk. 2. Isumaginninnermi naammagittaalliuuteqarfik §8 tunngavigalugu pilersinneqartoq pillugu akissaajaatit landstingip akiligassarai.
Kapitali 5.
Aalajangersakkat atulersitsissutaasut ikaarsaarutaasullu.§ 10. Peqqussut manna atulerpoq 1. januar 1980.
Stk. 2. Tamatuma peqatigisaanik atorunnaarpoq Kalaallit Nunaanni sulinermut inunnillu isumaginninnermut qullersaqarfik pillugu landsrådip ileqqoreqqusaa 19. oktober 1973-imeersoq, taavalu pisortatigoortumik ikiorneqartarneq pillugu landsrådip ileqqoreqqusaani 19. februar 1975-imeersumi §7.
Stk. 3. Landsrådip ileqqoreqqusaa matuma kingornatigut atuuttoq sunaluunniit malillugu sulinermut inunnillu isumaginninnermut qullersaqarfimmut naammagittaalliuuteqarsinnaaffiisigut tamatigut naammagittaalliummik aalajangiisinnaatitaaneq isumaginninnermi naammagittaalliuuteqartarfimmut §8-mi taaneqartumut tunniunneqarpoq.
Stk. 4. Inuussutissarsiorsinnaajunnaarnermi pisartagaqalersitsisinnaaneq landsrådip ileqqoreqqusaani 19. februar 1975-imeersumi § 6 malillugu Inunnik Isumaginninnermi Qullersaqarfimmut pisinnaatitsissutaasoq isumaginninnermut qullersaqarfimmut nuunneqarpoq isumaginninnermut tunngasut pillugit assuarlerfissatut ataatsimiititaq assuarlerfissaralugu.
Stk. 5. Inunnik Isumaginninnermut landsstyremi ilaasortaq pisinnaatitaáffinnik tamanik landsrådip ileqqoreqqussaa atortuusoq malillugu Inunnik Isumaginninnermi Qullersaatitanut tunniunneqarsimasunik aammalu stk. 3 aamma stk. 4 malillugit suliffeqarfinnut allanut isumagisassanngortitaasimanngitsunik tigummisaqarpoq.
Taamaalillugu Kalaallit Nunaata landstingianit akuersissutigineqarpoq, ulloq 10. oktober 1979.
Nuuk, ulloq 18. oktober 1979
Jonathan Motzfeldt/
Moses Olsen