Kulturikkut aammalu inunnik qaammarsaanermik sulineq pillugu Landstingip peqqussutaa, nr. 3, 15. oktober 1979.
Kapitali I.
Suussusia siunertarlu.§ 1. Kulturikkut aammalu inunnik qaammarsaanermik sulineq landstingip peqqussutaa manna naapertorlugu ima paasineqassaaq inunnut tamanut ammasunik ataatsimiititsisarneq, peqatigiiffinni sulineq, aviiseqarneq atuagassiaqarnerlu, saqqummersitsinerit, isiginnaartitsisarnerit aammalunipilersoqatigiit tusarnaartitsisarneri aammalu ilioriusissat allat, suliniutinik kulturimut tunngasunik tamanut atortuusunik aammalu inunnut qaammarsaataasunik siunertaqartut.
Imm. 2. Kulturikkut aammalu inunnik qaammarsaanermik sulineq peqqussut manna naapertorlugu ikiorsiivigineqarsinnaasoq ataatsimut isigalugu pissusiviusunik tunngaveqassaaq illuinnaasiortuunani tamatigoortuussallunilu.
Kapitali II.
Kommunet suliassaat.§ 2. Kulturikkut aammalu inunnik qaammarsaanermik sulineq kommunalbestyrelsip isumagissavaa, takuuk § 1.
§ 3. Kommunalbestyrelsi § 2 naapertorlugu ikiorsiissuteqarsinnaavoq najukkani ilioriusissanut § 1-mi taaneqartunut.
§ 4. Kommunalbestyrelsip pisariaqartumik annertussusilimmik init iluaqusersuutissallu allat atugassanngortissavai.
Kapitali III.
Landstingip suliassai.§ 5. Landstingip isumagisassarissavai qaammarsaanermik ilisimatitsissuteqartarnermillu suliassat nuna tamakkerlugu atortuusut aammalu siunnersortitigut kommunenut ikiorsiissalluni kulturikkut aamma inunnik qaammarsaanermik sulinissaq siunertaralugu.
Imm. 2. Qaammarsaanermik ilisimatitsissuteqartarnermillu sulinermi pissusiviusunik tunngaveqarneq tamatigoornerlu sapinngisamik annerpaamik anguniarneqassapput.
Imm. 3. Pissusiviusunik tunngaveqarnermik tamatigoortumillu amigaateqarnermik paasisat pillugit assuarliutit suliassiissutigineqassapput inunnik qaammarsaaneq pillugu rådimut, takuuk kulturikkut ilinniartitsinermilu sulinerup aqunneqarnissaa pillugu landstingip peqqussutaani § 11, imm. 5.§ 6. Landstingip isumagissavaa filminik pissarsiorneq ingerlaartitsinerlu aammalu najukkani filmertarfinnut siunnersortitigut ikiorsiissalluni.
§ 7. Landstingi ikiorsiissuteqarsinnaavoq kattuffinnut nuna tamakkerlugu atortuusunut aammalu ilioriusissanut nuna tamakkerlugu tunngassuteqartunut.
§ 8. Peqqussut atulissaaq 1. januar 1980.
Nuuk, 15. oktober 1979
Jonathan Motzfeldt/
Thue Christiansen