Ukiumut aningaasanut inatsiseqarfiusumut 2015-imut Inatsisartut aningaasanut inatsisigigallagassaat pillugu Inatsisartut inatsisaanni nr. 13-imi 1. oktober 2014-imeersumi makku allanngortinneqarput:

 

§ 1

1. § 4, imm. 1, nr. 1, oqaasertalerneqassaaq imatut:
 ”1) Sanaartornermi pilersaarutinut ingerlanneqartunut 319 mio. kr. tikillugit aningaasartuutit amerlineri inatsisinut erseqqissaatini aalajangersakkamut matumunnga sukumiisumik nassuiaaserlugit.”

2.§ 4-mi imm 4-5-itut nutaatut ikkunneqassaaq:
”4) Ungasissumut attaveqaqatigiinnermut akitsuutip 1 mio. kr. tikillugu qaffannissaanut inatsisitigut tunngavissaq.
5) Nuna tamakkerlugu internettikkut suliffissarsiortarfimmik 1,2 mio. kr. tikillugit suliat ingerlateqqinnissaannut.”

3.§ 7-p kingornatigut una ikkunneqassaaq:
Ӥ 7 a. Inatsisartut Naalakkersuisut pisinnaatissavaat akuersissutigissallugu, konto pingaarneq 34.11.02 Napparsimasut nunani allani katsorsarneqartarnerat, tarnikkut nappaatit, aamma inunnut tarnimikkut napparsimasunut pineqaatissinneqarsimasunut, Region Midtjyllandimi Psykiatrien-imit angerlartinneqarnerminnut atatillugu tarnimikkut suli katsorsarneqarnerminni ulloq unnulluarlu angerlarsimaffimmut angerlartinneqartarnerinut aamma atorneqassasoq.

§ 7 b. Inatsisartut Naalakkersuisut pisinnaatissagaat kommuninut ataatsimoortumik tapiissutit pillugit kommuninik ataatsimoortumik tapiissutit pillugit isumaqatigiissut uppernarsaqqinnissaanut, 1.295.145.000 kr. tikillugit aningaasartalerlugu. Naalakkersuisut pisinnaatinneqassasut kommunit aamma Kanukoka suleqatigalugit ukioq aningaasaqarfiusoq 2015 pillugu kommuninut ataatsimoortumik tapiissutit kommuninut immikkut ataasiakkaanut agguataarnissaat isumaqatigiissutigissallugit.”

§ 2

Inatsit atortuulersinneqarpoq ulloq 17. december 2014.

Namminersorlutik Oqartussat, ulloq 17.december 2014

Kim Kielsen