Piginneqatigiilluni inissiat pillugit Inatsisartut inatsisaat nr. 33, 23. november 2017-imeersumi § 53, imm. 4 naapertorlugu aalajangersarneqarput:

  § 1.  Piginneqatigiilluni inissiaatillit peqatigiiffiannut malittarisassat, maleruagassanik nalunaarummi matumani ilanngussaq 1 naapertorlugu malittarisassani nalinginnaasuni aalajangersarneqartunik imaqassapput.

  Imm. 2.  Piginneqatigiilluni inissiaatillit peqatigiiffiat malittarisassamik akuersisimanngippat, malittarisassat nalinginnaasut atuutissapput.

  § 2.  Piginneqatigiilluni inissiaatillit peqatigiiffiannut malittarisassani, aalajangersakkanik malittarisassanut nalinginnaasunut akerliusunik aalajangersaasoqarsinnaanngilaq.

  § 3.  Nalunaarut manna ulloq 6. juli 2019 atuutilerpoq.

Namminersorlutik Oqartussat, ulloq 5. juli 2019

Karl Frederik Danielsen

/

Ruth Lindhardt