Imigassanik aalakoornartortalinnik nioqqutegartarneq sassaallertarnerlu pillugu landstingip peqqussutaa nr. 2, 19. maj 1979-imeersoq.

 

§ 1. Inatsimmi nr. 99-imi 16. februar 1973-imeersumi kingusinnerusukkut Kalaallit Nunaannut tunngasutigut allanngortinneqarsimasumi, imigassat aalakoornartortallit nioqqutaasarnerannut sassaalliutaasarnerannullu tunngasumi, § 20 naapertorlugu Kalaallit Nunaata Landstingianit piffissatigut killilersuinerit matumuuna imaattut aalajangersarneqarput:

§ 2. Imigassat aalakoornartortallit killilersugaasut nioqqutaasinnaapput ataasinngornermiit tallimanngornermut nalunaaqutaq ataatsiniit (13°°) pisiniarfiit matuffissaat tikillugu aamma arfininngornermi nalunaaqutaq aqqanerniit (11°°) pisiniarfiit matuffissaat tikillugu.
Stk. 2. Stk. 1-imi aalajangersakkat saniatigut nalliuttuni, juulliaqqami, ukiortaap ulluani kunngit pingasut ulluannilu nioqquteqartoqassanngilaq.
Stk. 3. Illoqarfiit nunaqarfiillu ataasiinnarmik nioqquteqarfillit aamma illoqarfiit nunaqarfiillu arlalinnik ataatsikkut matusartunik nioqquteqarfiillit pillugit Inunnik isumaginninnermut landsstyremandimit aalajangiiffigineqarsinnaapput, ammasarfiit stk. 1-imi taaneqartut nioqquteqarfiit ammasarfiinut assingusunngorlugit allanngortinneqarnissaannik.

§ 3. Imigassat aalakoornartortallit killilersugaasut sassaalliutigineqarsinnaapput ullut tamaasa nalunaaqutaq arferngup (18°°) unnua-qeqqatalu (24°°) akornanni.
Stk. 2. Stk. 1-imi aalajangersakkat saniatigut juullip ulluani, tallimanngornermi tannaartumi porskip ulluani pinsillu ulluani sassaallertoqassanngilaq. Juulliaqqami nalunaaqutaq arfineq-pingasut (20°°) kingornatigut sassaallertoqassanngilaq.
Stk. 3. Immikkut pisoqartillugu piffissap taaneqartup avataani imigassat aalakoornartortallit killilersugaasut sassaalliutigineqarsinnaanerat illoqarfimmi politiit kommunalbestyrelsep ilaleereernerata kingorna akuersissutigisinnaavaat. Peqatigiiffinnut katisimaartunullu matoqqasunut aamma taamatut akuersissuteqartoqarsinnaavoq, tak. inatsimmi § 14.

§ 4. §§ 2-mi %-milu aalajangersakkat unioqqutinneqartillugit akiliisitaasussanngornermik eqqartuussisoqarsinnaavoq, tak. inatsimmi § 23.

§ 5. Landstingip peqqussutaa manna atortuulerpoq 1. august 1979. Atortuulernera ilutigalugu landsrådip ileqqoreqqusaa 20. oktober 1978-imeersoq imigassanik aalakoornartortalinnik nioqquteqartarnermut sassaallertarnermullu tunngasoq atorunnaarsinneqarpoq.

Taamaalilluni akuerineqarpoq Kalaallit Nunaata landstingianit.

Nuuk, ulloq 19.maj 1979.

Jonathan Motzfeldt

/

Moses Olsen