§ 1

Takornariartitsisarnermik inuussutissarsiuteqarnerup aamma nunami inuussutissarsiutit siuarsarneqarnissaat pillugit Inatsisartut inatsisaanni nr. 14-imi, 12. november 2001-imeersumi, makkua allannguutigitinneqarput:

1. Kapitali 3, §§ 10-15, atorunnaarsinneqarput.

2. § 19 oqaasertalerneqassaaq imatut:
"§ 19. Pisortat ingerlatsineranni suliassat suliarineqartarnerat pillugu Inatsisartut inatsisaat aamma atuuppoq allaffissornikkut ingerlatsinermik ingerlatseqatigiiffimmut suliassanik piareersaanissaq pillugu Naalakkersuisut taamaattumut isumaqatigiissuteqarpata, tak. § 18, imm. 2.".

3. § 20, imm. 1, oqaasertalerneqassaaq imatut:
"§ 20. Inatsit manna naapertorlugu aalajangiinerit ullormit aalajangiinerup qinnuteqartumut nalunaarutigineqarfianiit sapaatip akunneri sisamat qaangiutsinnagit Naalakkersuisunut naammagittaalliuutigineqarsinnaapput.".

4. § 20, imm. 2, atorunnaarsinneqarpoq.

§ 2

Inatsisartut inatsisaat 1. januar 2005 atuutilerpoq.

Namminersornerullutik Oqartussat, ulloq 14. november 2004

Hans Enoksen

/

Johan Lund Olsen