Aningaussarsiat A-t akilerârutitdlo A-t il. il. pivdlugit navsuiateKartarnermut nalunaerut nr. 5, 26. juni 1979.

Aningaussarsianit akilerârutit pivdlugit landstingip inatsisáne nr.5 §§ 42-43 ãma § 111 túngavigalugit máko aulajangersarneKarput:

 

Aningaussarsiat A-t akilerârutitdlo A-t pivdlugit navsuiaut.

§ 1. Kinalunît landstingip inatsisâne kapitale 5 maligdlugo akilerârutinik unerartitsissugssautitaK aningaussarsiat A-t túniúneKartut akilerârutitdlo A-t unerartíneKartut pivdlugit navsuiauteKartugssauvoK.
Stk. 2. NavsuiauteKarneK písaoK akilerârtarnerme KutdlersaKarfiup (direktoratip) navsuiautinut agdlagtuivfigssiai atordlugit. Táuko ímersorneKásáput aningaussarsiagdlit tamaisa ingmíkut pivdlugit pâsíssutigssanik sukumîssunik akilerârtarnerme KutdlersaKarfiup ilitsersussinera maligdlugo. navsuiautit agdlangneKarfisa ássinge ãmalo nautsorssûtit bilagitdlo navsuiautinut túngaviussut Káumatisiutit maligdlugit ukiup navsuiautinut túngassup nâneranit sivikínerpâmik ukiune tatdlimane unerartitsissugssautitap torKortarissugssauvai.
Stk. 3. unerartitsissugssautitat aningaussarsiat A-t akilerârutitdlo A-t nautsorssûsiorneKarnigssãnik nalunaerúme § 3-me maleruagagssiat maligdlugit nãmaginartumik nautsorssûsiornermingnik ugpernarsaissut navsuiautinut agdlagfigssiat ingmíkut ítut stk. 2-misut aningaussarsialingnut tamanut ingmíkôrtitigáungitsunik imaKartut atornigssãnut akuerineKarsínáuput. sulisitsissutut kommuneme imalunît akilerârtarnerme KutdlersaKarfingmit taimailiornigssaK akuerssíssutigineKásaoK, kommunevdle imalunît akilerârtarnerme KutdlersaKarfiup akuerssíssutaugaluaK atorungnaersísínauvâ unerartitagssane, navsuiautinik túniússinigssane imalunít nautsorssûtine iluamik suliarisimanagitdlo suliaríngitsôrtarsimagpagit. liaríngitsôrtarsimagpagit.
Stk. 4. Navsuiautinut agdlagtuivfigssat sulisitsissup kommuneanut imalunît akilerârtarnerme KutdlersaKarfingmut sussagssaKartumut nagsiúneKåsåput, tak. unerartitsissugssautitat nalunaerssugaunerat pivdlugo nalunaerut.
Stk. 5. Ingmíkut píssutigssaKartitdlugo akilerârtarnerme KutdlersaKarfíup akuerssíssutigisínauvâ unerartitsissugssautitap aningaussarsianik A-nik akilerârutinigdlo A-nik stk. 2 - 4-ne oKautigineKartunit avdlaussumik navsuiauteKarnigssâ.
Stk. 6. Káumatíkûtârtumik unerartitanut navsuiautit sulisitsissutut kommunerissamut imalunît akilerârtarnerme KutdlersaKarfíngmut kingusingneipâmik túniúneKartugssáuput Káumatisiutit maligdlugit Káumatip tugdliane uvdluínarme kingugdlerme (arfiníngornerú-
ngitsume).

§ 2. Navsuiaut pivfigssarerKussaK erKordlugo nagsiúneKángigpat unerartitsissugssautitap sulisitsissutut kommuneminut imalunît akilerârtarnerme KutdlersaKarfingmut akilísavâ pivfígssame pineKartume akiligagssaugaluit 1%-iat. akiliutigssaK mingnerpâmik 100 krûniúsaoK angnerpâmigdlo 500 krûniúsavdlune. akiliutigssap nautsorssornerane ørînait ilángúneKásángitdlat.
Stk. 2. ingmíkut píssutigssaKartitdlugo stk. 1 maligdlugo akilînigssaugaluaK sulisitsissutut kommunip imalunît akilerârtarnerme KutdlersaKarfíup píngitsôrtísínauvâ.

§ 3. Unerartitsissugssautitap akilerârutinik A-nik nautsorssuinerane aningaussat akilerârutinik nautsorssuinerme atorneKartut krûninik 10-nik avguartarialingnut Kaningnernut ámut akungnaitdlineKarsínáuput.
Stk. 2. stk. 1 maligdlugo ámut akungnaitdlîneKarpat akilerârutigssatut nautsorssugkat krûninut ilivitsunut Kaningnernut Kúmut akungnaitdlineKásáput. stk. 1 maligdlugo ámut akungnaitdlîneKángigpat akilerârutigssatut nautsorssugkat krûninut ilivitsunut Kaningnernut ámut akungnaitdlineKásáput.

 

Akilerârutinik A-nik akilîneK.

§ 4. Akilerârutit A-t unerartitsissugssautitap Káumatip ingerdlanerane unerartísimassai Káumatip tugdliussup uvdluisa autdlarKautãne akiligagssángúsáput; kingusingnerpâmik akilîvfigssaK tássáusaoK Káumáme akilîvfígssame uvdluínaK kingugdleK (arfíníngornerúngitsoK).
Stk. 2. AkilîvfîgineKásaoK kommune imalunît akilerârtarnerme KutdlersaKarfik § 1, stk. 4 ãma 5 maligdlugit navsuiáumik nagsíneKartugssaussoK.
Stk. 3. Unerartitsissugssautitap túniússivigssaK stk. 1-ime oKautigineKartoK erKordlugo akilerârutit A-t akilíngigpagit landstingip inat-sisâne § 68, stk. 2 maligdlugo akilerârutit A-t kingusinârdlugit akiligkat sulisitsissutut kommunep imalunít akilerârtarnerme KutdlersaKarfiup pissagssainik ernialerneKásáput uvdlormit akilîvfigssaugaluamit Káumámut 1 pct -mik. ernianik nautsorssuinerme ørinait ilángúneKásángitdlat.

§ 5. Unerartitsissugssautitap sulivfíutine aningaussarsianik A-nik túniússaKarnermik nagsataKarsimassoK taimaitigpago kingusingnerpâmik taimaitíneKarfíata kingornagut uvdlut Kulit Kângiúneratigut akilerârutit A-t akilerneKásáput ãmalo aningaussarsiat A-t akilerârutitdlo A-t pivdlugit navsuiautip kingugdliup túniúnerata kingorna pivfigssamut navsuiaut túniúneKásavdlune. pivfigssarititaK taineKartoK sapãme nagdliútunilo imalunît arfíníngornerme nâgpat pivfigssautitaK uvdluínarmut Kaningneruvdlune tugdlíútumut sivitsorneKásaoK.
Stk. 2. Unerartitsissugssaunerup atorungnaernerane ãmalo unerartitsissugssautitap unerartitagssane imalunît navsuiautinik túniússinigssane iluamik suliarisimanagitdlunît suliaríngitsôrsimagpagit sulisitsissutut kommuneata imalunît akilerârtarnerme KutdlersaKarfíup stk. 1, § 1, stk. 6 ãma § 4, stk. 1-ime taineKartunit sivikínerussumik navsuiautinik akiligagssanigdlo túniússivigssanut pivfígssalersínauvâ.
Stk. 3. Navsuiáumik nagsiússissoKásaoK unerartitsissugssautitaK Káumatisiutit maligdlugit Káumáme aningaussarsianik A-nik túniússaKarsimángíkaluarpatdlunît, tak. § 1, stk. 6.

 

Skattekortit.

§ 6. Unerartitsissugssautitap aningaussarsiagdlip hovedkortia imalunît frikortia tigúmísavâ pârísavdlugulo. aningaussarsiagdlip piumassarigpago imalunît tássunga aningaussarsianik A-nik túniússineKartarungnaerpat utertíneKásaoK, taimáitordle   kingusingnerpâmik Káumatisiutit maligdlugit ukiup nânerane.Káumatisiutit maligdlugit ukiup nânerane aningaussarsiagdlip hovedkortime frikortimilunît tigunigssâ kigsautigíngigpago unerartitsissugssautitap tigujumángisaK isumangnaitsumik aserortísavâ.
Stk. 2. Unerartitsissugssautitap aningaussarsiat A-t aningaussarsiarititane frikortimut agdlagtúsavai. kingusingnerpâmik agdlagtuineKásaoK frikortip aningaussarsissumut túniúneKarnerane.

§ 7. UnerartitsissugssautitaK maleruagagssat kingulîne agdlagsimassut maligdlugit pâsíssutigssanik navsuiauteKarnigssaminut atugagssaminik ãmalo landstingip inatsisâne § 88, stk. 1 maligdlugo aningaussarsiat A-t akilerârutitdlo A-t pivdlugit pâsíssutigssanik pigssarsiniásaoK.
Stk. 2. Unerartitsissugssautitap hovedkorte imalunît frikorte tigusimassane imalunît bikorte takutíneKartoK túngavigalugo nalunaerssúsavai aningaussarsiagdlip inugtut normua, arKa, kommune akilerârfia, unerartitagssat nautsorssorneKángíneráne aningaussarsianit A-nit ilángautigineKartugssaujungnartut, tak.landstingip inatsisâne § 40, stk. 2, ãmalo ilángautigssap procentia (akilerârutigssaK) nautsorssuinerme atugagssaK. frikortime túniúneKartume nalunaersimagpata angnerpâmik ilángauteKartínagit unerartitsissugssautitamit aningaussarsiarisínaussat, táuko ãma agdlangneKásáput.
Stk. 3. Nalunaigkat stk. 2-me taineKartututítut ãmátaoK nalunaerneKásáput akilerârtarnerme pissortaussut landstingip inatsisâne § 40, stk. 7 maligdlugo unerartitsissugssautitaK pâsíssutigssanik skattekortime, bikortime imaiunît frikortime ítunik nalunaerfigigpássuk.
Stk. 4. Hovedkorte frikortilunît túniúneKángigpat ãmalo bikorte takutíneKángigpat unerartitsissugssautitap pigssarsiariniásavai pâsíssutigssat ugpernarsautigssagdlit aningaussarsiagdlip kináussusianut túngássuteKartut, tauvalo nalunáisavai pineKartup arKa, taimáinerane najugâ inugtutdlo normua imalunît taimáitumik peKángigpat uvdloK, Káumat ukiordlo inûvia. sulivfigissamine najugaKaratdlarpat tauva unerartitsissugssautitap ãma najugarivigdlugo najugânik pâsissane nalunáisavâ.
Stk. 5. Hovedkorte frikortilunît túniúneKarsimagaluarpata bikorte takutíneKarsimavdlune imalunît kináussutsimik avdlatut ilisimatitsíssuteKaraluarpat taimáitoK unerartitsissugssautitaK pissugssauvoK pâsíssutigssat sarKúmiúneKartut ãmalo aningaussarsiagdlip kináussuserigunagâ ingmingnut nalerKútûnersut pâsiniásavdlugo.
Stk. 6. Pâsíssutigssat stk. 2 - 4-ne taineKartut nalunaerneKásáput nautsorssûsiorfingnut ingmíkut ítunut (regnskabshæfte) imalunît kontonut il. il. unerartitsissugssautitaussut ilaisa aningaussarsianik pissartut atausiákât tamaisa pivdlugit agdlagtuivigssáinut, tak. aningaussarsiat A-t akilerârutitdlo A-t nautsorssûsiorneKarnigssãnik nalunaerúme § 4.

 

Aulajangersagkat avdlat.

§ 8. Aningaussarsiat A-t túniúneKarneráne unerartitsissugssautitap aningaussarsissoK agdlagángordlugo ilisimatísavâ aningaussarsiaisa Kavsiússusiánik, pivfigssamik aningaussarsivfiussumik ãmalo akilerârutit unerartitat amerdlássusiánik. ilisimatitsíssúme tássane nalunaerneKásáput unerartitsissugssautitap arKa, najugâ, aulisitsissutut kommunea sulisitsissututdlo normua unerartitsissugssautitap táussuma kináussusianut ugpernarsautitut atugâ avdla. inugtut normo ilisarnautitutdlunît normo avdla pigineKángigpat uvdloK, Káumat ukiordlo aningaussarsissup inûvia nalunaerneKásaoK.

§ 9. § 1, stk. 2 ãma §§ 6 - 8-nik uniorKutitsinerit akilîsitsinermik pitdlauteKartíneKásáput piâralune mianerssuaitdliorujugssuardlunilunît uniorKutitsineKarsimagpat.

§ 10. nalunaerut 1. januar 1980 atûtilerpoK.

Nuuk, den 26. juni 1979

Jonathan Motzfeldt

/

Kaare Hagemann