Aningaussarsiat A-t akilerârutitdlo A-t nautsorssûsiorneKarnigssãnut nalunaerut nr. 6, 26. juni 1979.

Aningaussarsianit akilerârutit pivdlugit landstingip inatsisâne nr. 5-ime 19. maj 1979-imêrsume § 42, stk. 5, § 100, stk. 4 ãma § 111 túngavigalugit máko aulajangersarneKarput:

 

§ 1. Unerartitsissugssautitat aningaussarsiat A-t túniúneKarnerat akilerârutitdlo A-t unerartíneKarnerat nautsorssûsiugagssarait.
Stk. 2. Nautsorssûtit suliarineKásáput akilerârtarnerme KutdlersaKarfiup (skattedirektoratip) ingmíkut nautsorssûsiorfiliânut ilitsersûsiat tássane agdlagsimassut nâpertordlugit imalunît maleruagagssiat §§ 3 - 6-imitut maligdlugit unerartitsissugssautitap nangmineK nautsorssûtaine kontonut ingmíkut ítunut inigssitdlugit.

§ 2. Nautsorssûsiorfît (regnskabshæfte) atorneKarpata táuko bilagitdlo atorneKartut ilángutdlugit ukiup nautsorssûsiorfiup nautsorssûtinut kingugdlermik agdlagfiup nânerata kingorna ukiut tatdlimat torKorsimaneKásáput.
Stk. 2. Nautsorssûsiorfît (regnskabshæfte) atorneKarnerat inatsisit avdlat nâpertordlugit nautsorssûtinik ingerdlatsinigssamut nautsorssûsionigssamutdlo pissugssaunermut angnikitdlíssutigssáungilaK.

§ 3. Unerartitsissugssautitat ãma avdlatigut nautsorssûsiortartut nangmingneK aulajangersínauvât aningaussarsiat A-t akilerârutitdlo A-t nangmingneK nalingínaussumik nautsorssûsiorfingmingne kontonut ingmíkut inigssíkumanerdlugit. taimaigpat nautsorssûsiorneK ingerdláneKásaoK akigssarsianik il. il. Sunigdlunît aningaussarsianik. A-jussunik túniússinerit tamaisa »anmgaussarsianut A-nut isumangnaerivfigtut konto«-mut ingmikut ítumut agdlagtarnerisigut.
Stk. 2. Aningaussarsiat A-t stk. 1-ime taineKartutut inigssíneKásáput aningaussarsianit táukunánga atausiákâtigut akilerârutinik A-nik unerartitsineKásagaluarpatdlunît. isumangnaerivfigtut kontome aningaussarsianut A-nut túngassut kisimik inigssíneKásáput. isumangnaerivigtut kontomut taimâgdlât kreditimut inigssîneKarsínauvoK kontomut tássunga sujusingnerussúkut inigssísimassanut iluarsissutinik.
Stk. 3. Ingmíkut píssutigssaKartitdlugo akilerârtarnerme KutdlersaKarfiup aulajangersínauvâ unerartitsissugssautitat stk. 1-ime taineKartutut nautsorssûsiortarnigssamik aulajangersimassut ãmátaoK kontot isumangnaerivfigssat avdlat atúsagait aningaussarsiat A-t ilaisa assigíngitsut inigssíneKarfigssáitut. Tauva tísápútaoK.
Stk. 4. Ama nautsorssûtine pilersíneKásaoK akiligagssaKarfingnut konto ingmíkôrtoK: »akilerârutinut A-nut konto«. kontome tássane inigssíneKásáput akilerârutit A-t unerartitat ãmalo akilerârutinik A-nik unerartitanik sulisitsissutut kommunemut akilînerit. kontome tássane avdlanik inigssîssoKásángilaK.

§ 4. Unerartitsissugssautitat nangmingneK nautsorssûtimingne aningaussarsianut A-nut akilerârutinutdlo A-nut nautsorssuivfeKartut, tak. § 3, taimailiornermingnut peKatigititdlugo akigssarsiagdlit atausiákât tamaisa kontomik,kontokortimik taimaerKatáinigíitunît nautsorssuivfeKartísavait, tássanilo pineKártunut aningaussarsiat A-t túniúneKartut akilerârutitdlo A-t unerartíneKartut tamarmik agdlagtorneKásavdlutik. aningaussarsiat A-t túniúneKartut kontomut il. il. agdlangneKásáput táukunánga atausiákâtigut akilerârutinik A-nik unerartitsineKásagaluarpatdlunît. kontome il. il. taimâgdlât iluarsîneKartásaoK titaivdlune atorungnaersitsiníkut imalunît nalerisaivigingningníkut.
Stk. 2. Aningaussarsiat A-t akilerârutitdlo A-t kontome il. il. taineKartune agdlagtorsimásáput tamaisa ingmíkut kateriáinángordlugit. katitsineK taimáitoK pissásaoK Káumatisiutit maligdlugit ukiup nânere tamaisa, inerneratdlo kontome il. il. agdlangneKásaoK.

§ 5. Unerartitsissugssautitap aulajangiúsimagpago aningaussarsiat A-t akilerârutitdlo A-t nangmineK nautsorssûtimine nautsorssûsiornigssât akilerârtarnerme pissortat aulajangersimassumik, sivikínerpâmik uvdlunik 14-inik, pivfígssaKartitsivdlune piumassarisínauvât nautsorssûtit, ãma inigssînerit § 4-me taineKartut, piumassarineKartup sarKúmiúneKarnerata sujorna Káumatisiutit maligdlugit Káumat kingugdleK ilángutdlugo erKordluarsagausimásavdlutigdlo nalerîsarsimásassut.

§ 6. UnerartitsissugssautitaK aningaussarsianik A-nik akilerârutinigdlo A-nik nangmineK nautsorssûtimine nautsorssûsiortartoK pissugssauvoK atuagkat nautsorssûsiorfît, pápiarat atausiákât, kortit imalunît tamákua ássigissait ãmalo nautsorssûtit bilagê ukiup nautsorssûsiorfiup pineKartup nâneranît ukiut tatdlimat torKortarísavdlugit.

§ 7. Unerartitsissugssautitat aningaussarsiat A-t akilerârutitdlo A-t nangmingneK nautsorssûtimingne nautsorssûsiornigssãnik aulajangiússisimassut sulisitsissutut kommunemingnit imalunît akilerârtarnerme KutdlersaKarfingmit perKuneKarsínáuput nautsorssûsiorfît (regnskabshæfte) § 1-ime taineKartut atúsagait maligtarissagssat § 3 - 6-ine taineKartut erKortíneKángigpata.

§ 8. Ingmíkut píssutigssaKartitdlugo akilerârtarnerme KutdlersaKarfik nautsorssûsiornermut piumassarineKartunik sujulîne taineKartunik atuíngitsôrtitsisínauvoK.

§ 9. Uvdlormôrtumik akiliutigssat landstingip inatsisâne § 100, stk. 4-me erKartorneKartut nautsorssûtinik il. il. MisigssuisínaunigssaK imalunît nagsiússissoKarnigssaK anguniardlugo unerartitsissugssautitanut akiligagssángortitausínaussut akilerârtarnerme KutdlersaKarfîup aulajangísavai.

§ 10. Aulajangersagkanik § 1, § 2, stk. 2, § 3, § 4 ãma § 6-initunik uniorKutitsinerit akilîsitsinermik pitdlauteKartíneKásáput piâralune mianerssuaitdliorujugssuarníkutdlunît uniorKutitsineKarsimagpat. taimatútaoK pitdlarneKásaoK § 5 nâpertordlugo akilerârtarnerme pissortaussut piumassarissáinik pivfigssautitdlugo nãmagsingnigsimángitsoK.

§ 11. Nalunaerut 1. januar 1980 atûtilerpoK.

Nuuk, den 26. juni 1979

Jonathan Motzfeldt

/

Kaare Hagemann