§ 1

Kalaallit Nunaanni aalisarnermi pisarineqartut isumalluutinik atuinermut akitsuutit pillugit Inatsisartut inatsisaat nr. 46, 23. november 2017-imeersoq, kingullermik Inatsisartut inatsisaatigut nr. 13, 27. november 2018-imeersukkut, Inatsisartut inatsisaatigut nr. 8, 19. november 2021-meersukkut kiisalu Inatsisartut inatsisaatigut nr. 24, 1. december 2021-meersukkut allanngortinneqartoq imatut allanngortinneqassaaq:

1. § 5-imi nutaatut immikkoortoq 3-tut ilanngunneqassaaq:
“  Imm. 3.  Sinerissap qanittuani qaleralittanik Kalaallit Nunaanni tunitsivinnut tunisassiorfinnulluunniit pisanik suliarineqartussanik tunisinermi, akitsuut kiilumut 0 kr.-uvoq.”

2. § 6 kingorna ilanngunneqassaaq:
“  § 6 a.  Saarullinnut, kullerinut, saarulliusaanut suluppaakkanullu § 6, imm. 1 malillugu akitsuut 5 procentiuvoq. 
  Imm. 2.  Saarullinnut, kullerinut, saarulliusaanut suluppaakkanullu § 6, imm. 3 malillugu akitsuut 17,9 procentiuvoq.”

3. § 7, imm. 4, ima oqaasertalerneqassaaq:
“  Imm. 4.  Sinerissap qanittuani qaleralittanik tunisinermi akitsuut akip 0 procenteraa.”

§ 2

Inatsisartut inatsisaat ulloq 1. januar 2023 atuutilerpoq.

Namminersorlutik Oqartussat, ulloq 25. novembari 2022

Múte Bourup Egede
Naalakkersuisut Siulittaasuat