Kulturimut atuartitsinermullu tunngasut siulersorneqarnerat pillugu landstingip peqqussutaa nr. 5, 16. oktober 1979.
Immikkoortoq I
Kapitali 1.
Hjemmestyrip suliassai§ 1. Hjemmestyri meeqqat atuarfianni, sunngiffinni sammisassaqartitsiniarnermi, bibliotekeqarnermi aammalu kulturimut qaammarsaanermullu tunngasunik suliaqarnermi qullersaalluni aqutsisuuvoq, tamannalu pissutigalugu aaliangersakkanik pisariaqartitanik aaliangersaasarluni.
§ 2. Suliassat immikkoortunut taakkununnga tunngasut ingerlatanut taamaattunut pisortanit tapiissutissanit hjemmestyrip aningaasanut inatsisaani akuersissutigineqartunit matuneqarsinnaanngitsut landskassemiilli annerusumik aningaasartuutigineqartussat tamarmik landstingimut saqqummiunneqassapput aaliangiivigisassanngorlugit.
§ 3. Hjemmestyri meeqqat atuarfiata, sunngiffimmi sammisassaqartitsiniarnerup, bibliotekeqarnerup aammalu kulturimut qaammarsaanermullu tunngasut kiisalu pisortat ingerlataasa taamaangajattut ineriartortinneqarnissaat pillugu ataatsimoortumik pilersaarusiussaaq. Pilersaarut kommunit ataasiakkaat meeqqat atuarfiata,sunngiffimmi sammisassaqartitsiniarnerup, bibliotekeqarnerup aammalu kulturimut qaammarsaanermullu tunngasut pillugit kommunimi pineqartumi ineriartortitsinissamik siunnersuutaat tunngavigalugit suliarineqassaaq.
§ 4. Hjemmestyrip kommunit atuartitsinissamik pilersaarutaat taakkununngalu allannguutigitinniagaat akuersissutigissavai.
§ 5. Hjemmestyrip suliassat § 1-imi taaneqartut Kalaallit-nunaata avataani imaluunniit Kalaallit-nunaanni kommunit arlaannaannulluuniit atasuunngitsuni ingerlatassat ingerlanneqarnerat isumagissavaa.
Imm. 2. Hjemmestyrip meeqqat inuusuttullu atuartut Kalaallit-nunaanni najugaqartut pisariaqartinneqartutut meeqqat atuarfianni atuartitaasinnaaqqullugit atuarfiit najugaqarfiuutigisut atuartunullu inissiat pisariaqartinneqartut aaqqissuunneqarnissaat isumagissavaa.
Imm. 3. Atuartut Kalaallit-nunaanni meeqqat atuarfiata Kalaallit-nunaanni taassumalu avataani atuarfinnut najugaqarfiuutigisunut atuartunullu inissianut agguataarneqarnerat hjemmestyrip isumagissavaa.
Imm. 4. Hjemmestyrip atuartitsinermut tarnit pissusiisigut siunnersuisoqarfik atuarfinnik aammalu meeqqanut inuusuttunullu inissianik ilitsersuillunilu siunnersuisartussaq ingerlatissavaa.
Imm. 5. Hjemmestyrip atuarfinni ilinniarfinnilu allani ilinniutissanik naqiterisitsisarneq ingerlatissavaa.
Imm. 6. Hjemmestyrip landscentrali ilinniutissanik, qaaitunarsaanermi paasissutissiinermilu atortussanik, tassunga ilaanngullugit filmit naatsut, atuarfinnut, ilinniarfinnut, peqatigiiffinnut kattuffinnullu atukkiisarnermik nassiussuisarnermillu ingerlataqartoq ingerlatissavaa.
Imm. 7. Hjemmestyrei filmiliavinnut centralip filmertarfiit filmigassaannik piniartarlunilu nassiussuisartussap ingerlatitaanera isumagissavaa.
Imm. 8. Hjemmestyrip atuakkat kalaallisuut kulturimut atuartitsinermullu direktionip erserqinnerusumik aaliangiinera malillugu bibliotekeqarfinnut tamanut pisiaralugillu agguaattassavai.§ 6. Hjemmestyrip kommunini bibliotekit atuarfiillu bibliotekiisa qanoq aaqqissuunneqarnissaannut qanorlu ingerdlanneqarnissaannut maleruagassat erserqinnerusut aaliangissavai.
§ 7. Kalaallit-nunaanni kommunip atuarfiini pisortat ilinniartitsisullu hjemmestyrip kommunini ataasiakkaani atorfinitsittarlugillu soraarsittassavai.
Imm. 2. Hjemmestyrep atuarfinni pisortanngortitsinermi, meeqqallu atuarfianni timelærerinik vikarinillu aammalu sunngiffimmi sammisassaqartitsiniarnermi pisortanik, ilinniartitsisunik sulisussanillu allanik kiisalu bibliotekarinik bibliotekeqarnermilu ikiortissanik atorfinitsitsineranni maleruagassat aaliangersassavai.
Imm. 3. Hjemmestyrip ilinniartitsisut, pisortat, bibliotekarit, konsulentit psykologillu meeqqat atuarfianni, sunngifimmi sammisassaqartitsiniarnermi aammalu kulturimut qaammarsaanermullu tunngasumik sulinermi atorfissaqartinneqartut atorfinitsillugillu soraarsittassavai, takuuk § 5.
Imm. 4. Kalaallit-nunaanni kommunit atuarfiini skoleinspektøriunerit, skoleinspektørit aamma viceskoleinspektørit atorfinittinneqarneranni atorfinitsitsineq pisassaaq kommunime pineqartumi kommunalbestyrelsip inassuteqarnera tunngavigalugo (tak. § 14). Meeqqat atuarfianni atorfimmut inuttassarsiorneqartumut qinnuteqartoq kommunalbestyrelsimit atorfinitsinneqartussatut siullertut inassutigineqarsimaguni qinnuteqartoq taanna atorfinitsineqassaaq atorfimmi pineqartumi atorfinitsinneqarnissamut piumasarineqartut naammatsissimagunigit.
Imm. 5. Hjemmestyri atuarfeqarnermi, sunngiffimmi sammisassaqartitsiniarnermi bibliotekeqarnermilu atorfinnik inuttassarsiuinerup qanoq iluseqarnissaanik najoqqutassanik erseqqinnerusunik nalunaaruteqartassaaq aammalu atuarfinni pissortanngortitsinermi kiisalu meeqqat atuarfiini pissortatut atorfinnut inassuteqarsinnaatitaanerup qanoq atorneqarnissaa aammalu pissortanik ilinniartitsisunillu soraarsitsisarnermi periaasissat pillugit erseqqinnerusunik maleruagassiussalluni.§ 8. Hjemmestyri meeqqat atuarfiinut, sunngiffimmi sammisassaqartitsiniarnermut, bibliotekeqarnermut aammalu kulturimut qaammarsaanermullu tunngasunik suliassami ingerlanneqarnissaannut, tak. §§ 3-miit 7-mut, kulturimut atuartitsinermullu direktionimik 5-inik ilaasortalimmik pilersitsissaaq, taakkunannga ilaasortat 3 landstingip ilaasortaasa akornannit toqqagaassallutik ilaasortarlu ataaseq Kalaallit-nunaanni kommuninit toqqagaassalluni. Kulturimut tunngasut pillugit landsstyrimi ilaasortaq siulittaasuuvoq.
Imm. 2. Kulturimut atuartitsinermullu direktionimi ilaasortaasussanik ileqquusumik qinersineq pisassaaq landstingimut qinersinerit
tamaasa landstingip ataatsimmeeqqaarnerani. Kulturimut atuartitsinermullu direktionitut qinerneqartoq sulisassaaq direktionimik nutaamik qinersinissap tungaanut.§ 9. Kalaallit-nunaata vicebiskopia, landslærerrådip sinniisua, qaammarsaanermut rådip siulittaasua landsbibliotekarilu kulturimut atuartitsinermullu direktionip ataatsimiinnerine peqataasassapput taasisinnaassuseqaratik.
§ 10. Kulturimut atuartitsinermullu direktionip suliassaanik ingerlatsisussatut hjemmestyrip atorfinitsissavaa kulturimut atuartitsinermullu direktøri.
Imm. 2. Direktørip kulturimut atuartitsinermullu direktoratip ,hjemmestyrip aammalu kulturiitmt atuartitsinermut direktionip erseqqinnerusumik aaliangiinerat malillugu qitiusumik siulersuinermik suliamullu tunngasutigut ingerlatsinera siulersussavaa.
Imm. 3. Kulturimut atuartitsinermullu direktoratimi sulisussatut hjemmestyrip atorfinitsissavai siulersuinermut, ilinniartitsinermut skolepsykologimilu sulisussat pisariaqartut aammalu sulisussat immikkut paasisiroasaqartut allat.
Imm. 4. Hjemmestyrip landsbibliotekari hjemmestyrip bibliotekeqarnerani ulluinnarni pisortaasussaq atorfinitsissavaa. Taassuma saniatigut hjemmestyrip atorfinit issavai sulisussat landsbibliotekip ingerlatitaanerani pisariaqartinneqartut.§ 11. Landstingip qaammarsaanermut rådi kulturimut atuartitsinermullu direktionip qaammarsaanermik paasissutissiisarnermillu sulinerani siunnersuisartussaq 10-nik ilaasortalik nutaamik qinersinerup kingorna pilersissavaa.
Imm. 2. Qaammarsaanermut rådi imatut ilaasortalersorneqassaaq, landstingi akunnermini ilaasortassanik 2-nik toqqaassalluni ilaasortallu allat nuna tamakkerlugu peqatigiiffiit kattuffiillu inassuteqarnerisigut inuttalerneqartassallutik.
Imm. 3. Rådimut ilaasortassat toqqarniarneranni landstingip isumagissavaa rådip ilaasortaasa akornanni ikinnerpaamik ilaasortat marluk distriktini isorliunerusuni nunaqarfinnilu pissutsinik ilisimasaqarluartuunissaat.
Imm. 4. Qaammarsaanermut rådi ukiumut ataasiarluni ataatsimiittassaaq, tassanilu qaammarsaaniutit ingerlareersut ingerlanneqarumaartullu oqaluuserisassallugit aammalu rådip isumaa malillugu qaammarsassutigineqartariaqartut qanoq tulleriinneqarnissaat siunnersuutigisassallugu. Rådi kingullertut taaneqartumik suliaqarnermini landstingimut, landsstyrimut aammalu kulturimut atuartitsinermullu direktionimut pitunneqarsimanngilaq.
Imm. 5. Qaammarsaanermut rådip stk. 1-ime 4-milu suliassamisut taaneqartut saniatigut nakkutigissavaa qaammarsaanikkut paasissutissiinikkullu sulinerup sapinngisamik annerpaamik piviusorsiortuullunilu tamatigoortuuni ssaa, tak. kulturimut qaammarsaanermullu tunngasumik sulineq pillugu landstingip peqqussutaani § 5, stk. 2.
Imm. 6. Nutaamik qinersinerup kingorna ataatsimeeqqaarnermi rådip siulittaasoq qinertassavaa nammineerlunilu sulinissamini tunngavissat aaliangersassallugit.
Imm. 7. Kulturimut atuartitsinermullu direktorati qaammarsaanermut rådimut allatoqarfeqarnikkut ikiuutissaaq.
Immikkoortoq II
Kapitali 2.
Kommunimi oqartussat§ 12. Kommunalbestyrelsi kommunip atuarfeqarnerani, sunngiffimmi sammisassaqartitsinerani, bibliotekeqarnerani aammalu kulturimut qaaimnarsaanermullu tunngasunik ingerlatsinerani pissutsinut hjemmestyrimit pisortanilluunniit allanit aaliangiiffigineqartussanngortitaanngitsunut tamanut aaliangiisussaavoq.
Imm. 2. Suliagsat kommunimi atuarfeqarnermut, sunngiffimmi sammisassaqartitsiniarnermut, bibliotekeqarneriput aammalu kulturimut qaammarsaanermullu tunngasut, taakkuninnga ingerlatsinissamut atugassatut aningaasaliissutigineqartunit akuersissutigineqarsimasunit matuneqarsinnaanngitsut taamalu annerusumik aningaasartuutigineqartussat tamarmik kommunalbestyrelsimut saqqummiunneqassapput.§ 13. kommunalbestyrelsip suliarissavai kommunep atuarfeqarnermik, sunngiffimmi sammisassaqartitsiniarnermik, bibliotekeqarnermik aammalu kulturimut qaammarsaanermullu tunngasunik pilersaarutai taakkununngalu allanguutissat kiisalu atuartitsinerup ingerlanissaanik pilersaarutinut taakkununngalu allannguutissatut siunnersuutit kulturimut atuartitsinermullu udvalgip missiliusiai tunngavigalugit suliarineqartussat. pilersaarutit siunnersuutillu kulturimut atuartitsinermullu direktionimut nassiunneqassapput.
Imm. 2. Kommunalbestyrelsi kommunimi atuarfeqarnerup, sunngiffimmi sammisassaqartitsiniarnerup, bibliotekeqarnerup aammalu kulturimut qaammarsaanermullu tunngasumik sulinerup ineriartortinneqarnissaannik pilersaarusiussaaq kulturimut atuartitsinermullu udvalgip missiliusiaa tunngavigalugu. Pilersaarusiaq kulturimut atuartitsinermullu direktionimut nassiunneqassaaq.
Imm. 3. Pilersaarusiat qanoq ilusilersorneqarnissaat pillugu kulturimut atuartitsinermullu direktioni erserqinnerusunik malittarisassiussaaq.§ 14. Kommunalbestyrelsip kommunip atuarfeqarfiani skoleinspektøriunernik, skoleinspektørinik aammalu viceskoleinspektørinik atorfinitsitsinissami soraarsitsinissamilu inassuteqartassaaq. Inassuteqarnermi qinnuteqartunit pingasut atorfinitsitsisussanit aaliangiiffigineqartussat inassutigineqartassapput, tak. § 7, stk. 4.
§ 15. Kommunalbestyrelsi atuarfimmi pisortanngortitsissaaq, timelærerinik, vikarinik ikiortissanillu atuarfeqarfimmi pissariaqartinneqartunik aammalu pissortassanik, ilinniartitsisussanik sulisussanillu allanik sunngiffimmi sammisassanillu allanik sunngiffimmi sammisassaqartitsiniarnermi, bibliotekeqarnermi aamnialu kulturimut qaammarsaanermullu tunngasunik ingerlatsinermi sulisuusussanik atorfinitsitsissalluni, taamaattoq takuuk § 7.
Imm. 2. Bibliotekemi sulinermi ulloq naallugu sulisartoq ataaseq arlallilluunniit sulisorineqarpata bibliotekip pisortaa bibliotekimut tunngasunik ilinniarsimasuussaaq.§ 16. Kommunalbestyrelsip meeqqat atuarfiannut, sunngiffimmi sammisassaqartitsiniarnermut, bibliotekeqarnermut aammalu kulturimut qaammarsaanermullu tunngasunik suliassaasa ingerlanneqarnigsaannut, tak. §§ 12, 13, 14 aamma 15, kommunalbestyrelsi kulturimut atuartitsinermullu udvalgimik kommunalbestyrelsit aammalu bygderådit il.il. pillugit landstingip inatsisaani udvalgit ataannartut pillugit aaliangersakkat malillugit pilersitsissaaq.
§ 17. Skoleinspektøriuneq kommunimilu ilinniartitsisut siunnersuisoqatigiivini siulittaasoq kulturimut atuartitsinermullu udvalgip ataatsimiinnerini peqataasassapput taaseqataasinnaanatik.
§ 18. Kommunip meeqqat atuarfiannik, sunngiffimmi sammisassaqartitsiniarnermik, bibliotekeqarnermik aammalu kulturimut qaammarsaanermullu tunngasumik sulinermik siulersuinerata ingerlanneqarnissaanut skoleinspektøriuneq atorfinitsinneqassaaq.
§ 19. Kulturimut atuartitsinermullu udvalgip sulinerani ikiortaasussanik meeqqat atuarfiini tamani atuarfeqarnermut ataatsimiititanik pilersitsineqassaaq. Taamaattoq nunaqarfinni atuarfinnut minnerusunut tunngatillugu kommunalbestyrelsi aaliangiisinnaavoq, nunaqarfimmi atuarfeqarnermut ataatsimiititaliornissaq pinngitsoorneqassasoq. Taamaattoqartillugu nunaqarfimmi bygderådip atuarfeqarnermut ataatsimiititat suliassaat isumagissavai.
Imm. 2. Atuarfeqarnermut ataatsimiititat atuarfiup qanoq angitigissusia naatsorsuutigalugu kommunalbestyrelsip atuarfinnut ataasiakkaanut tunngatillugu aaliangiinera tunggavigalugu 3-nik imaluunniit 5-inik ilaasortaqassapput.
Imm. 3. Kommunalbestyrelsi ilaasortami akornanni atuarfeqarnermut ataatsimiititanut ilaasortassamik toqqaassaaq.Atuarfeqarnermut ataatsimiititani ilaasortat allat inuit qinersinerup nalaani atuarfimmi pineqartumi atuartunik angajoqqaajusut akornannit torqarneqassapput.
Imm. 4. Kulturimut atuartitsinermullu direktioni atuarfeqarnermut ataatsimiititani angajoqqaat qinigaannik taakkualu sinniisussaannik qinersinermut maleruagassanik erseqqinnerusunik aaliangiissaaq.§ 20. Atuarfiup pineqartup pisortaa ilinniartitsisullu rådiata siulittaasua atuarfeqarnermut ataatsimiititat ataatsimiinnerini peqataasassapput taasisinnaassuseqarnatik.
Imm. 2. Kulturimut atuartitsinermullu direktioni aaliangersagaliussaaq atuartut rådii atuarfinni taamaattunik rådeqarfiusuni atuarfeqarnermut ataatsimiititat ataatsimiinnerine qanoq annertutigisumik peqataatinneqartassanersut.
Imm. 3. Atuartut rådiisa sinniisui ataatsimiinnerit atuartut ilinniartitsisullu ataasiakkaat oqaluuserineqarfiini peqataassanngillat.§ 21. Kulturimut atuartitsinermullu udvalgip sulinerani ikiortaasussanik kommunimi illoqarfimmi/nunaqarfimmi taraani sunngiffimmi sammisassanut ataatsimiititaliorneqassaaq. Nunaqarfinnut minnerusunut tunngatillugu kommunalbestyrelsi aaliangiisinnaavoq, nunaqarfimmi sunngiffimmi sammisassanut ataatsimiititaliortoqassanngitsoq. Taamaattoqartillugu sunngiffimmi sammisassanut bygderådip isumagissavai.
Imm. 2. Sunngiffimmi sammisassanut ataatsimiititat kommunalbestyrelsip illoqarfiup/nunaqarfiup qanoq inuttussusia naatsorsuutigalugo erseqqinnerusumik aaliangiinera malillugu 3-nik imaluunniit 5-inik ilaasortaqassapput. Kulturimut atuartitsinermullu direktionip immikkut pissutissaqartillugu sunngiffimmi sammisassanut ataatsimiititat 7-inik ilaasortaqarnissaat akuersissutigisinnaavaa.
Imm. 3. Kommunalbestyrelsi akunnermini sunngiffimmi sammisassanut ataatsimiititani tamani ilaasortassamik ataatsimik qinersissaaq. Ilaasortat 2 imaluunniit 4 (immikkut pisoqartillugu 6, tak. stk. 2) najukkami suliniaqatigiiffiit peqatigiiffiillu sunngiffimmi sammisassaqartitsiniarneq pillugu landstingip peqqussutaani imaluunniit kulturimut qaammarsaanermullu tunngasumik sulineq pillugu landstingip peqqussutaani aaliangersakkat -malillugit tapiiffigineqarsinnaasut qinissavaat.
Imm. 4. Kulturimut atuartitsinermullu direktioni suliniaqatigiiffiit peqatigiiffiillu sunngiffimmi sammisassanut ataatsimiititani ilaasortassaasa taakkualu sinniisussaasa qinerneqartarnissaanni erseqqinnerusunik maleruagassiussaaq.§ 22. Inersimasunik atuartitsinermi pisortaq aammalu bibliotekimi pisortaq sunngiffimmi sammisassanut ataatsimiititat ataatsimiinnerini peqataasassapput taasisinnaassuseqaratik.
§ 23. Kulturimut atuartitsinermullu udvalgi, atuarfeqarnermut ataatsimiititat aammalu sunngfimmi sammisassanut ataatsimiititat kommunalbestyrelsimut qinersereernerit kingorna sapinngisamik piaarnerpaamik pilersinneqartassapput. Udvalgit ataatsimiititallu sulisassapput qaammatip nutaamik qinersiffiusup naanissaata tungaanut.
Imm. 2. Piffissap qinigaaffiup ingerlanerani atuarfinnik nutaanik pilersitsisoqarpat, taakkunani atuarfeqarnermi ataatsimiititanik qinersineqassaaq § 19-ime maleruagassat malillugit.
Imm. 3. Sinniisuusoq piffissap qinigaaffigisami ingerlanerani peqqissutsikkut qanoq issutsini, suliassani imaluunniit tamakku assigisaannik pingaartumik peqquteqarluni suliaminit tunuarniarpat kommunalbestyrelsip aaliangissavaa qinnuteqaat taamaattoq akuerineqarsinnaanersoq. Aammattaaq angajoqqaat sinniisaat atuartuutaarukkuni tunuarumasinnaavoq.
Imm. 4. Siniisuusup tunuarnerani inissamut sinniisussaqanngippat piffisap qinigaaffiusup sinneranut ilaasortassamik qinersineqassaaq.§ 24. Ataatsimiititat siulittaasussartik nammineq qinissavaat suleriaasissartillu nammineq aaliangissallugu aammalu ataatsiniittassallutik siulittaasup imaluunniit ilasortat allat 2 tamanna pisariaqartikkaangassuk.
Imm. 2. Siulittaasup qaqugu sumilu ataatsimiinnissaq aaliangissavaa ilaasortallu ataatsimeqataasartullu immaqalu atuartut sinniisaat ataatsimiigiaqqussallugit. Ataatsimiinnissaq sioqqullugu siulittaasup taakku ataatsimiinermi suut oqaluuserineqarnissaannik ilisimatissavai.
Imm. 3. Siulittaasup ataatsimiinnerit taasinerillu siulersussavai isumagissallugulu aaliangiussat allassimaffianni allanneqarnissaat. Ataatsimiinnerit naanere tamaasa allattaaviit ataatsimeeqataasunit atsiorneqartassapput. Taakku tamarmik immikkut isumartik allaasoq aaliangiussat allattorneqarfiannut naatsumik allanneqaqqusinnaavaa aammalu aaliangiinerup allanut nalunaarutigineqarnerani ilanngunneqaqqusinnaallugu.
Imm. 4. Atuarfiup pisortaa aamma inersimasunik atuartitsinermi pisortap siulittaasumut akisussaallutik aaliangikkat suliarineqarnissaat isumagissavaat.§ 25. Ataatsimiititat aaliangiisinnaassuseqarput ikinnerpaamik ilaasortat affaat najuuppata.
Imm. 2. Aaliangiinerit amerlanerussuteqarnikkut pisassapput.§ 26. Ataatsimiititat sulineranni aningaasartuutit kommunimit akilerneqassapput.
Kapitali 3.
Kulturimut atuartitsinermullu udvalgit sulinerat§ 27. Kulturimut atuartitsinermullu udvalgip kommunip atuarfeqarneranut pilersaarutinut, sunngiffimmi atuartitsinermut, bibliotekeqarnermullu tunngasumik sulineranut pilersaarutinut taakkualu allannguutissaannut missiliuutit suliarissavai.
Imm. 2. Udvalgi kommunip atuarfeqarnerata, sunngiffimmi sammisassaqartitsinerata, bibliotekeqarnerata aammalu kulturimut qaammarsaanermullu tunngasutigut sulinerata piorsarneqarnissaannik pilersaarummut missiliuusiussaaq.§ 28. Kulturimut atuartitsinermullu udvalgi kommunip atuarfiini atuartitsinerup ingerlanneqarnissaanut pilersaarutissamut missiliuusiussaaq. Missiliuutit atuarfeqarnermut ataatsimiititanut susassaqartunut saqqummiunneqassapput oqaaseqarfigisassangorlugit.
§ 29. Kulturimut atuartitsinermullu udvalgip nakkutigissavaa kommunimi meeqqat meeqqat atuarfianni atuartussat tamarmik atuarnersut imaluunniit meeqqat atuarfianni piumasarineqartunut naapertuuttumik atuartinneqarnersut.
Imm. 2. Udvalgip meeqqat kommunip atuarfiini atuartut ineriartornerminni immikkut qanoq iliuuseqarfigisariaqartut tapersertariaqartulluunniit immikkut atuartinneqarnissaat aammalu allanut iliorluni perorsaanikkut pineqarnissaat isumagissavaa. Udvalgittaaq meeqqat napparsimasut ajuuteqartulluunniit atuartinneqarnerminni pisariaqartumik immikkut qanoq iliuuseqarfigineqarnissaat isumagissavaa.§ 30. Kulturimut atuartitsinermullu udvalgip nakkutigissavaa meeqqat atuartuusussat namminersortumik atuartinneqartut, tassunga ilanngullugit meeqqat angerlarsimaffimminni atuartinneqartut tamatumunnga aaliangersakkat malillugit imaqarluartumik atuartinneqarnersut.
§ 31. Kulturimut atuartitsinermullu udvalgi kommunip atuarfiini atuarfimmi nakorsaqartitsineq, meeqqat kigutit nakorsaqartitaanerat aammalu atuarfimmi nerisaqartitsineq pillugu siunnersuutit pillugit kommunalbestyrelsimut oqaaseqaateqartassaaq pisariaqarpallu siunnersuutit taamaattut suliarineqarnissaat isumagissallugu.
§ 32. Kulturimut atuartitsinermullu udvalgip interessegruppenik fritidsklubinillu pilersitsinissaq aammalu meeqqat inuusuttullu peqatigiiffiinut tapersiinissaq ininillu pilersitsinissamut tapiissuteqartarneq, tassunga ilanngullugu ininik, timersortarfinnik il.il. atugassiisarnissaq isumagissavai.
Imm. 2. Kulturimut atuartitsinermullu udvalgip kulturimut qaammarsaanermillu sulinermut pisariaqartinneqartutut tapersiisarnissaq, tassunga ilanngullugu ininik pisariaqartunik atugassiisarnissaq isumagissavaa.§ 33. Kulturimut atuartitsinermullu udvalgi ukiumoortumik kommunip atuarfiisa, sunngiffimmi sammisassaqartitsiniarnerup, bibliotekeqarnerup aammalu kulturimut qaammarsaanermullu tunngasumik sulinerup aningaasartuutissaanut pilersaarusiortassaaq økonomiudvalgikkoorlugu korrununalbestyrelsimut saqqummiunneqartussamik, tak. Kalaallit-nunaanni kommunalbestyrelsit aammalu bygderådit il.il. pillugit landstingip inatsisaa nr. 2, 14. maj 1979-imeersoq.
§ 34. Kulturimut atuartitsinermullu udvalgi apeqqutit kommunip atuarfeqarneranut, sunngiffimmi sammisassaqartitsiniarnermut, bibliotekeqarnermut aammalu kulturimut qaammarsaanermullu tunngasumik sulinermut tunngasut suulluunniit pillugit oqaaseqaateqarsinnaavoq koitununalbestyrelsimullu siunnersuuteqarsinnaalluni. Udvalgi apeqqutit taamaattut kommunalbestyrelsimit udvalgimut saqqummiunneqartut tamaasa pillugit oqaaseqaateqartussaavoq.
§ 35. Kulturimut atuartitsinermullu udvalgip atuarfeqarnermut ataatsimiititatigoortumik kommunip atuarfii aammalu aaliangersakkat meeqqat atuarfiinut atortuusut eqqortinneqarnerat nakkutigissavai.
Imm. 2. Kulturimut atuartitsinermullu udvalgip najukkami sunngiffimmi sammisassanut ataatsimiititatigoortumik kommunip sunngiffimmi saitunisassaqartitsinera aammalu sunngiffimmi sammisassaqartitsineq kommunip tapiiffigisartagaa, aammalu aaliangersakkat sunngiffimmi sammisassaqartitsinermut atortuusut eqqortinneqarnerat nakkutigissavai.
Imm. 3. Kulturimut atuartitsinermullu udvalgip sunngiffimmi sammisassanut ataatsimiititatigoortumik kommunimi bibliotekit bibliotekeqarnermullu aaliangersakkat eqqortinneqarnerat nakkutigissavai.
Imm. 4. Kulturimut atuartitsinermullu udvalgip sunngiffimmi sammisassanut ataatsimiititatigoortumik kommunimi kulturimut qaammarsaanermullu tungasumik sulineq aammalu aaliangersakkat kulturimut qaammarsaanermullu tunngasumik sulinermi atortuusut eqqortinneqarnerat nakkutigissavai.§ 36. Kulturimut atuartitsinermullu udvalgi sulinini pillugu ukiumoortumik kommunalbestyrelsimut nalunaaruteqartassaaq.
Kapitali 4.
Atuarfeqarnermut ataatsimiititat sulinerat§ 37. Atuarfeqarnermut ataatsimiititat atuarfimmik nakkutilliisuupput. Nakkutigissavaat meeqqat atuarfimmi atuartuusut atuartitsineq naammaginartumik malinnaaffigineraat, isumagissallugulu atuanngitsoortarneq akiorniarlugu meeqqat atuarfiannut aaliangersakkat atortuusut eqqortinneqarnersut.
§ 38. Atuarfeqarnermut ataatsimiititat isumaginninnermut tunngasut atuarfimmut attuumassuteqartut anigorniarneqarneranni suleqataassapput. Aammattaaq meeqqat inuusuttullu 20-t inorlugit ukiullit ikiorniarneqarneranni qanoq iliuutsit pillugit oqaaseqarsinnaapput.
§ 39. Atuarfeqarnermut ataatsimiititat ilinniartitsisut rådiat suleqatigalugu atuarfiup angerlarsimaffiullu akornanni suleqatigiinnissaq periarfissinniassavaat, qaammarsaanerlu meeqqap atuarfimmi qanoq inneranik paasinninnissamik anguniagaqartoq isumagissallugu.
§ 40. Atuarfeqarnermut ataatsimiititat ilinniartitsisut rådiata inassuteqarneratigut suliap ilinniartitsisut akornanni agguataarneqarnerani periusissat kiisalu sapaatip akunneranut suliassanut pilersaarut akuersissutigissavaat.
§ 41. Atuarfeqarnermut ataatsimiititat ilinniartitsisut rådiata inassuteqarneratigut atuartitsinermut atortut suut atuarfimmi atorneqartariaqarnerat akuersissutigissavaat.
§ 42. Atuarfeqarnermut ataatsimiititat init atuartitsiviusut pissarsiarineqarnissaat pitsanngorsarneqarnissaallu kiisalu taakkua pequsersugaanissaat atortulersugaanissaallu pillugit kulturimut atuartitsinermullu udvalgimut siunnersuuteqarsinnaapput.
§ 43. Atuartup atuarfimmi immikkut atuartinneqarnissaanik ilinniartitsisut rådiata aaliangiinera atuarfeqarnermut ataatsimiititanut saqqummiunneqarpat, ataatsimiititat apeqqutip inaarutaasumik aaliangiivigineqarnissaa aaliangiiffigissavaa.
§ 44. Atuarfeqarnermut ataatsimiititat aningaasartuutit atuarfimmut pineqartumut tunngasut piluugit siunnersuuteqarsinnaapput.
Imm. 2. Atuarfeqarnermut ataatsimiititat qinnuteqarneratigut kommunalbestyrelsip ataatsimiititat budgetip atuarfimmut tunngassuteqartup ilaasa sumut atorneqarnissaat pillugu aaliangiisissavai, maleruagassat kommunalbestyrelsimit erseqqinnerusumik aaliangersarneqartut malillugit. Atuarfeqarnermut ataatsimiititat ukiumoortumik budgetit suliarineqarnerannut atatillugu aningaasaliissutissat aaqqissuussinermut taamaattumut atorneqartussatut kissaatigineqartut angissusissaat pillugit kulturimut atuartitsinermullu udvalgimut inassuteqassaaq.§ 45. Atuarfeqarnermut ataatsimiititat atuarfimmut malittarisassiussapput.
§ 46. Atuarfeqarnermut ataatsimiititat atuarfimmi atuartitsinermut pilersaarummut missiuliuummut atuarfeqarnermut atuartitsinermullu udvalgimit suliarineqarsimasumut oqaaseqaateqassapput, tak. § 28.
§ 47. Atuarfeqarnermut ataatsimiititat apeqqutinut atuarfimmut tunngassuteqartunut tamanut oqaaseqaateqarsinnaapput aammalu kulturimut atuartitsinermullu udvalgimut siunnersuuteqarsinnaallutik. Ataatsimiititat apeqqutinut tamanut kulturimut atuartitsinermullu udvalgimit imaluunniit kommunalbestyrelsimit oqaaseqarfigisassanngorlugit ataatsimiititanut saqqununiunneqartunut oqaaseqaateqartussaapput.
Kapitali 5.
Sunngiffimmi sammisassanut ataatsimiititat sulinerat§ 48. Sunngiffimmi sammisassanut ataatsimiititat inersimasunik sunngiffimmi atuartitsinermut periarfissiisussaapput tapersersuisussaallutillu aammalu sunngiffimmi allanik sammisassaqartitsinermik allaasumik suliniuteqalersitsissallutik aammalu isumagissallugu ingerlatsineq taamaattoq sapinngisamik tulluarnerpaamik ataqatigiissumik ingerlanneqassasoq, taamatullu sunngiffimmi sammisassaqartitsineq pillugu landstingip peqqussutaani kap. III aamma IV malillugu ingerlatsinerit pilersaarusiorneqarnerit kiisalu meeqqat atuarfiat pillugu landstingip peqqussutaani § 4 malillugu ingerlanneqartut ataqatigiissinniarnissaat anguniarneqassalluni.
§ 49. Sunngiffimmi sammisassanut ataatsimiititat najukkami bibliotekeqarneq nakkutigissavaat.
§ 50. Sunngiffimmi sammisassanut ataatsimiititat kulturimut qaammarsaanermullu tunngasumik sulineq, tassunga ilanngullugit tamanut ammasumik ataatsimiititsisarsinnaanerit aaqqissuussisarsinnaanerillu, tapersersorlugulu annertusarniassavaat, aammalu tamanut ammasumik ataatsimiititsinerit pisortaqarfiit imaluunniit najukkami peqatigiiffiup suliniaqatigiiffiulluunniit ataatsip arlallilluunniit aqunneqarnerat suleqataaffigissallugu.
§ 51. Sunngiffimmi sammisassanut ataatsimiititat najukkami filmertarfeqarneq nakkutigissavaat filmillu ingerlaartinneqarnerat pisortaaffigissallugu. Allat tungaanniit tamanut ammasumik filmertitsisarneq ingerlanneqanngippat sunngiffimmi sammisassanut ataatsimiititat suliassamik taassuminnga ingerlatsissapput.
§ 52. Sunngiffimmi sammisassanut ataatsimiititat pisariaqarfiatigut najukkami peqatigiiffinnut suliniaqatigiiffinnullu allaffeqarnikkut ikiuussinnaapput.
§ 53. Sunngiffimmi sammisassanut ataatsimiititat najukkami biblioteki suleqatigalugu qaammarsaanermi atortussat qitiusumik najukkamiluunniit pisortaqarfinniit nuna tamakkerlugu imaluunniit kommunimi qaammarsaanermi atugassatut suliarineqarsimasut aqunneqarnerat nassiussorneqarnerallu isumagissavaat.
§ 54. Sunngiffimmi sammisassanut ataatsimiititat sunngiffimmi sammisassaqartitsinermut tunngasut pillugit landstingip peqqussutaani kap. I aamma II malillugit sunngiffimmi sammisassaqartitsineq kulturimut atuartitsinermullu direktionip maleruagassiai erseqqinnerusut malillugit akuersissutigalugulu nakkutigissavaat.
§ 55. Sunngiffimmi sammisassanut ataatsimiititat qinnuteqarnerat naapertorlugu kommunalbestyrelsip tapiissutitut sunngiffimmi sammisassaqartitsineq pillugu landstingip peqqussutaani kap. IV aamma V aammalu kulturimut qaamniarsaanermullu tunngasumik sulineq pillugu landstingip peqqussutaani kap. II malillugit tunniunneqarsinnaasut atorneqarnissaat pillugu ataatsimiititat aaliangiisinnaatissavai.
§ 56. Sunngiffimmi sanunisassanut ataatsimiititat sunngiffimmi atuartitsinermi pisortaasut ilinniartitsisullu isumasioqatigereerlugit ininik sunngiffimmi atuartitsinermut atortussanik pissarsiniarnissaq pitsanngorsaanissarlu kiisalu init sunik atortulersugaanissaat pillugit kulturimut atuartitsinermullu udvalgimut siunnersuuteqarsinnaapput.
§ 57. Sunngiffimmi sammisassanut ataatsimiititat ininik silamilu ingerlatsivinnik sunngiffimmi sammisassaqartitsiniarnermi, bibliotekeqarnerimi aammalu kulturimut qaammarsaanermullu tunngasunik sulinermut atorneqartussanik pisariaqartitsineq pillugu kulturimut atuartitsinermullu udvalgimut inassuteqarsinnaapput.
Immikkoortoq III
Kapitali 6.
Atuarfiit pisortaat suleqatigiillu rådii§ 58. Meeqqat atuarfii tamarmik atuarfimmi pisortamik imaluunniit skoleinspektørimik taaguutilimmik pisortaqassapput.
Imm. 2. Atuarfinni skoleinspektørimik pisortaqanngitsuni atuarfiup ilinniartitsisuisa ilaat atuarfimmi pisortanngortinneqassaaq.
Imm. 3. Pisortaq atuarfiup pineqartut siulersorneqarnerani aammalu atuartitsinermi pisortaavoq.§ 59. Kommunip qitiusumik atuarfiani pisortaq skoleinspektøritut qullertut atorfinitsinneqassaaq. Pisortaq taanna kulturimut atuartitsinermullu udvalgip nakkutilliinerani ikiuutissaaq.
§ 60. Meeqqat atuarfiini tamani marluk sinnerlugit aaliangersimasunik atorfeqarlutik ilinniartitsisulinni ilinniartitsisut rådiannik pilersitsineqassaaq, taakku tassaassallutik atuarfiup pisortaa, viceskoleinspektørit, ilinniartitsisut tjenestemandiusut, tassunga ilanngullugu skolepsykologit konsulentillu atuarfimmi aaliangersimasumik nal. akunnerinik atuartitsiffeqartut, timelærerit, ukioq kaajallallugu vikariusut kiisalu perorsaanermut tunngasumik suliallit.
Imm. 2. Atuarfinni aaliangersimasumik atorfilimmik ataasiinnarmik marlunnilluunniit ilinniartitsisulinni taakku ilinniartitsisut rådiattut sulissapput.
Imm. 3. Kommunini ataatsimit amerlanerusunik meeqqanut atuarfeqartuni kommunimi ilinniartitsisut siunnersuisoqatigiivinik pilersitsineqassaaq, taakku tassaassallutik atuarfiup pisortaa ataaseq, kommunimi atuarfimmi taamaattumik atorfeqartoqarsimappat viceskoleinspektøri ataaseq kiisalu kommunip atuarfiini tamani ilinniartitsisut sinnersaat ataasiakkaartut.
Imm. 4. Kommunimi ilinniartitsisut siunnersuisoqatigiivinut qinersineq ukioq ataaseq atortuusarpoq immikkoortukkuutaallu iluanni pisassalluni maleruagassat kulturimut atuartitsinermullu direktionip aaliangigai malillugit. Kommunimi ilinniartitsisut siunnersuisoqatigiivi kommunini skolepsykologeqarfiusuni taassuminnga ilaasortaaffigineqassapput.
Imm. 5. Ilinniartitsisut rådiata kommunimilo ilinniartitsisut siunnersuisoqatigiivisa siulittaasussatik namminneq qinertassavaat suleriaasissatillu namminneq aaliangersassallugit. Rådi siunnersuisoqatigiillu forreningsudvalgimik rådi siunnersuisoqatigiilluunniit sinnerlugit rådip siunnersuisoqatigiilluunniit suleriaasissaminni erseqqinnerusumik aaliangiinerat malillugu oqaaseqaateqartartussanik pilersitsisinnaapput.§ 61. Kulturimut atuartitsinermullu udvalgi kommunip atuarfeqarneranut tunngatillugu makkununnga tunngasut pillugit kommunimi ilinniartitsisut siunnersuisoqatigiivinit paasissutissanik piumasaqartassaaq:
1) Kommunimi atuarfeqarnermut pilersaarutinut taassumalu allannguutissaanut missiliuut kiisalu kommunimi atuarfeqarnerup ineriartortinneqarnissaanut pilersaarummut missiliuut.
2) Kommunip atuarfiini atuartitsinerup ingerlanissaata pilersaarusiorneqarneranut taassumallu allannguutissaanut missiliuutit.
3) Kommunip atuarfiini atuarfimmi nakorsaqarnermut, meeqqat kigutit nakorsaqarnerannut kiisalu atuarfimmi nerisitsisarnermut tunngasunik siunnersuutit.
Imm. 2. Kommunimi ataasiinnarmik meeqqat atuarfeqartumi nalunaarutit imm. 1-ime taaneqartut ilinniartitsisut rådiannit nalunaarutigineqassapput.§ 62. Ilinniartitsisut rådiata aaliangissavaa meeraq atuarfimmi immikkut atuartinneqassanersoq. Ilinniartitsisut rådiata aaliangiinera atuarfeqarnermut ataatsimiititanut saqqummiunneqarsinnaavoq.
Imm. 2. Atuarfeqarnermut ataatsimiititat makku pillugit oqaaseqaatit ilinniartitsisut rådiannut pissarsiariniassavai:
1) Atuarfimmi atuartitsinerup qanoq ingerlanissaanut pilersaarummut tassungalu allannguutissamut missiliuutit.
2) Suliassat ilinniartitsisut akornanni agguataarneqarneranni periaasissat aammalu sapaatip akunnikkuutaartumik sulinermut pilersaarut.
3) Atuarfimmi atuartitsinermut atortut nutaat atorneqarnissaat.
4). Init atuartitsiviusut atortulersorneqarnissaannik siunnersuut.
5). Aningaasartuutit atuarfimmut tunngasut pillugit atuarfeqarnermut ataatsimiititat siunnersuutaat.
6) Atuarfimmi malittarisassanut siunnersuutit.
Imm. 3. Ilinniartitsisut rådiat kulturimut atuartitsinermullu direktionip erseqqinnerusumik maleruagassiai malillugit atuarfimmi pineqartumi sanaartugassanut tunngasut suliarineqarneranni suleqataassaaq.§ 63. Ilinniartitsisut rådiat kommunimilu ilinniartitsisut siunnersuisoqatigiivi apeqqutit kommunimi atuarfeqarnermut tunngasut tamaasa pillugit oqaaseqaateqarsinnaapput aammalu atuarfeqarnermut ataatsimiititanut imaluunniit kulturimut atuartitsinermullu udvalgimut siunnersuuteqarsinnaallutik. Apeqqutit kulturimut atuartitsineritmllu udvalgimit imaluunniit kommunalbestyrelsimit saqqummiunneqartut tamaasa pillugit oqaaseqaateqartussaapput. Ilinniartitsisut rådiata kommunimilu ilinniartitsisut siunnersuisoqatigiivisa oqaaseqaataat siunnersuutaallu atuarfiup pisortaa imaluunniit skoleinspektøri qullersaasoq aqqutigalugu taassuma oqaaseqaataanik ilallugit ingerlateqqinneqartassapput.
Imm. 2. Ilinniartitsisut rådiata aammalu kommunimi ilinniartitsisut siunnersuisoqatigiivisa sulineranni maleruagassat erseqqinnerusut kulturimut atuartitsinermullu direktionip aaliangersassavai.§ 64. Rådit siunnersuisoqatigiillu sulineranni aningaasartuutit kommunip akilissavai kulturimut atuartitsinermullu direktionip erseqqinnerusumik maleruagassiai malillugit.
§ 65. Kommunini ilinniartitsisut siunnersuisoqatigiivisa siulittaasui aammalu Danmarkimi kalaallit atuarfiini ineqarfiuutigisuni ilinniartitsisut pisortallu sinniisimittut qinigaat katillutik tassaapput nuna tamakkerlugu ilinniartitsisut siunnersuisoqatigiivi.
Imm. 2. Nuna tamakkerlugu ilinniartitsisut siunnersuisoqatigiivi kulturimut atuartitsinermullu direktionimut oqaaseqaateqarsinnaapput siunnersuuteqarsinnaallutillu meeqqat atuarfiat pillugu apeqqutinik sunilluunniit nalinginnaasunik tunngaviusunillu. Siunnersuisoqatigiit ataatsimiitassapput akuttunerpaamik ukiup aappaa allortarlugu.
Imm. 3. Nuna tamakkerlugu ilinniartitsisut siunnersuisoqatigiivisa nammineerlutik sulinerminni periaasissatik aaliangersartassavaat
siulittaasussarsiortassallutillu. Siunnersuisoqatigiit sinniisissaminnik qinersissapput kulturimut atuartitsinermullu direktionip ataatsimiinerini najuuttartussamik, tak. § 9.
Imm. 4. Kulturimut atuartitsinermullu direktioni sukumiinerusumik malittarisassiorsinnaavoq siunnersuisoqatigiit ingerlanerat pillugu.
Imm. 5. Siunnersuisoqatigiit ingerlanerannut aningaasartuutit landstingip isumagissavai.
Immikkoortoq IV
Kapitali 7.
Assuarlersinnaatitaaneq§ 66. Kommunini pisortat aaliangigaannut nuna tamakkerlugu ingerlatanut imaluunniit suliassarititaasunut tunngasunut imaluunniit meqqat atuarfiat, sunngiffimmi sammisassaqartitsineq, bibliotekeqarneq aaminalu kulturimut qaammarsaanermullu tunngasumik sulineq aaliangersakkallu allat landstingimit imaluunniit kulturimut atuartitsinermullu direktionimit aaliangersarneqarsimasut qanoq paasineqarsinnaanerannut tunngasumik assuarliutiginiakkat pisortanit, suliniaqatigiiffinnik inunnilluunniit aaliangiinermi direktionimut saqqummiunneqassapput. Kommunimi pisortat aaliangigaannut allanut tunngatillugu assuarliutit kommunalbestyrelsimit inaarutaasumik aaliangiiffigineqassapput, landstingip inatsisaani imaluunniit landstingip peqqussutaani allatut aaliangiisoqarsimanngippat.
Kapitali 8.
Allatut aaqqissuussisinnaaneq naamassinninniutillu pillugit aaliangersakkat§ 67. Pissutsit immikkoorluinnartut pillugit kulturimut atuartitsinermullu direktioni aaliangersaasinnaavoq kulturimut atuartitsinermullu tunngasut siulersorneqarnerat peqqussummi massumani aaliangersakkanit allaasumik aaqqissuunneqassasoq.
§ 68. Kulturimut atuartitsinermullu direktioni qanoq'iliuusissat peqqussummi taaneqartut naamassineqarnissaat aammalu ikaarsaariarnissamut tunngasut pillugit erseqqinnerusunik maleruagassiorsinnaavoq.
§ 69. Peqqussut atulissaaq 1. januar 1980.
Nuuk, 16. oktober 1979.
Jonathan Motzfeldt/
Thue Christiansen