Akilerârtarnerme nalikitdlînerit il. il.pivdlugit nalunaerut nr. 9, 26. juni 1979

Aningaussarsianit akilerarutit pivdlugit landstingip inatsisâne nr. 5-ime 19. maj 1979-imêrsume § 17, nr. I túngavigalugo máko aulajangersarneKarput:

 

§ 1. Nalunaerúme maleruagagssat atuput maskînanut, peKutinut ingerdlatsinermutdlo atortunut ássigissáinut inûtigssarsiornermut atorneKartunut avdlanut, ímákut angatdlatinut inûtigssarsiornermut atorneKartunut igdlûtinutdlo inûtigssarsiornermut atorneKartunut. igdlumut ilángutdlugit nalikitdlilerneKásáput ingmíkut atortulersûtit agssagkatdlo, avKusernit, igdlûtit akornáne ungalussat, bîlit unigtarfê, ungalûgkat ássigissaitdlo igdlumut inûtigssarsiornermut atorneKartumut atassut atavíngíkaluardlutigdlunît igdlûtip ingerdláneKarneranut iluaKutaussut.
Stk. 2. IlángautigineKarsínáupútaoK ingerdlássap piorêrnermine pitsaoKutâ (goodwill) pigssarsiarinerane akiliutaussoK ãma pissugssauvfít pivfígssanik kigdliligkat kîsalo ininut inussutigssarsiornermut atugagssángordlugit átartugkanut avdlángortiterinernut aningaussartûtit atortunutdlo sutdlivingmut igdlumutdlunît inûtigssarsiorníkut ingerdlatsinerme pissariaKartunut atássusernermut aningaussartûtit.
Stk. 3. Landsstyrep landsstyrevdlunît taimailiornigssamut pigínautitâta akuerisínauvâ autdlartisarnermut, misilerainermut ilisimatusarnermutdlo, pissarîtdlisainermut, igdlumut torKavigssamut pitsángorsainermut aningaussartûtit aningaussartûtitdlo ássingussut aningaussarsiat pigssarsiariniarneKaraeránut pissariaKartut aningaussarsianit akilerâruteKautaussugssanit ilángautigineKarsínaussut.

 

IngmíkôrtoK I.
Pigissat inussutigssarsionerínarmut atorneKartut.

§ 2. Pigissat ingmíkôrtume matumane aulajangersagkanit pineKartut pigssarsiarineKaraeráne aningausartûtausimassut ukiume pigssarsiarineKarfiáne aningaussarsianit akilerâruteKautausssugssanit tamákîssumik ilángautigineKarsínáuput.
Stk. 2. PigssarsiarineKarneráne aningaussartûtit ukiume pigssarsiarineKarfiáne tamákîssumik ilángautigineKángigpata tauva pigssarsiarineKarneránut aningaussartûtit ilait nalikitdlilerneKarsimángitsut ukiume tugdlerme kingusingnerussumilunît pigingnigtup nangminêrdlune piumassâ maligdlugo ilángautigineKarsínáuput.

§ 3. Ingerdlatsinermut atortut ímákutdlo angatdlatit túniúneKarêrpata pigssarsiarineKartutut issigineKarput.
Stk. 2. UvdloK igdlûtip pigssarsiarineKarfiatut issigineKartoK tássauvoK ukioK igdlûtip pigssarsiarineKarfía inerfialunît.

§ 4. PigissaK ingmíkôrtume matumane aulajangersagkane pineKartoK pigssarsiarinerane aningaussartûtit iláinit nalikitdlilerneKángitsunit Kagfasingnerussumik akilersitdlugo tunineKarpat iluanârutit ukiume tunineKarfíane aningaussarsianut akilerâruteKautaussugssanut ilángúneKásáput.
Stk. 2. PigissaK pigssarsiarinerane aningaussartûtit iláinit nalikitdlilerneKángitsunit mingnerussumik akilersitdlugo tunineKarpat ajunârutit ukiume tunineKarfiane aningaussarsianit akilerâruteKautaussugssanit ilángautigineKásáput.
Stk. 3. Tamákîssumik nalikitdlilîssoKariángitsoK igdlût isaterneKarpat aningaussat sule nalikitdlíssutausimángitsut isaternerdlukut il. il.tunineKásagpata akigititanik migdlilerdlugit ukiume isaterneKarfiane aningaussarsianit akilerâruteKautaussugssanit ilángautigineKarsínáuput.

 

IngmíkôrtoK II.
Pigissat inussutigssarsiornermut privatimigdlo sujunertanut atorneKartut.

§ 5. Imákut angatdlatit, maskînat, peKutit ássigissaitdlo ingerdlatsinermut atortut ingmíkôrtume matumane aulajangersagkane pineKartut pigssarsiarineKarneráne aningaussartûtit ingerdlatsinerme atortup inûtigssarsiornermut atorneKarnerata tamarmiussumigdlo atorneKarnerata ingmingnut nikinganeránut nalerKútumik ukiume pigssarsiarineKarfiáne, tak. § 3, aningaussarsianit akilerâruteKautaussugssanit ilángautigineKarsínáuput.
Stk. 2. pigssarsiarineKarneráne aningaussartûtit ilait inûtigssarsiúmut atorneKarneránut nâpertutut ukiume pigssarsiarineKarfíáne tamákîssumik ilángautigineKarsínáungigpata tauva táuko ilait nalikitdlilerneKarsimángitsut ukiume tugdlerme kingusingnerussumilunît pigingnigtup nangmineK piumassâ maligdlugo ilángautigineKarsínáuput. katitdlugit nalikitdlilerneKarsínaussut tássatuáuput pigssarsiarineráne akiliutit ilait ingerdlatsinerme atortup ukiume nalikitdlilîvfiussume inûtigssarsiornermut atorneKarnerata tamarmiussumigdlo atorneKarnerata ingmingnut nikinganeránut nalerKútut.
Stk. 3. Aitsât nalikitdlilîneK pisínauvoK ukiume aningaussarsiorfingme pineKartume inûtigssarsiornermut atorneKarnera tamarmiussumik atorneKarnerata mingnerpâmik agfarigpago.

§ 6. Igdlûtit ingmíkutdlo atortulersûtit il. il.ingmíkôrtume matumane aulajangersagkanit pineKartut pigssarsiarineKarneráne aningaussartûtit igdlûtip narKata angnertússusiata inûtigssarsiúmut atorneKarnerata tamarmiussumigdlo atorneKarnerata ingmingnut nikinganeránut nalerKútumik ukiume pigssarsiarineKarfiáne, tak. § 3, aningaussarsianit akilerâruteKautaussugssanit ilángautigineKarsínáuput.
Stk. 2. PigssarsiarineKarneráne aningaussartûtit ilait inûtigssarsiúmut atorneKarneránut nâpertutut ukiume pigssarsiarineKarfîáne tamákîssumik ilángautigineKarsimángigpata tauva táuko ilait nalikitdlilerneKarsimángitsut ukiume tugdlerme kingusingnerussumilunît pigingnigtup nangmineK piumassâ maligdlugo ilángautigineKarsínáuput. igdlûtip atorneKarnerane píssutsit, taimailivdlune narKata angnertússusiata inûtigssarsiornermut atorneKartup angnertusineranik kinguneKartumik, avdlángúsagaluarpata nalikitdlilîneK tássunga nâpertutumik angnertusineKarsínauvoK.
Stk. 3. Aitsât nalikitdlilîneK pisínauvoK ukiume aningaussarsiorfingme pineKartume igdlûtip narKata angnertússusiata inûtigssarsiornermut atorneKaraerata tamarmiussumik atorneKarnerata mingnerpâmik agfarigpago imalunît igdlûtip narKata inûtigssarsiúmut atorneKartup angnertússusia mingnerpâmik 100 m²-ugpat.

§ 7. PigissaK ingmíkôrtume matumane aulajangersagkanit pineKartoK tunineKarpat ukiume tunineKarfiane nalikitdlilîneK pisínáungilaK. pigssarsiarinerane aningaussartûtit iláinit nalikitdlilerneKángitsunit Kagfasingnerussumik akilersitdlugo tunineKarpat iluanârutip ilâ, tássaussoK aningaussat nalikitdlíssutausimassut pigssarsiarineranilo aningaussartûtausimassut ingmingnut nikinganeránut nalerKútoK, ukiume tunineKarfiane aningaussarsianut akilerâruteKautaussugssanut nautsorssuneKásaoK.
Stk. 2. PigissaK pigssarsiarinerane aningaussartûtit iláinit nalikitdlilerneKángitsunit mingnerussumik akilersitdlugo tunineKarpat ajunârutit ukiume tunineKarfiane aningaussarsianit akilerâruteKautaussugssanit ilángautigineKarsínáuput. taimáitordle ilángautit nalikitdlilissutaorêrsut katigutdlugit § 5-ime § 6-imilo maleruagagssat maligdlugit aningaussat nalikitdlíssutausínausimagaluartut sivnersínáungilait.
Stk. 3. Tamákîssumik nalikitdlilîssoKariángitsoK igdlût isaterneKarpat aningaussat sule nalikitdlíssutausimángitsut isaternerdlukut il. il.tunineKásagpata akigititanik migdlilerdlugit ukiume isaterneKarfiane aningaussarsianit akilerâruteKautaussugssanit ilángautigineKarsínáuput. taimatut atûtísaoK stk. 2-me oKauseKatigît áipãne aulajangersagaK.

 

IngmíkôrtoK III.
Aulajangersagkaí nalingínaussut

§ 8. Pigissat kingornússarsiníkut, avguainertaKángitsumik atautsimut pigissat áipaernermut piginagagssángortíneKarnerisigut, pissortanit suliarineKángitsumik áipaussumut sivisunerussumik inûssumut pissagssángortíneKarnerisigut imalunît áiparît pigissamingnik avguainerisigut pigssarsiarineKarsimagpata tauva pigissat nalunaerúme matumane aulajangersagkat túngavigalugit kingornússarsissumit áipaussumitdlunît pissugssamit pivfígssane táukunane aningaussanigdlo toKussumit áipaussumitdlunît pigssarsiarineráne akiliutaussunik naleKartumik pissutut suliarineKásáput,nalikitdlilînerusimasínaussutdlo pigssarsissumit nalikitdlilîsimanertut issigineKásavdlutik.

§ 9. pigissat tuníssutitut kingornússarsiatutdlunît sujumôrníkut pigssarsiarineKarsimagpata pivfîgssame pigssarsiarineKarfiáne tunineKásassûgunik akigisínaussât pigssarsiarineráne nalungátut issigineKásáoK. pigissat tuníssutitut kingornússarsiagssanitdlunît sujumôrtitsiníkut pigiungnaerneKartut pivfigssame pigiungnaerfiáne tunineKásassûgunik akigisínaussât pigiungnaerneráne akiussutut issigineKásaoK.

§ 10. Pigissat privatinavingmik atorneKaraluartut tamákîssumik iláinakortumigdlunît inûtigssarsiornermut atorneKalernerat kîsalo nunanit avdlanit imalunît Danmarkimit Savalingmiunitdlo Kalâtdlit-nunãne akilerâruteKautaussugssamik ingerdlatsinermut atugagssanik nûgsineK pisinertut nautsorssuneKarput. pivfigssame atuinermik avdlángortitsinerme/nûgsinerme tunineKásassûgunik akigisínaussât pigssarsiarineráne nalingátut issigineKásaoK.
Stk. 2. Pigissat tamákîssumik iláinakortumigdlunît mûtigssarsiornermut atorneKaraluartut privatimik atorneKalernerat kîsalo nunanut avdlanut imalunît Danmarkimut Savalingmiunutdlo Kalâtdlit-nunãne akilerâruteKautaussugssamik ingerdlatsinermut atugkanik nûgsineK tunissinertut nautsorssuneKarput. pivfigssame atuinermik avdlángortitsinerme/nûgsinerme tunineKásassûgunik akigisínaussât tunineKarneráne nalingåtut issigineKarpoK.
Stk. 3. Pigissat tamákîssumik inûtigssarsiornermut atorneKartut iláinakortumik atorneKalerpata pârdlagtuanigdlunît pissoKarneratigut tamána tunissinertut pisinertutdlo issigineKarpoK. pivfigssame atornerisa avdlángorfiáne tunineKåsassûgunik akigisínaussait tunineråne pigssarsiarineránilo nalingátut issigineKarput.
Stk. 4. Pigissat Kalâtdlit-nunâta avatâne inûtigssarsiornermut atorneKartut kingusingnerpâmik tamákîssumik akilerârtugssaunerup atorungnaerfiane tunineKartutut issigineKarput. pivfigssame tássane tunineKásassûgunik akigisínaussât tunineráne nalingátut issigineKarpoK. taimáitoK sivneKartôrutit nalunaerut mána maligdlugo nalikitdlilînerusimassut sivnersínáungilait.

§ 11. Pitsángorsainermut aningaussartûtit pigssarsiaringningnerme aningaussartûtitut suliarineKásáput.
Stk. 2. Pitsángorsainermut aningaussartûtitut issigineKartut taimâgdlât tássáuput aningaussartûtit pigissap pigssarsiarineranit pitsaunerulerneranut atorneKarsimassut.
Stk. 3. pigissaK ínardligausimagpat pigissap ínardligáungíneranit pitsaunerulerneranut aningaussartûtausimassut taimâgdlât pitsángorsautitut issigineKarput.

§ 12. Pigissap aseruvíngnera tunissinertut issigineKarpoK. tuninerane akiussutut issigineKarput aserorneranut atassumik sitdlímasîssarfingmit pigssarsiausínaussut taortisiausínaussutdlunît.
Stk. 2. pigissamik ajoKusertôrsimagáine pigssarsiarinerane akiliutausimassut iláinit nalikitdlilerneKarsimángitsunit ajoKusertôrnermut atassumik sitdlímasîssarfmgmit pigssarsiausínaussut taortisiausínaussutdlunît ilángautigineKásáput. tamatumane aningaussat sivnerússausínaussut ukiume ajoKusertôrfingme aningaussarsianut akilerâruteKautaussugssanut nautsorssuneKásáput.

§ 13. Pigissanik (auláikaussunik) nâlagauvfingmut pigissagssángortitsinermut atassumik taortisiat tunissinerme akitut issigineKarput.

§ 14. PigissaK nâlagauvfingmut pigissagssángortíneKarneratigut aseruvingneratigutdlunît pigiungnaerneKarpat landsstyrep táussumalunît pigínautitâta akuerssíssutigisínauvâ iluanârut akilerâruteKautaussugssaK ukiume pigiungnaerfíane aningaussarsianut akilerâruteKautaussugssanut nautsorssuneKásángitsoK.
Stk. 2. akuerssíssuteKarnigssamut túngaviúsaoK ukiup pigingnigkungnaerfíup nâneranit ukiume aningaussarsiorfíussume tugdliútume pigissaugaluartup ássinganik pisârtoKásassoK ãmalo iluanârut akilerâruteKautaussugssaK ukiume tássane aningaussarsianut akilerâruteKautaussugssanut ilángutdlugo nautsorssuneKásassoK. landsstyrep táussumalunît pigínautitâta pkt. 1-ime pivfigssarititaussoK sivitsorsínauvâ.
Stk. 3. Aulajangersagkamik tamatumínga atuinermut KínuteKaut kingusingnerpâmik túniúneKásaoK ukiumut pigingnigkungnaerfingmut nangminêrdlune nalunaerssuivfingmik túniússinigssamut pivfigssautitap nâvfiane.
Stk. 4. Pivfigssarititaussup stk. 2-me aulajangerneKaríup nãngínerane pigissaugaluartup ássinganik pisârneK píngigpat imalunît iluanârut akilerâruteKautaussugssaK ukiume pigssarsiviussume aningaussarsianut akilerâruteKautaussugssanut nautsorssuneKángigpat, tauva iluanârut ukiume pigingnigkungnaerfingme aningaussarsianut akilerâruteKautaussugssanut nautsorssuneKásaoK.

§ 15. Pigissamik KularnavêrKusîníkut taorsigagssarsianut aningaussartûtit, matumane ilauvdlutik pápiarautit nalikitdlinere, landsstyre táussumalunît pigínautitâ taimailiornigssamut akuerssíssuteKartínago pigssarsiarineranut pítsángorsarneranutdlunît aningaussartûtinut nautsorssuneKarsínáungitdlat.
Stk. 2. Imákut angatdlatit pigssarsiarineráne aningaussartûtit nautsorssorneKarneráne Kalâtdlit-nunãne inûtigssarsiutinut ikiorsissutit pivdlugit inatsit maligdlugo taorsigagssarsiat ernialersugaunatigdlo akilersugáusángitsut nautsorssuneKásángitdlat. taorsigagssarsiat akilersorneKarnigssât piumassarineKarpat pigssarsiarineráne aningaussartûtit akilersorKuneKartunut nâpertutumik KagfangneKásáput.

§ 16. Nangminêrdlune nalunaerssût pivfigssaugatdlartitdlugo túniúneKarsimángigpat akilerârtugssautitaK tamatumúnga skatteråde akuerssíssuteKarsimángigpat nalingínaussumik ingerdlatsinermut nalikitdlilînerit sivnerdlugit nalikitdlilîsínáungilaK.
Stk. 2. Nangminêrdlune nalunaerssuivfingmik túniússinigssamut pivfigssarititap nânerata kingorna akilerârtartoK nalikitdlilînernik taimâgdlât skatterådip akuerssíssuteKarneratigut avdlángortitsisínauvoK.

§ 17. Pigissat nalunaerúmit matumánga pineKartut pigissat nautsorssorneKarneráne nalinginut nalikitdliligkanut nalunaerneKásáput.

§ 18. Nangminêrdlune nalunaerssumik túniússinerminut atatitdlugo akilerârtugssautitap nalunaerutigísavâ pigissat nalikitdlilerneKarsínaussut KanoK akilerdlugit ãmalo Kanga pigssarsiarineKarsimanerat, KanoK angnertutigissumik inûtigssarsiornermut atorneKarnersut ãmalo ukiume aningaussarsiorfingme pigissat pigiungnaersimassat KanoK akilingmik pigiungnaerneKarsimanersut. pâsíssutigssat akilerârtarnerme KutdlersaKarfiup iliûsigssiâ nâpertordlugo túniúneKásáput.

 

IngmíkôrtoK IV.
aulajangersagkaí atulersitsissûssut ikârsârutaússutdlo.

§ 19. Nalunaerut ukiumit aningaussarsiorfingmit 1980-imit súniuteKardlune atûtilerpoK.

Nuuk, den 26. juni 1979.

Jonathan Motzfeldt

/

Kaare Hagemann