§ 1

Nunalerineq pillugu Inatsisartut inatsisaanni nr. 5-imi 2. maj 1996-imeersumi imaattumik allannguuteqartitsisoqassaaq:

1. § 14-ip kingornatigut ilanngunneqassaaq:

"Nunalerineq pillugu Siunnersuisoqatigiit

§ 14a. Naalakkersuisut Nunalerineq pillugu Siunnersuisoqatigiinnik pilersitsissapput ukuninnga ilaasortalimmik:
1) Siulittaasoq Naalakkersuisunit toqqagaq.
2) Ilaasortaq ataaseq Pinngortitaleriffimmit inassuteqaat tunngavigalugu Naalakkersuisunit toqqagaq.
3) Ilaasortat marluk Savaatillit Peqatigiit Suleqatigiissut toqqagaat.
4) Ilaasortaq ataaseq Nanortallip kommunianit toqqagaq.
5) Ilaasortaq ataaseq Qaqortup kommunianit toqqagaq.
6) Ilaasortaq ataaseq Narsap kommunianit toqqagaq.
7) Nunalerineq pillugu Siunnersuisoqatigiit suliffeqarfiutaanni sulisut sinniissaat ataaseq.
8) Ilaasortaq ataaseq Neqi A/S-imit toqqagaq.
9) Ilaasortaq ataaseq Fødevareministerie-mit toqqagaq.
Imm. 2. Nunalerineq pillugu Siunnersuisoqatigiit sapinngisamik Islandimiut nunalerinermut ilisimatusarfiannit taaseqataasinnaanani peqataasartumut atatinneqassaaq. Nunalerineq pillugu Siunnersuisoqatigiit pisariaqartitsineq malillugu avataanit immikkut ilisimasalinnik ikiorneqartassaaq, tassunga ilanngullugu Kalaallit Nunaaneersuunngitsumik immikkut ilisimasalinnik nunanit allaneersunik.
Imm. 3. Naalakkersuisut Nunalerineq pillugu Siunnersuisoqatigiit sulinerannut malittarisassiussapput Nunalerineq pillugu siunnersuisoqatigiillu missingersuusiornissaannut naatsorsuusiornissaannullu malittarisassiussallutik.

§ 14 b. Nunalerineq pillugu Siunnersuisoqatigiit apeqqutini nunalerinermut tunngasuni Naalakkersuisunut siunnersuisuupput.
Imm. 2. Nunalerineq pillugu Siunnersuisoqatigiit Naalakkersuisuisunit allatseqartinneqassapput.

§ 14. c. Naalakkersuisut Nunalerineq pillugu Siunnersuisoqatigiit suliassaannut piginnaatitaaffigisassaanullu maleruagassanik aalajangiisinnaapput. Nunalerineq pillugu Siunnersuisoqatigiit, Naalakkersuisut sinnerlugit inatsisartut inatsisaat tassungalu atatillugu aalajangersakkat malillugit, Naalakkersuisut sinnerlugit suliassanik suliaqarnissaanut, tassunga ilanngullugu aalajangiisinnaanermut nakkutilliisinnaanissamullu piginnaatitaanissaanut Naalakkersuisut maleruagassanik aalajangiisinnaapput.
Imm. 2. Nunalerinermut Siunnersorteqarfiup Upernaviarsummilu misileraaviup aqunneqarnissaannut ingerlanneqarnissaannullu, Nunalerineq pillugu Siunnersuisoqatigiit Naalakkersuisut sinnerlugit piginnaatinneqarnissaannut, Naalakkersuisut maleruagassanik aalajangersaasinnaapput.

§ 14 d. Nunalerineq pillugu Siunnersuisoqatigiit aalajangigai Naalakkersuisunut maalaarutigineqarsinnaapput. Aalajangikkap maalaarutigineqartup innuttaasumut apuunneranit sapaatit akunneri sisamat qaangiutsinnagit maalaarummik tunniussisinnaanermut piffissaliunneqarpoq."

§ 2

Inatsisartut inatsisaat manna 1. december 2007-imi atuutilerpoq.

/

Finn Karlsen