Unerartitsissugssautitat nalunaerssugaunerat pivdlugo nalunaerut nr. 2, 26. juni 1979

Aningaussarsianit akilerârutit pivdlugit landstingip inatsisâne nr. 5-ime 19. maj 1979-imêrsume § 100, § 111 ãma § 116, stk. 7 túngavigalugit máko aulajangersarneKarput:

 

Sulisitsissunut nalunaerssuivfît.

§ 1. Kommunene tamane akilerârtarnermilo KutdlersaKarfingme (direktoratime) inuit selskabitdlo il. il. landstingip inatsisâne kapitale 5 maligdlugo unerartitsissugssautitaussut nalunaerssuivfíliorneKásáput. Nalunaerssuivfît kommunep akilerârtarnermilo KutdlersaKarfiup píssutsit avdlángorarnere najorKutaralugit iluarsiuagagssait taineKarput sulisitsissunut nalunaerssuivfingnik.

§ 2. Unerartitsissugssautitat kommunene (sulisitsissutut kommune) najugkamingne sulisitsissunut nalunaerssuivfingne ilángúneKásáput. unerartitsissugssautitat kommunet avgornerisa avatâne najugaKartut akilerârtarnerme KutdlersaKarfiup sulisitsissunut nalunaerssuivfiane ilángúneKásáput.

§ 3. Sulisitsissunut nalunaerssuivfíngnutilángúnigssamut nalorníssutit akilerârtarnerme KutdlersaKarfingmit ãma § 2-me maleruagagssanik malingníngínigssamik akuerssíssuteKarsínaussumit aulajangîvfigineKásáput.

 

Unerartitsissugssaunerup atulernera atorungnaerneralo.

§ 4. Unerartitsissugssaulernerme unerartitsissugssautitaK kingusingnerpâmik unerartitsissugssaulernermit uvdlut Kulit Kângiúneráne sulisitsissunut nalunaerssuivfíngmut, tak. § 2, nalunáisaoK.
Stk. 2. Stk. 1 maligdlugo nalunaerneK akile-rârtarnerme KutdlersaKarfiup nalunaernigssamut ímersugagssiâ atordlugo akilerârtarnerme KutdlersaKarfiup ilitsersuinera nâpertordlugo písaoK.

§ 5. Unerartitsissugssaunerup atorungnaernerane unerartitsissugssautitap aningaussarsianik A-nik akigssarsisitsinerup kingorna kingusingnerpâmik uvdlut Kulit Kângiúneráne sulisitsissunut nalunaerssuivfik tamatumínga nalunaerfigísavâ.
Stk. 2. UnerartitsissugssauneK atorungnaeratdlarpat stk. 1 maligdlugo nalunaernigssaK píngitsôrsínauvoK. taimáisagpat unerartitsissugssautitap aningaussarsiat A-t akilerârutitdlo A-t il. il. navsuiautigineKartarnerat pivdlugo nalunaerúme piumassaussutut navsuiautit nagsiútartuásavai.

§ 6. Sulisitsissunut nalunaerssuivfingme pâsíssutigssatut nalunaerssorsimassut sûtdlunît avdlángoraluarpata unerartitsissugssautitap avdlángorneKarneránit kingusingnerpâmik uvdlut Kulit Kângiúneráne sulisitsissunut nalunaerssuivfik tamatumínga nalunaerfigísavâ.

§ 7. Unerartitsissugssautitap aulajangersagkane §§ 4 - 6-ine piumassaussut maligsimángigpagit akilerârtarnerme KutdlersaKarfiup landstingip inatsisâne § 100 stk. 4 nâpertordlugo uvdlormut akiliuteKartugssángortísínauvâ.

§ 8. Aulajangersagkat §§ 4-6 uniorKutíneKarpata akilîssugssángortitsissoKarsínauvoK uniorKutitsineK piâralunêrinîkut mianerssuaitdliorujugssuarníkutdlunît pisimagpat.

 

Aulajangersagkat avdlat.

§ 9. Sulisitsissunut nalunaerssuivfit pâsíssutigssanik píssutsinut atutunut nâpertutumik imaKartuarnigssât pivdlugo il. il. akilerârtarnerme KutdlersaKarfik aulajangersagkanik avdlanik pissariaKartunik aulajangersaisínauvoK.

§ 10. Nalunaerut 1. januar 1980-ime atulerpoK.

Nuuk, den 26. juni 1979.




Jonathan Motzfeldt

/

Kaare Hagemann