§ 1

Inuit innarluutillit tapersersorneqarnissaannut Inatsisartut inatsisaanni nr. 13, 12. juni 2019-meersumi makkuninnga allannguuteqassaaq:

1.  § 54, imm. 1, imannak oqaasertaqalissaaq:
”  Inuk innarluutilik 18-it sinnerlugit ukiulik nunagisaminut ukiumut ataasiarluni akiliunneqarluni tikeraarluni angalasinnaatitaavoq, piumasaqaatit makkua naammassineqarsimappata, taamaattoq takuuk imm. 3, 4 aamma 6:
1)  inuk § 13 malillugu najugaqaqatigiiffimmiippat, § 14 malillugu najugaqarfimmi illersugaasumiippat, imaluunniit § 18 malillugu ulloq unnuarlu neqeroorummiippat, aamma
2)  najugaqarfissatut neqeroorut inuup nunagisaata avataani inissisimappat.”

2.  § 54-imi imm. 5 immikkoortutut nutaatut ilanngunneqassaaq:
”  Imm. 6.  Imm. 1-4 malillugit tikeraarluni angalasinnaatitaanerit, eqqartuussut eqqartuussiviulluunniit tamanna pillugu aalajangernerata kingorna, inunnut innarluutilinnut ulloq unnuarlu neqeroorummi inissinneqarsimasunut atortinneqarsinnaanngillat.”

3.  § 55-imi imm. 5-ip kingorna immikkoortoq nutaaq ilanngunneqassaaq:
”  Imm. 6.  Imm. 1-4 malillugit tikeraarluni angalasinnaatitaanerit, eqqartuussut eqqartuussiviulluunniit tamanna pillugu aalajangernerata kingorna meeqqanut innarluutilinnut ulloq unnuarlu neqeroorummi inissinneqarsimasunut atortinneqarsinnaanngillat.”

§ 2

Inatsisartut inatsisaat ulloq 1. januaari 2022 atuutilissaaq.

Namminersorlutik Oqartussat, ulloq 19. november 2021

Múte Bourup Egede
Naalakkersuisut Siulittaasuat