§ 1

Kalaallit Nunaanni aalisarnermi pisarineqartut isumalluutinik atuinermut akitsuutaat pillugit Inatsisartut inatsisaanni nr. 46, 23. november 2017-imeersumi makku allannguutigitinneqarput:

1. § 3, imm. 1 ima oqaasertalerneqassaaq:

“Avataasiorluni raajarniarnermi, qaleralinniarnermi, saarullinniarnermi,  kullererniarnermi, saarulliusaarniarnermi aammalu suluppaagarniarnermi akitsuutit §§-ini 4-mit 7-imut maleruagassat naapertorlugit akilerneqassapput.”

2. § 4, imm.1, ima oqaasertalerneqassaaq:

”Akitsuut tunisinermi, tassa pisat kiilumut ataatsimut tunineranni tulaanneranniluunniit akiusup procentinngorlugu ilaanit akilerneqassaaq. Pisarisaq suliareqqitaappat aalisakkatut ilivitsutut naatsorsorneqartassaaq. Aalisagaq ilivitsoq ima paasineqassaaq pisat ilaasa nalunaarutigineqarnerini naatsorsueriaatsit pillugit Namminersorlutik Oqartussat nalunaarutaat naapertorlugu aalisakkap uumanermini oqimaassusiatut naatsorsorneqartoq. Tunisinermi aki tassaavoq aki pisisumit tunisisumillu isumaqatigiissutaasoq, tassunga ilanngullugit bonusini tapiissutaasinnaasut, assartorneqarnerannut tapit assigisaalluunniit aningaasaqarnikkut nalillit aammalu tuniniaanermi aningaasartuutit, assartuineq il.il. ilanngaatiginagit.”

3. § 4-mi imm. 2-p kingorna nutaatut ilanngunneqassaaq:

”Imm. 3.  Pisarineqartut suliareqqinneqarnissat siunertaralugu Kalaallit Nunaanni tunitsivimmut tunisassiorfimmulluunniit tulaassinermi tunisinermi akigititat pillugit Naatsorsueqqissaartarfimmit paasissutissat atorneqassapput.”

Tamatuma kingorna imm. 3-4 tassaalissapput imm. 4-5.

4. § 5, imm. 2 ima oqaasertalerneqassaaq:

”Imm. 2.  Kalaallit Nunaanni tunitsivimmut tunisassiorfimmulluunniit suliareqqitassanik tulaassinermi akitsuut kiilumut 0 kr. 5 øre-ussaaq, aalisagaqatigiit kvartali tulaassiffiusoq kvartalinik marlunnik sioqqullugu tunineqarneranni agguaqatigiissillugu akiat kiilumut 8 kr.-iuppat.”

5. § 6, imm.3, ima allassimalissaaq:

” Imm. 3.  Akitsuutip procentiata 17,9 procent qaangissanngilaa.”

6. § 6, imm. 4 ima oqaasertalerneqassaaq:

”Imm. 4.  Akitsuutit procentii kvartalit akitsuutit atuuffissaat kingusinnerpaamik sapaatip akunneranik ataatsimik sioqqullugit akileraaruseriffiup nittartagaatigut tamanut saqqummiunneqassapput.”

7. § 7, imm. 1, ima oqaasertalerneqassaaq:

”Pisarineqartut suliareqqinneqarnissat siunertaralugu Kalaallit Nunaanni tunitsivimmut tunisassiorfimmulluunniit tulaassinermi akitsuut akiusup 5 procenterissavaa, aalisagaqatigiit kvartali tulaassiffiusoq kvartalinik marlunnik sioqqullugu tunineqarneranni agguaqatigiissillugu akiat kiilumut 8 kr.-iuppat angineruppalluunniit.”

8. § 7, imm. 4 ima oqaasertalerneqassaaq:

”Imm. 4. Qaleralinnik tulaassinermi, sinerissami qanittumi aalisarneqartut, akitsuutip akiusup 4 procenterissavaa.”

9. § 11, imm. 1, ima oqaasertalerneqassaaq:

”Kalaallit Nunaanni tunitsivimmut tunisassiorfimmulluunniit suliareqqitassanik tulaassisoqartillugu tulaassinermut atatillugu akiliutissanik tunniussisussap akitsuut akiliutissanit unerartissavaa. Unerartitsineq pissaaq unerartitsisussaasup aningaasanik unerartinneqartussanik naatsorsuineratigut, aningaasanillu taakkuninnga akiliutissanit ilanngaatiginninneratigut.”

10. § 12, imm. 2 ima oqaasertalerneqassaaq:

”Imm. 2.  Piffissami akitsuuteqarfiusumi akitsuutit akilerneqartut aalisagaqatigiinnut ataatsinut nalunaarsorneqartut 100 kr.-init ikinneruppata akitsuutinik taakkuninngalu akilikkanut nalunaarsuutit piumasaqaatigineqassanngillat.”

11. § 13, imm. 3 ima oqaasertalerneqassaaq:

”Imm. 3.  Piffissami akitsuuteqarfiusumi akitsuutit akilerneqartut aalisagaqatigiinnut ataatsinut nalunaarsorneqartut 100 kr.-init ikinneruppata akitsuutinik taakkuninngalu akilikkanut nalunaarsuutit piumasaqaatigineqassanngillat.”

12. § 17, imm. 1 ima oqaasertalerneqassaaq:

” Piaaraluni mianersuaalliorujussuarluniluunniit § 1, imm. 1-imik, § 11, imm. 2-mik, § 12, imm. 1-imik, § 13, imm. 1-imik imm. 2-milluunniit unioqqutitsineq imaluunniit sivikinnerusumik piffissaqarluni akiliinissamik § 14 naapertorlugu peqquneqarsimanermik qularnaveeqqusiinissamilluunniit peqquneqarsimanermik malinninnginneq Kalaallit Nunaanni Pinerluttulerinermik inatsimmi maleruagassat naapertorlugit pineqaatissiissutigineqarsinnaavoq.”

§ 2

Inatsisartut inatsisaat manna 1. januar 2019-imi atuutilerpoq aammalu aalisakkanut 1. januar 2019-imi kingusinnerusukkulluunniit aalisarneqartunut atuutissalluni.

  Imm. 2.  2019-imi kvartalimut siullermut aappaannullu akitsuutit procentii 2018-imi kvartalit pingajuanni sisamaannilu agguaqatigiissillugu akiusut pillugit paasissutissat tunngavigalugit aalajangersarneqassapput.”

Namminersorlutik Oqartussat, ulloq 27. november 2018