Arsâringnigdlutik akilîsitsissartut (pantefogedit) ãma akilerârutit tiguniarneKartarnerat pivdlugit nalunaerut nr. 10, 26. juni 1979.

Aningaussarsianit akilerarutit pivdlugit landstingip inatsisâne nr. 5-ime 19. maj 1979-imêrsume § 42, stk. 5, § 43, stk. 1, § 80, § 81,stk. 8 ãma § 111 túngavigalugit máko aulajangersarneKarput:

 

A. pantefogedit.

§ 1. Akilerârutinik kommunep piumassarissainik tiguniaissusáput inuit kommunalbestyrelsemit pantefogeditut sulinigssamut akuerssârneKartut. akilerârutinik akilerârtarnerme KutdlersaKar fiup (direktoratip) piumassarissainik tiguniaissûsáput inuit landsstyremit pantefogeditut sulinigssamut akuerssârneKartut.
Stk. 2. Pantefogede nangminerssorsínáussusiliúsaoK pissariaKartumigdlo agdlagfingme ilíniarsimásavdlune. inuit kommuneme, landskasseme imalunît akilerârtarnerme KutdlersaKarfíngme nautsorssûtinik agdlagtuissûvdlutigdlunît, kasselerissûssut pantefogeditut sulissugssángortíneKarsínáungitdlat.

§ 2. Pantefogede taimatut KínuvigineKarune ãma akilerârutinik kommunet avdlat akilerârtarnermilo KutdlersaKarfíup pissagssáinik tiguniaissusaoK.

§ 3. TiguniaineK písaoK Kalâtdlit-nunãne erKartussineK pivdlugo inatsíme kap. 7-ime maleruagagssiat maligdlugit.

§ 4. Akiligagssalingme táussumane kommunet ardlagdlit, táukunúnga ilángutdlugo akilerârtarnerme KutdlersaKarfik, pissagssait tiguniarneKásagpata pantefogedip piumassaKautit tiguniásavai tiguniaerKussivdlune KínuteKautit tigôrarneKarnermingne tugdlerîngnerat maligdlugo.

§ 5. TiguniaineK písaoK ilisimangnigtûssup (ugpernarsaissugssap) kommunaldirektørimit imalunît skattedirektørimit torKarneKartup najunerane.

§ 6. Pantefogedip tiguniailernermine akiligagssaKartoK nalunaerfigísavâ tiguniagkat akiligagssanut sunut túngassûneránik ãmalo piv figssamik tiguniainerup piârnerpâmik autdlarnerfigissagssânik. tamatuma saniatigut nalunaerutigineKásaoK sumîvfik tiguniaivdlune KanoK iliûseKarnerup autdlartivfigssâ, tak. § 7.
Stk. 2. Aakiligagssalingnut atausiákânut nalunaerutigingníssut avîsêrKane nalunaerúmik tamanutdlunît takussagssiatut agdlagarsissúmik taorserneKarsínauvoK.
Stk. 3. Aakiligagssalingnut nalunaerutigingníssut tamanutdlunît tusagagssiaringningneK aitsât pisínauvoK uvdlup erKortumik akilîvfigssap kingugdliup kingornatigut. tiguniaineK piârnerpâmik autdlarnerneKarsínauvoK nalunaerutigingníssutip tusagagssiaringningneruvdlunît kingornatigut sapâtip akúnerata atautsip Kângiúnerane.

§ 7. Tiguniaivdlune KanoK iliûseKarneK autdlarnerneKásaoK akiligagssagdlip najugâne iluanârniuteKarnerminilunît adresseane. pantefogedivdle aulajangersínauvâ tiguniaivdlune KanoK iliûseKarneK agdlagfingmine autdlarnerneKásassoK.
Stk. 2. Tiguniaivdlune KanoK iliûseKarneK autdlarnerneKarsimassoK ingerdlatinarneKarsínauvoK akiligagssagdlip pigissai sumîvfingme avdlamîgpata.
Stk. 3. Tiguniaivdlune KanoK iliûseKarneK pisínauvoK akiligagssalik najûtíngíkaluarpatdlunît.

§ 8. Uvdlormit tiguniainerup pisínauvfíanit,tak. § 6, akiligagssagdlip ingminut pisínaujungnaersitsissûssumik aningaussat akîtsugarissane pantefogedimut akilersínauvai.

§ 9. PiumassaKautip erKortûnera imalunît tiguniaivdlune KanoK iliûseKarnerup píssusigssamisôrtûnera pivdlugo akiligagssalik imalunît inuk avdla akilerdlilîgpata pantefogede tamána pivdlugo agdlagkiúsaoK, taimáitordle tiguniaivdlune KanoK iliúseKarnine ingerdlatinásavdlugo.
Stk. 2. IsumaKatigingningniarneK ugperaarsainiarnerdlunît pantefpgedimut pisínáungitdlat, táussumalo aperKut ernersumik erKartussissoKarflngme tiguniaiviussume underretimut aulajangigagssángortísavâ. TiguniaineK kommunet avgornerisa avatãne pigpat aperKut Kalâtdlit-nunâta landsretianut aulajangîvigissagssángortíneKásaok.

§ 10. Pantefogedip aningaussat tigussane kommunet imalunít akilerârtarnerme KutdlersaKarfmgmut atorfeKarfingminut túniutísavai. kommune tåuna imalunît akilerârtarnerme KutdlersaKarfik tiguniaineK aningaussatdlo pantefogedip tigusimassai pivdlugit akissugssáussuseKarpoK.
Stk. 2. Kinguáutôrutit (akiligagssat) tiguniarneKartut kommunep avdlap imalunît akilerârtarnerme KutdlersaKarfiup pissagssarigpagit kinguáutôrutit akilerneKarêrpata tiguniaigaluarnerdlunît asulinarsimagpat pantefogede tamána pivdlugo kommunemut imalunît akilerârtarnerme KutdlersaKarfmgmut stk. 1-ime taineKartumut nalunaeruteKásaoK. kommune táuna imalunît akilerârtarnerme KutdlersaKarfik nalunaerúmik ingerdlatitserKísaoK tiguniaivdlunilo KanoK iliûseKarnerup inernerata kingornatigut uvdlut 14 Kângiutíngíneráne nautsorssueKatigingnísavdlune (aningaussat tiguneKarsimassut nagsiutísavdlugit). tiguniaivdlune KanoK iliûseKarneK inerneKarsínausimángigpat taimáitoK ukiup agfai tamaisa nalunaeruteKartoKartardlunilo nautsorssueKatigîgtoKartásaoK.

 

B. akigssarsiat tunissatdlo il. il. iláinik unerartitsineK.

§ 11. Aningaussat landstingip inatsisâne § 81 maligdlugo sulisitsissumit unerartíneKartut kommunemut imalunît akilerârtarnerme KutdlersaKarfingmut unerartitsinigssaK pivdlugo inássuteKarsimassumut akilerneKásáput.
Stk. 2. Aningaussat stk. 1 -ime pineKartut Káumatip unigtitsinermut tugdliussup autdlarKautâne akiligagssángúsáput, uvdlordlo pivfigssaugatdlartitdlugo akilîvfigssaK kingugdleK tássáusaoK Káumáme akilîvfigssaussume uvdluínaK (arfiníngornerit nautsorssûtiginagit) kingugdlerpâK.

§ 12. AkiliuteKarnermut peKataussumik sulisitsissup kommune imalunît akilerârtarnermut KutdlersaKarfik § 11, stk. 1-ime taineKartoK agdlagángugkamik nalunaerfigísavâ akilerârtartup inugtut normuanik, arKanik najugânigdlo tauvalo aningaussat  unerartitat KanoK amerdlatigineránik.

§ 13. Sulisitsissup akilerârtartoK agdlagángugkamik máko pivdlugit nalunaerfigísavâ:
1) aningaussat unerartitat KanoK agtiginerat,
2) aningaussat unerartitagssanik ilángarneKarsimassut,
3) sulisitsissup arKa, najugâ sulisitsissututdlo normua, ãma
4) akilerârtartup arKa, najugâ, inugtut normua imalunît kináussutsimut ugpernarsautitut normo sulisitsissup atugâ avdla. inûp normua normulunît kináussutsimut ugpernarsautaussoK pigineKángigpata taineKásaoK uvdloK akilerârtartup inúngorfia, uvdloK Káumat ukiordlo taivdlugit.

§ 14. Aningaussarsiagdlit atausiákât tungaisigut unerartitsinerit nautsorssûtait agdlagtorneKásáput skemamut unerartitsinigssamik KínuteKáumut ilángutdlugo nagsiúneKarsimassumut akilerârtarnerme KutdlersaKarfingmit suliarineKarsimassumut, imalunît avdlatut sukumîssumik agdlagtorneKásavdlutik nautsorssûtinik agdlagtuinermut nalingínaussumut atatitaussumik.

§ 15. Sulisitsissup nautsorssûsiornermut atortut bilagitdlo unerartitsinermut túngassut uníngatísavai ukiup unerartitsiviussup nânerata kingornatigut ukiune tatdlimane.

§ 16. SulisitsisssoK pissugssauvoK kommunep imalunît akilerârtarnerme KutdlersaKarfiup §11, stk. l-ime taineKartup unerartitsinigssaK pivdlugo ingminut inássutigisimassainut túngassumik agdlagángordlugit aperKutigdlîssutaussut akinigssãnut. aperKutigdlîssutip tigunerata kingornatigut uvdlut 14-ingúngíneráne akissoKásaoK.

§ 17. Aulajangersagkanik §§ 12- 16-inîtunik uniorKutitsinerit akilîsitaunermik pitdlarneKásáput uniorKutitsineK piâralunêrsumik mianerssuaitdliorujugssuarníkutdlunît pisimagpat. uvdlormôrtumik akiliutigssautitat landstingip inatsisâne § 43, stk. 2-me pineKartut akilerârtarnerme KutdlersaKarfiup aulajangísavai.

§ 18. Nalunaerut mána maligdlugo sulisitsissumik taineKartoK tássauvoK inuk kinalunît landstingip inatsisâne kap. 5 maligdlugo unerartitsissugssautitaussoK.
Stk. 2. Aulajangersagkat §§11- 17-initut taimáitoK ãma tunissanêrsunik unerartitsinermut atortugssáuput.

§ 19. nalunaerut 1. januar 1980 atûtilerpoK.

Nuuk, den 26. juni 1979.

Jonathan Motzfeldt

/

Kaare Hagemann