Ingerdlatsinermut nautsorssûtinut nangminêrdlune nalunaerssuivfingmut ilángúneKartugssanut piumassarineKartut mingnerpât pivdlugit nalunaerut nr. 8, 26. juni 1979.
Aningaussarsianit akiler'futit pivdlugit landstingip inatsisâne nr. 5-ime 19. maj 1979-imêrsume § 53, stk. 2 túngavigalugit máko aulajangersarneKarput:
§ 1. Ingerdlatsinermut nautsorssûtit landstingip inatsisâne § 52, stk. 3 ãma § 53, stk. 1 túngavigalugit nangminêrdlune nalunaerssuivfíngmut ilángúneKartugssat takutísavât iluanârutit aningaussartûtinik ilángauteKángitsut (bruttoavance) KanoK ilivdlutik pineKarsimassut tunissat amerdlássusîsa, niorKutigssautit avdlángorarnere nautsorssûtigalugit niorKutigssanik atortugssanigdlo atuinerit, niorKutigssat nangmineK atugagssat ímaKalo ãma aningaussarsiat aníngaussartûtitdlo nautsorssuinerme ilángúneKarsimassut nalunaerutiginerisigut.
§ 2. Suliat sule ingerdlatat iluanârutinut aningaussartûtinik ilángauteKángitsunut ilángúneKarsimagpata nalunaerutigineKásaoK KanoK ilivdlune suliap nalinga aulajangerneKarsimanersoK.
§ 3. NiorKutigssanut akiligagssagdlit, niorKutigssanut akiligagssaKarfît suliatdlo sule ingerdlatat ingerdlauartumik nautsorssûsianut ilángutdlugit agdlagtugaussarsimángitsut ukiup aningaussarsiorfiussup autdlartínerane nâneranilo angíssusê iluanârutit aningaussartûtinik ilángauteKángitsut nautsorssorneráne ingmíkôrtitdlugit nalunaerneKásáput.
§ 4. Aningaussartûtit sûnere najorKutaralugit ingmíkôrtiterneKásáput, sôrdlo: aningaussarsiarititat il. il., ineKarnermut akiliut, aserfatdlagtailiuinermut aningaussartûtit, erniat, sitdlímasînermut aningaussartûtit,angalanernut aningaussartûtit, ilagsingningnermut aningaussartûtit, Kamutinut motorílingnut angatdlatinutdlo aningaussartûtit il. il.
§ 5. Ingerdlatsinermut atortunik il. il. akilerârtarníkut nalikitdlilîneKarsínaugpat akilerârtarníkut nalikitdlilînerit il. il. pivdlugit nalunaerut maligdlugo akilerârtarníkut nalikitdlilînerme pâsíssutigssîssugssauneK maleruarneKásaoK. akilerârtarníkut nalikitdlilînerit atautsimôrdlugit, iluanârutinik aningaussartûtinik ilángauteKángitsunik (bruttoavance) nautsorssuinermut súniuteKartugssaujungnaerdlugit,agdlangneKásáput.
§ 6. Pigissanut nautsorssûtinut ingerdlatsinermut nautsorssûtinut ilángutdlugit nagsiúneKartugssanut atassumik nagsiúneKåsaoK isertitat aningaussartûtitdlo túngavigalugit, iluanârutinit túniúneKartut túngavigalugit, aningaussanik niorKutigssanigdlunît pigingnigtup tigusissarnere túngavigalugit imalunît pigissat akîtsutdlo avdlángorarnere isertitat aningaussartûtitdlo nautsorssorneráne takuneKarsínáungitsut túngavigalugit nangmineK pigissat (egenkapital) KanoK avdlángorarsimaneránut navsuiaut.
§ 7. Aningaussartûtit nautsorssûsiorfingnut agdlagtorneKarsimassut sujunertanut inûtigssarsiornermut nangminerissamutdlo atassunut atorneKarsimagpata ingerdlatsinermut kontomît nangmineralugo kontomut nûgsisimaneK ingerdlatsinermut nautsorssûtine aningaussartûtinut agdlagtugkane takutíneKásaoK.
§ 8. Agdlagtugkane ingmíkôrtitane akilerârtugssautitap nangminêrdlune akilerârutinut akilersimassai nautsorssûtinut ilángúneKarsimassut pivdlugit pâsíssutigssaKartitsineKásaoK.
§ 9. Akigssarsiarititanut nalunaerúme aningaussarsiat A-t il. il. agdlagsimassut ingerdlatsinerme ilángautigineKarsimassunit avdlaugpata tamána pivdlugo navsuiauteKartoKásaoK.
§ 10. Aktieselskabit il. il. akilerârtugssautitaussut mingnerpâmik piumassarissanik inorssartunik tamanut sarKumissunik nautsorssûtigdlit pissugssáuput nangminêrdlune nalunaerssumik nagsiússinermingne nautsorssûtinut ilángutísavdlugit nautsorssugkat ingmíkôrtiterineritdlo pissariaKartut, taimailivdlune Kulâne piumassarineKartut nãmagsineKarKuvdlugit. ãma taimáitugssauvoK umiarssuauteKaKatigîngne peKatigîngnilo ássigîngitsunik akissugssáussusilingne (kommanditselskaber) peKataussut tungaisigut.
§ 11. Nalunaerut ukioK aningaussarsiorfíussoK 1980 autdlarnerfigalugo súniuteKardlune atûtilerpoK.
Nuuk, den 26. juni 1979
Jonathan Motzfeldt/
Kaare Hagemann