Kalaallit Nunaanni sunngiffimmi sammisassaaartitsineq pillugu landstingip peqqussutaa nr. 7, 16. oktober 1979.
Kapitali I.
Qanoq paasineqarnissaa.§ 1. Sunngiffimmi sammisassaqartitsinermut ilaatinneqarput
Kapitali II.
Inersimasunut sunngiffimmi ilinniartitsineq.§ 2. Sunngiffimmi ilinniartitsinermut ilaatinneqarput
§ 3. Sunngiffimmi ilinniartitsineq tamanut tunngasoq
§ 4. Sunngiffimmi ilinniartitsinerup tamanut tunngasup akuerineqarnissaa
§ 5. Inersimasunut højskole
§ 6. Inersimasunut højskolep akuerineqarnissaa
§ 7. Studiekredsit
§ 8. Studiekredsit akuerineqarnissaat
§ 9. Oqalugiartarnerit
§ 10. Oqalugiartarnerit akuerineqarnissaat
§ 11. Ilinniartitsissutini ataasiakkaani kursusit
§ 12. Immikkut iluarsartuussamik ilinniartitsineq
§ 13. Immikkut iluarsartuussamik ilinniartitsinerup akuerineqarnissaa
§ 14. Immikkut iluarsartuussamik ilinniartitsineq atuarfinni nerisaqarfiusunisut ingajattumik pissusilerlugu
§ 15. Inuutissarsiutinut tunngasutigut kursusit
§ 16. Inuutissarsiutinut tunngasutigut kursusit akuerineqarnissaat
§ 17. Ullukkut unnukkullu ilinniartitsineq
§ 18. Init inersimasunik ilinniartitsinermut atugassatKapitali III.
Soqutigisaqaqatigiit.§ 19. Soqutigisaqaqatigiit ima paasineqassapput
§ 20. Soqutigisaqaqatigiinni peqataasut amerlassusissaat
§ 21. Init soqutigisaqaqatigiinnut atugassatKapitali IV.
Fritidsklubbit.§ 22. Fritidsklub ima paasineqassaaq
§ 23. Fritidsklubbip akuerineqarnissaa
§ 24. Fritidsklubbit kommunep ingerlatarinngisai
§ 25. Qinersinermi malittarisassat aamma pikkorissuseqarnissamut piumasarisat
§ 26. Init
§ 27. Klubbimut assingusumik sammisassaqartitsineqKapitali V.
Meeqqat inuusuttullu peqatigiiffiinut ikiorsiissutit.§ 28. Meeqqat inuusuttullu peqatigiiffiinnut tapiissutit
§ 29. Init aammalu silami sanaartukkatKapitali VI.
Højskolemiinnermut ikiorsiissutit.§ 30. Højskolemiinneq.
Kapitali VII.
Sunngiffimmi siunnersortit aamma siulersuisut suleqataasullu ilinniartitaanissaat.§ 31. Siunnersortit
§ 32. Siulersuisut suleqataasullu ilinniartitaanissaatKapitali VIII.
Allaffigeqattaalluni atuarfittut sulineq aamma umiartortunut sunngiffimmi ilinniartitsineq.§ 33. Allaffigeqattaalluni kursusernerit
Kapitali IX.
Ininik pilersitsinermut tapiissutit.§ 34. Meeqqat inuusuttullu peqatigiiffiinut init
§ 35. TimersortarfiitKapitali X.
Aningaasalersuineq.§ 36. Aningaasartuutit agguataarneqarnissaat.
Kapitali XI.
Aalajangersakkat immikkut ittut aamma atortuulersitsinermik aalajangersakkat§ 37. Akissaatit
§ 38. Misiliineq
§ 39. Immikkut akuersissut
§ 40. Atulersitsinermik Nalunaarut
Kapitali I.
Qanoq paasineqarnissaa.§ 1. Sunngiffimmi sammisassaqartitsinermut ilaatinneq qarput.
Kalaallit Nunaanni sunngifimmi sammisassaqartitsinermut unnersuussutigineqartumut imaluunniit landstingip peqqussutaa manna naapertorlugu ikiorsiissuteqarfigineqarsinnaasumut ilaatinneqarput: inersimasunut sunngiffimmi ilinniartitsineq (kap. II), soqutigisaqaqatigiit (kap. III), aamma fritidsklubbet (kap. IV).
Imm. 2. Kiisalu tapiissuteqartoqarsinnaavoq meeqqat inuusuttullu peqatigiiffiinut (kap. V), højskolemiinnermut (kap. VI), sunngiffimmi siunnersortinut aammalu siulersuisut suleqataasullu ilinniartitaanissaannut (kap. VII), allaffigeqattaalluni atuarfittut sulinermut aammalu umiartortunut sunngiffimmi ilinniartitsinermut (kap. VIII), ininik pilersitsinermut (kap. IX).
Kapitali II.
Inersimasunut sunngiffimmi linniartitsineq.§ 2. Sunngiffimmi ilinniartitsinermut ilaatinneqarput.
Inersimasunut sunngiffimmi ilinniartitsineq ima paasineqassaaq inersimasunut 19 qaangerlugit ukiulinnut ilinniartitsineq. Eqqartugassani killiliinissat pillugit kulturikkut ilinniartitsinermilu direktioni malittarisassanik aalajangiisinnaavoq.
Imm. 2. Inersimasunut sunngiffimmi ilinniartitsineq iluarsartuunneqarsinnaavoq sunngiffimmi ilinniartitsinertut tamanut tunngasutut, inersimasunut højskoletut, studiekredsitut, oqalugiartarnertut, ilinniartitsissutinik ataasiakkaanik kursuseqarnertut, immikkut iluarsartuussamik ilinniartitsinertut aamma inuutissarsiutinut tunngasutigut kursuseqarnertut.
Imm. 3. Kiisalia tiimit ataasiakkaat atorneqarsinnaapput ataatsimoorluni peqataaffigisassatut iluarsartuussinernut, peqataasunut tamanut inersimasunut sunngiffimmi ilinniartitsinermi ilaasartunut piviusumik ilinniartitsinerunngikkaluartunut. Kulturikkut ilinniartitsinermilu direktionip malittarisassat erseqqinnerusut aalajangissavai iluarsartuussinerit taama ittut imarisassaat annertussusissaallu pillugit.§ 3. Sunngiffimmi ilinniartitsineq tamanut tunngasoq.
Sunngiffimmi ilinniartitsineq tamanut tunngasoq peqqussummi maani ima paasineqassaaq, eqqartugassanik inersimasut sunngiffimminni ilinniartinneqarnissaminnik kissaatigisaannik ilinniartitsineq.
Imm. 2. Sunngiffimmi ilinniartitsinerup tamanut tunngasup akuerineqarnissaa nalunaarutigineqassaaq makku pissutissaralugit:
1) Ilinniartitsineq inersimasunut iluarsartuunneqarsimassaaq aammalu 19 qaangerlugit ukiulinnut tamanut ammassalluni.
2) Siulersuisoq pisariaqartunik pikkorissuseqassaaq.
3) Ilinniartitsisoq eqqartugassami ilinniartitsinissamut pisariaqartunik tunngavissaqariissaaq.
4) Ilinniartitsineq iluarsartuunneqarsimassaaq pilersaarut piviusumik ilinniartitsinissamut isumannaallisaasoq malillugu.
5) Ilinniartitsineq eqqartugassamik tamanoortumik ersersitsissaaq.
6) Ilinniartitsineq ingerlanneqassaaq inini piukkunnartuni pisariaqartunik pisatsersukkani.
7) Ilinniartitsineq peqataasunut akeqassanngilaq. Atuakkat ilinniutillu taamaangajattut peqataasunut akeqanngitsumik atugassanngortinneqassapput. Atortussat suliarinninnissamut naatsorsuussat ilaanniinnakkut peqataasunut akeqanngitsumik atugassanngortinneqarsinnaapput malittarisassat kulturikkut ilinniartitsinermilu direktionip aalajangigai malillugit. Atortussat peqataasut suliarisaat peqataasut pigisarissavaat. Periaatsit atuarfittut nerisaqarfiusutut ingajattut atorlugit ilinniartitsinermut atatillugit najugaqarneq inuussutissatigullu isumagineqarneq akeqassannillat.§ 4. Sunngiffimmi ilinniartitsinerup tamanut tunngasup akuerineqarnissaa.
§ 3 naapertorlugu ilinniartitsinissamut ikinnerpaamik peqataasussat 8 nalunaarsimappata holdit taakku pilersinneqassapput.
Imm. 2. Piffissamiilinniartitsiviusumipeqataasut agguaqatigiissillugu amerlassusissaat minnerpaamik tassaassaaq 5. Pissutsit immikkut ittut atuutsillugit tassannga allaassuteqartitsineqarsinnaavoq, takuuk § 39.§ 5. Inersimasunut højskole.
Inersimasunut højskole peqqussummi maani ima paasineqassaaq ilinniartitsineq eqqartugassat inunnut ajunngitsuliornermut tunngasut, inuiaqatigiinnut tunngasut imaluunniit pinngortitamik ilisimatusarnermut tunngasut iluanni ilinniartitsinissamik tamanut tunngasumik annertunerusumik unnersuussuteqartoq.
Imm. 2. Inersimasunut højskolep akuerineqarnissaa nalunaarutigineqassaaq makku pissutissaralugit:
1) Ilinniartitsineq inersimasunut iluarsartuunneqarsimassaaq aammalu 19 qaangerlugit ukiulinnut tamanut ammassalluni.
2) Siulersuisoq pisariaqartunik pikkorissuseqassaaq.
3) Ilinniartitsisup immikkut ittumik ilinniagaqarsimaneq imaluunniit sulisimaneq aqqutigalugit eqqartugassami pineqartumi ilinniartitsinissamut tunngavissarisat pisariaqartut pissarsiarisimassavai.
4) Ilinniartitsineq iluarsartuunneqarsimassaaq pilersaarut piviusumik ilinniartitsinissamut isumannaallisaasoq malillugu.
5) Ilinniartitsisoq eqqartugassamik tamanoortumik ersersitsissaaq.
6) Ilinniartitsineq ingerlanneqassaaq inini piukkunnartuni pisariaqartunik pisatsersukkani.
7) Ilinniartitsineq peqataasunut akeqassanngilaq. Atuakkat ilinniutillu taamaangajattut peqataasunut akeqanngitsumik atugassanngortinneqassapput. Periaat atuarfittut nerisaqarfiusutut ingajattut atorlugit ilinniartitsinermut atatillugit najugaqarneq inuussutissatigullu isumagineqarneq akeqassanngillat.
Imm. 3. Inersimasunut højskolemi ilinniartitsineq ingerlanneqarsinnaavoq inersimasunut sunngiffimmi ilinniartitsinermut allamut, peqqussummut matumunnga ilaatinneqartumut, tapertassatut, malittarisassat kulturikkut ilinniartitsinermilu direktionimit aalajangerneqarsimasut malillugit.§ 6. Inersimasunut højskolep akuerineqarnissaa.
§ 5 naapertorlugu ikinnerpaamik peqataasussat 8 nalunaarsimappata, inersimasunuthøsjkole pineqartoq pilersinneqassaaq.
Imm. 2. Piffissami ilinniartitsiviusumi peqataasut agguaqatigiissillugu amerlassusissaat minnerpaamik tassaassaaq 5. Pissutsit immikkut ittut atuuttillugit tassannga allaassuteqartitsineqarsinnaavoq, takuuk § 39.§ 7. Studiekredsit.
Studiekreds peqqussummi maani ima paasineqassaaq inuit ataatsimoortut, peqataasut namminneerlutik sulinerat aqqutigalugu eqqartugassamik inunnut ajunngitsuliornermut tunngasumik, inuiaqatigiinnut tunngasumik imaluunniit pinngortitamik ilisimatusarnermut tunngasumik erseqqissaatigiissut.
Imm. 2. Studiekredsip akuerineqarinssaa nalunaarutigineqassaaq makku pissutissaralugit:
1) Studiekredsi inersimasunut iluarsartuunneqarsimasssaaq aammalu 19 qaangerlugit ukiulinnut tamanut ammassalluni.
2) Siulersuisoq pisariaqartunik pikkorissuseqassaaq.
3) Studiekredsimi siulersuisup ilinniagaqarsimaneq sulisimanerluunniit aqqutigalugit tunngavissarisat pisariaqartut pissarsiarisimassavai studiekredsertunik siulersuisutut sulinissaminut.
4) Studiekredsi iluarsartuunneqarsimassaaq ilinniagaqarnissamut atortussat piukkunnartut tunngavigalugit.
5) Eqqartugassaq tamanoortumik erseqqissisinneqassaaq.
6) Studiekredsi ingerlanneqassaaq inini piukkunnartuni pisariaqartunik pisatsersukkani.
7) Studiekredsimi peqataaneq akeqassanngilaq. Atuakkat ilinniutillu taamaangajattut peqataasunut akeqanngitsumik atugassanngortinneqassapput.§ 8. Studiekredsit akuerineqarnissaat.
§ 7 naapertorlugu ilinniartitsinissamut peqataasussat ikinnerpaamik 8 nalunaarsimappata, studiekredseqarnissaq pineqartoq pilersinneqassaaq.
Imm. 2. Piffissami ilinniartitsiviusumi peqataasut agguaqatigiissillugu amerlassusissaat minnerpaamik tassaassaaq 5. Pissutsit immikkut ittut atuutsillugit tassannga allaassuteqartitsineqarsinnaavoq, takuuk § 39.§ 9. Oqalugiartarnerit.
Oqalugiartarnerit peqqussummi maani imatut paasineqassapput oqalugiartarnerit arlallit, inunnut ajunngitsuliornermut tunngasunik, inuiaqatigiinnut tunngasunik aammalu pinngortitamik ilisimatusarnermut tunngasunik eqqartugassanik paasisitsiniutaasut.
Imm. 2. Oqalugiartarnerit akuerineqarnissaat nalunaarutigineqassaaq makku pissutissaralugit:
1) Oqalugiartarnerit inersimasunut iluarsartuunneqarsimassapput aammalu 19 qaangeriugit ukiulinnut tamanut ammassallutik.
2) Siulersuisoq pisariaqartunik pikkorissuseqassaaq.
3) Oqalugiartoq pisariaqartunik pikkorissuseqassaaq.
4) Oqalugiartarnerit eqqartugassanut atantsimoortuinnarnut tunngatittariaqarput.
5) Oqalugiartarnerit iluarsartuunneqarsimassapput pilersaarut ikinnerpaamik oqalugiarnernik 4-nik nassataqartussaq malillugu.
6) Oqalugiartarnerni eqqartugassaq tamanoortumik erseqqissisinneqassaaq.
7) Oqalugiartarnerit ingerlanneqassapput inini piukkunnartunik pisariaqartunik pisatsersukkani.
8) Oqalugiartarnerni peqataaneq akeqassanngilaq.§ 10. Oqalugiartarnerit akuerineqarnissaat.
§ 9 naapertorlugu ilinniartitsinissamut peqataasussat ikinnerpaamik 15-it nalunaarsimappata, oqalugiartarnissat pineqartut pilersinneqassapput.
Imm. 2. Piffissami ilinniartitsiviusumi peqataasut agguaqatigiissillugu amerlassusissaat minnerpaamik tassaassaaq 10. Pissutsit immikkut ittut atuutsillugit tassannga allaassuteqartitsineqarsinnaavoq, takuuk § 39.§ 11. Ilinniartitsissutini ataasiakkaani kursusit.
Inersimasunut ilinniartitsissutini ataasiakkaani kursusi peqqussummi maani imatut paasineqassaaq ilinniartitsineq, ukioq ataaseq imaluunniit ukiut 2 ingerlatassatut iluarsartuunneqarsimasoq, siunertaralugit meeqqat atuarfianni naggasiutaasumik misilitsinissaq, meeqqat atuarfianni naggasintaarumik annertusisamik misilitsinnissaq imaluunniit annerusumik ilinniagaqarniissamut piareersaataasumik soraaru mmernissami ilinniartitsissutit ataasiakkaat.
Imm. 2. Ilinniartitsinissaq imm. 1-imi taaneqartoq pillugu malittarisassat erseqqinnerusut aalajangerneqassapput kulturikkut ilinniartitsinermilu direktionimit.§ 12. Immikkut iluarsartuussamik ilinniartitsineq.
Inersimasunut immikkut iluarsartuussamik ilinniartitsineq peqqussummi maani ima paasineqassaaq, ilinniartitsineq immikkut ittunik iluarsartuussaq innarluutilinnut unnersuussutigineqartoq.
Imm. 2. Immikkut iluarsartuussamik ilinniartitsinerup akuerineqarnissaa nalunaarutigineqassaaq makku pissutissaralugit:
1) Ilinniartitsineq inersimasunut iluarsartuunneqarsimassaaq aammalu 19 qaangerlugit ukiulinnut tamanut ammassalluni.
2) Siulersuisoq pisariaqartunik pikkorissuseqassaaq.
3) Ilinniartitsisup immikkut ittumik ilinniagaqarsimaneq aqqutigalugu allatulluunniit iliorluni tunngavissat pisariaqartut pissarsiarisimassavai immikkut iluarsartuussamik ilinniartitsinissamut periaasissaq pineqartoq ingerlassinnaajumallugu.
4) Ilinniartitsineq iluarsartuunneqarsimassaaq pilersaarut piviusumik ilinniartitsinissaumt isumannaallisaasoq malillugu.
5) Ilinniartitsineq ingerlanneqassaaq inini piukkunnartuni pisariaqartunik pisatsersukkani.
6) Ilinniartitsineq peqataasunut akeqassanngilaq. Atuakkat ilinniutillu taamaangajattut peqataasunut akeqanngitsumik atugassanngortinneqassapput. Atortussat suliarinninnissamut naatsorsuussat peqataasunut ilaanniinnakkut akeqanngitsumik atugassanngortinneqassapput malittarisassat kulturikkut ilinniartitsinermilu direktionip aaljangigai malillugit. Atortussat peqataasut suliarisaat peqataasut pigisarissavaat. Periaatsit atuarfittut nerisaqarfiusutut ingajattut atorlugit ilinniartitsinermut atatillugit angalaneq, najugaqarneq inuutissatigallu isumagineqarneq akeqassanngillat.
Imm. 3. Kulturikkut ilinniartitsinermilu direktionip malittarisassat erseqqinnerusut aalajangersinnaavai peqqussut manna naapertorlugu immikkut iluarsartuussamik ilinniartitsinermut suut ilaatinneqassanersut.§ 13. Immikkut iluarsartmissamik ilinniartitsinerup akuerineqarnissaa.
§ 12 naapertorlugu ilinniartitsinissamut ikinnerpaamik ilinniartut 2 nalunaarsimappata holdi taanna pilersinneqassaaq. Pissutsit immikkut ittut atuutsillugit inummut ataasiinnarmut ilinniartitsinissaq akuerineqarsinnaavoq, takuuk § 39.§ 14. Immikkut iluarsartuussamik ilinniartitsineq atuarfinni nerisaqarfiusunisut ingajattumik pissusilerlugu.
Pissutsit ilinniartitsisussaqarniarnermut imaluunniitininut tunngasut pissutigalugit immikkut iluarsartuussamik ilinniartitsineq najukkami pilersinneqarsinnaanngippat, kulturikkut ilinniartitsinermilu direktionip immikkut iluarsartuussamik ilinniartitsinermi peqataanissamut periarfissaq allami pissarsiarisinnaavaa.
Imm. 2. Kulturikkut ilinniartitsinermilu direktionip aningaasartuutit tamaasa akilissavai angalanermut, najugaqariiermut inuussutissanillu isumagineqarnermut tunngasut ilinniartup najukkami pineqartumi najugaqarneranut atasut.§ 15. Inuutissarsiutinui tunngasutigut kursusit.
Inuutissarsiutinut tunngasutigut kursusi peqqussummi maani imatut paasineqassaaq kursusi, suliassaqarfik aalajangersimasoq siunertaralugu peqataasunik sunngiffimmi ilinniartitsinerusoq. Ilaatitaanngillat inuutissarsiutinik ilinniagaqarnerit inatsisiliornermut allamut atasut.
Imm. 2. Inuutissarsiutinat tunngasutigut kursusip akuerineqarnissaa nalunaarutigineqassaaq makku pissutissaralugit:
1) Ilinniartitsineq inersimasunut iluarsartuunneqarsimassaaq aammalu 19 qaangerlugit ukiulinnut tamanut ammassalluni.
2) Siulersuisoq piariaqartunik pikkorissuseqassaaq.
3) Ilinniartitsisoq kursusimi ilinniartitsinissamut pisariaqartunik tunagavissaqariissaaq.
4) Ilinniartitsineq iluarsartuunneqarsimassaaq kursuseqarnissamik pilersaarut malillugu kulturikkut ilinniartitsinermilu direktionimit akuerineqarsimasoq, peqatigiiffiit sulisartoqarnermi suiiassaqarfimmut pineqariumut tunngassuteqartuusut isumaqatigiissuteqarfigereerlugit.
5) Ilinniartitsiiieq ingerlanneqassaaq inini piukkunnartuni pisariaqartunik pisatsersukkani.
6) Ilinniartitsineq peqataasunut akeqassanngilaq. Atuakkat ilinniutillu taamaangajattut kursuseqartunut akeqanngitsumik atugassanngortinneqassapput. Periaat sit atuarfittut nerisaqarfiusutut ingajattut atorlugit ilinniartitsinermut utatillugit angalanermi, najugaqarnermi inuutissatigullu isumagineqarnermi aningaasartuutit akeqassanngillat.§ 16. Inuutissarsiutinut tunngasutigut kursusit akuerineqarnissaat.
§ 15 naapertorlugu ilinniartitsinermut peqataasussat ikinnerpaamik 8 nalunaarsimappata, kursusi pineqartoq pilersinneqassaaq. Pissutsit immikkut ittut atuutsillugit tassannga allaassuteqartitsineqarsinnaavoq, takuuk § 39.§ 17. Ullukkut unnukkullu ilinniartitsineq.
Inersimasunut sunngiffimmi ilinniartitsineq ingerlanneqarsinnaavoq ulluunerani taamattaaq unnukkut. Ilinniartitsineq iluarsartuunneqarsinnaavoq kursuseqarnertut sivikinnerusutut sivisunerusutulluunniit.§ 18. Init inersimasunik ilinniartitsinermut atugassat.
Inersimasunik ilinniartitsinermut peqqussut manna naapertorlugu akuerineqartumut init silamilu sanaartukkat pisariaqartut kommunalbestyrelsep akeqanngitsumik atugassanngortissavai.
Imm. 2. Atuarfiit inillu allat landstingimit pigineqartut akeqanngitsumik atugassanngortinneqassapput inersimasunik ilinniartitsinermut, peqqussut manna naapertorlugu akuerineqartumut.
Imm. 3. Kulturikkut ilinniartitsinermilu direktionip malittarisassat erseqqinnerasut aalajangissavai pisussaassutsit imm. 1-imi 2-milu eqqartorneqartut pillugit.
Kapitali III.
Soqutigisaqaqatigiit.§ 19. Soqutigisaqaqatigiit ima paasineqassapput
Soqutigisaqaqatigiit peqqussummi maani imatut paasineqassapput inuit ataatsimoortut, soqutigisat pingaartillugit sulinissamut katersoqatigiittut.
Imm. 2. Kulturikkut ilinniartitsinermilu direktionip malittarisassat erseqqinnerusut aalajangersinnaavai peqqussut manna naapertorlugu soqutigisaqaqatigiinnut suut ilaatinneqassanersut.
1) Ingerlatsineq tamanut ammassaaq.
2) Siulersuisoq pisariaqartunik pikkorissuseqassaaq.
3) Inuit taakku ataatsimoortut ilitsersuisumit pikkorissumit ikiorneqassapput.
4) Ingerlatsineq ingerlanneqassaaq inini piukkunnartuni imaluunniit silami sanaartukkani pisariaqartunik pisatsersukkani.
5) Ingerlatsineq akeqassanngilaq. Atuakkat ilinniutillu taamaangajattut peqataasunut akeqanngitsumik atugassanngortinneqassapput. Atortussat suliarinninnissamut naatsorsuussat peqataasunut ilaanniinnakkut akeqanngitsumik atugassanngortinneqarsinnaapput malittarisassat kulturikkut ilinniartitsinermilu direktionip aalajangigai malillugit.§ 20. Soqutigisaqaqatigiinni peqataasut amerlassusissaat.
Soqutigisaqaqatigiinni peqataasut agguaqatigiissillugu amerlassusissaat nalunaaquttap akunnerani ataatsimi tassaassaaq ikinnerpaamik 8. Pissutsit immikkut ittut atuutsillugit tassannga allaassuteqartitsineqarsinnaavoq, takuuk § 39.§ 21. Init soqutigisaqaqatigiinnut atugassat.
Init pisariaqartut silamilu sanaartukkat pisariaqartut soqutigisaqaqatigiinnut peqqussut manna naapertorlugu akuerineqartunut, kommunalbestyrelsep akeqanngitsumik atugassanngortissavai.
Imm. 2. Atuarfiit inillu allat Landstingimit pigineqartut soqutigisaqaqatigiinnut, peqqussut manna naapertorlugu akuerineqartunut, akeqanngitsumik atugassanngortinneqassapput.
Imm. 3. Kulturikkut ilinniartitsinermilu direktionip malittarisassat erseqqinnerusut aalajangissavai pisussaassutsit imm. 1-imi 2-milu taaneqarsimasut pillugit.
Kapitali IV.
§ 22. Fritidsklub ima paasineqassaaq.
Fritidsklub ima paasineqassaaq klubbi, sammisassaqartitsinissamut najortigiinnissamullu meeqqanik inuusuttunillu sunngiffiinni katerssuutitsisartoq.§ 23. Fritidsklubbip akuerineqarnissaa.
Fritidsklubbinik pilersitsisoqarsinnaavoq makku pissutissaralugit:
1) Klubbi siulersuisoqassaaq ilaasortaasunit 5-init, taakkunannga ikinnerpaamik 3 tassaassallutik oqartussaassuseqartut, ilaasortalersukkat ukuninnga: ilaasortat 3 kulturikkut ilinniartitsinermilu udvalgimit toqqarneqarsimasut aammalu 2 ilaasortat sinniisui, ilaasortat sinniisui marluk siulersuisut ataatsimiinneranni taaseqataasinnaanatik ilaasarsinnaasut.
2) Klubbi ammassaaq meeqqanut inuusuttunullu tamanut 6 - 21-nik ukiulinnut.
3) Klubbip siulersuisua suleqataasullu klubbemik ingerlatsilluarsinnaanngorsarsimassapput, tak. § 25, Imm. 2.
4) Klubbi ininik piukkunnartunik atugaqassaaq.
5) Sammisassaqartitsineq, tassunga ilaatillugit atortussat pisariaqartut, akeqassanngilaq.
Imm. 2. Fritidsklubbi unnukkut atugassaasassaaq 14-21nik ukiulinnut.§ 24. Fritidsklubbit kommunep ingerlatarinngisai.
Fritidsklubbinut komnmnep ingerlatarinngisaanut tapiissutit tunniunneqarsinnaapput.
Imm. 2. Kulturikkut ilinniartitsinermilu udvalgip fritidsklubbit imm. 1 naapertorlugu pilersinneqarsimasut akuerissallugillu nakkutigissavai.
Imm. 3. Kulturikkut ilinniartitsinermilu udvalgip akuersinissaa klubbip ileqqoreqqusaqarnissaanik pissuteqartinneqassaaq.
Imm. 4. Kulturikkut ilinniartitsinermilu direktionip malittarisassat aalajangissavai klubbip ileqqoreqqusassaata imm. 3-mi taaneqartup imarisassai pillugit.§ 25. Qinersinermi malittarisassat aamma pikkorissuseqarnissamut piumasarisat.
Kulturikkut ilinniartitsinermilu direktionip malittarisassat erseqqinnerusut aalajangissavai siulersuisunik § 23 imm. 1-imi taaneqartunik qinersinissaq pillugu aamma taakku sulinissaat pillugu.
Imm. 2. Kulturikkut ilinniartitsinermilu direktionip malittarisassat erseqqinnerusut aalajangissavai fritidsklubbini siulersuisunut suleqataasunullu pikkorissuseqarnissamik piumasarisat pillugit, takuuk § 25, imm. 1, Imm. 3.§ 26. Init.
Klubbinut akuerineqarsimasunut init pisariaqartut kommunep akeqanngitsunik atugassanngortissavai.§ 27. Klubbinut assingusumik sammisassaqartitsineq.
Klubbinut piviusunut pilersitsinissamut inuttussutsikkut tunngavissaq naammanngippat, sammisassaqartitsineq pilersinneqarsinnaavoq sunngiffimmi ilioriusissatut allatut, takuuk Kalaallit Nunaanni meeqqat atuarfiat pillugu Landstingip peqqussutaa.
Kapitali V.
Meeqqat inuusuttullu peqatigiiffiinut ikiorsiissutit.§ 28. Meeqqat inuusuttullu peqatigiiffiinut tapiissutit.
Kommunalbestyrelse tapiissutinik tunniussaqarsinnaavoq meeqqat inuusuttullu peqatigiiffiinut kommunemi najugaqartunut.
Imm. 2. Tapiissutit imm. 1-imi taaneqartut tunniunneqarnissaannut malittarisassat erseqqinnerusut kulturikkut ilinniartitsinermilu direktionimit aalajangerneqassapput.§ 29. Init aammalu silami sanaartukkat.
Atuarfiit aammalu init kommunep pigisai allat kommunep akeqanngitsumik atugassanngortissavai meeqqat inuusuttullu peqatigiiffiinut.
Imm. 2. Ininut silamilu sanaartukkanut meeqqat inuusuttullu peqatigiiffiinit pigineqartunut imaluunniit attartorneqartunut ingerlatsinermi aningaasartuutinut tapiissutit kommunalbestyrelsep tunniutissavai.
Imm. 3. Tapiissutit imm. 2-mi taaneqartut tunniunneqarnissaannut malittarisassat erseqqinnerusut kulturikkut ilinniartitsinermilu direktionimit aalajangerneqassapput
Kapitali VI.
Højskolemiinnermut ikiorsiissutit§ 30. Højskolemiinneq.
Kalaallit Nunaanni Danmarkimilu højskoleniinnissanut inunnut Kalaallit Nunaanni najugaqartunut ikiorsiissutit-hjemmestyrep tunniussinnaavai.
Kapitali VII.
Sunngiffimmi siunnersortit aamma siulersuisut suleqataasullu ilinniartitaanissaat.§ 31. Siunnersortit.
Hjemmestyre ikiorsiissutinik tunniussaqarsinnaavoq siunnersortinit ikiorneqarnissamut Kalaallit Nunaanni nuna tamakkerlugu kattuffinnut inersimasut pillugit sunngiffimmi ilinniartitsinermik suliaqartunut, takuuk kapitali II, soqutigisaqaqatigiinnut takuuk kapitali III, fritidsklubbinut takuuk kapitali IV aamma meeqqat inuusuttullu peqati iiffiinut takuuk kapitali V.§ 32. Siulersuisut suleqataasullu ilinniartitaanissaat.
Hjemmestyre ikiorsiissutiniktunniussaqarsinnaavoq sunngiffimmi sammisassaqartitsinerup iluani siulersuisut suleqataasullu ilinniartitaanissaannut. Immikkut ittunik ikiorsiissuteqartoqarsinnaavoq, ilinniartitaalluni kursuseqarnermi peqataaneq nassataqaraangat aningaasarsiassaagaluanik annaasaqarnermik immikkut ittumik imaluunniit aningaasartuutit annertuallaaraangata.
Kapitali VIII.
Allaffigeqattaalluni atuarfittut sulinermut tapiissutit aanma umiartortunut sunngiffimmi ilinniartitsineq.§ 33. Allaffigeqattaalluni kursusernerit il.il.
Allaffigeqattaalluni kursusernermi peqataanermut ikiorsissutit pillugit malittarisassat erseqqinnerusut kulturikkut ilinniartitsinermilu direktionip aalajangersinnaavai.
Imm. 2. Kulturikkut ilinniartitsinermilu direktionip malittarisassat erseqqinnerusut aalajangersinnaavai umiartortunut sunngiffimmi ilinniartitsinissaq pillugu.
Kapitali IX.
Ininik pilersitsinermut tapiissutit.§ 34. Meeqqat inuusuttullu peqatigiiffiinut init.
Meeqqat inuusuttullu peqatigiiffiinut ininik pilersitsinissamut tapiissutit Landstingip tunniussinnaavai.
§ 35. Timersortarfiit.
Timersortarfiit sananeqarnissaannut iluarsartuunnissaannullu tapiissutit hjemmestyrep tunniussinnaavai.
Kapitali X.
Aningaasalersuineq.§ 36. Aningaasartuutit akilerneqarnissaat.
Akissaatinut aningaasartuutit, akissarsiat, inersimasunik ilinniartitsinermut (kapitali II) atuarfinni nerisaqarfiusunisut ingajattumik pissusilerlugu angalanernut, najugaqarnermut inuussutissatigullu isumagineqarnermut aningaasartuutit Landstingimit akilerneqassapput. Inersimasunik ilinniartitsinermut aningaasartuutit allat kommunemit akilerneqassapput.
Imm. 2. Aningaasartuutit tamarmik soqutigisaqaqatigiinnut (kapitali III), fritidsklubbinut (kapitali IV) aamma meeqqat inuusuttullu peqatigiiffiinut ikiorsiissutit (kapitali V) kommunemit akilerneqassapput.
Imm. 3. Højskoleniinnernut ikiorsiissutit (kapitali VI), sunngiffimmi siunnersortinut aammalu siulersuisut suleqataasullu ilinniartitaanissaannut aningaasartuutit (kapitali VII), allaffigeqattaalluni atuarfittut sulinermut ikiorsiissutit aamma umiartortunut sunngiffimmi ilinniartitsineq (kapitali VIII) Landstingimit akilerneqassapput.
Imm. 4. Ininik timersortarfinnillu pilersitsinermut (kapitali IX) tapiissutit kommunalbestyrelsep tunniussimappagit, tapiissutit tunniunneqarsimasut 50%-iat tikillugu Landstingip utertissinnaavai.
Kapitali XI.
Aalajangersakkat immikkut ittut aamma atortuulersitsinermik aalajangersakkat.§ 37. Akissaatit.
Hjemmestyrep akissaatit aalajangissavai ilinniartitsinermut siulersuinermullu kapitalit II, III aamma IV naapertorlugit.§ 38. Misiliineq.
Immikkut ittunik pissutissaqartillugu iluarsartuussinerugallartutut kulturikkut ilinniartitsinermilu direktionip peqqussunmi aalajangersakkat allaassuteqartissinnaavai, peqqussutip suliassaqarfiata iluani misiliinerup siuarsarneqarnissaanut pisariaqartutut isumaqarfigisatut annertussusilimmik.
Imm. 2. Kulturikkut ilinniartitsinermilu direktioni imm. 1 naapertorlugu misiliinermut tapiissutinik tunniussaqarsinnaavoq.§ 39. Immikkut akuersissut.
Kulturikkut ilinniartitsinermilu direktioni malittarisassanik aalajangiisinnaavoq peqataasut killilerneqarnissaat pillugu, peqataasut amerlassusissaannit qanorlu ukioqarnissaannit allaassuteqartitsinissaq pillugu, holdit assigiissut arlariillutik pilersinneqarnissaat pillugu aammalu sunngiffimmi sammisassaqartitsinermut kapitalini II-mi, III-mi IV-milu taaneqartumut tiimit amerlassusissaasa aalajangerneqarnissaat pillugu.§ 40. Atulersitsinermik Nalunaarut.
Kulturikkut ilinniartitsinermilu direktionip aalajangersakkat erseqqinnerusut aalajangersinnaavai ilioriusissat peqqussummi taaneqarsimasut ingerlanneqarnissaannut, tassunga atatillugit immaqa ikaariarnissami aalajangersakkat.§ 41. Atulerfik.
Peqqussut atulissaaq 1. januar 1980.
Nuuk, 16. oktober 1979
Jonathan Motzfeldt/
Thue Christiansen