§ 1.

Atuisartunut pisisartunullu Siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaanni nr. 10, 13. november 1986-imeersumi, Inatsisartut inatsisaatigut nr. 29, 30. oktober 1992-imeersukkut, Inatsisartut inatsisaatigut nr. 14, 31. oktober 1996-imeersukkut allanngortinneqartumi, makku allannguutigitinneqassapput:

1. § 7-mi imm. 1-ip kingorna immikkoortutut nutaatut ilanngunneqassaaq:
"Imm. 2. Atuisartut Sinniisaasa suliassat imm. 1-imi taaneqartut nunaqarfinni aqutsisut suleqatigalugit nunaqarfinni naammassissavaat."

Matuma kingorna imm. 2-4 imm 3-5-inngorput.

2. § 7, imm. 2, imm. 3-nngortussaq, ima oqaasertalerneqassaaq:
"Imm. 3. Suliassani inatsimmi maani pineqartuni paasissutissarnik pissarsiniarnissaannut Atuisartunut Siunnersuisoqatigiit atuisartut sinniisaat peqqusinnaavaat nunaqarfinnilu aqutsisut qinnuigisinnaallugit."

3. § 7, imm. 3, imm. 4-nngortussaq, iam oqaasertalerneqassaaq:
"Imm. 4. Atuisartut Sinniisaat suliassanik Atuisartunut Siunnersuisoqatigiinnut suliassan-ngortitsisinnaapput. Nunaqarfinni aqutsisut atuisartut sinniisaat aqqutigalugit Atuisartunut Siunnersuisoqatigiinnut suliassiissutinik nassiussisinnaapput."

4. § 10-p kingornanut ilanngunneqassaaq:
"§ 10a. Meqqit, qiortakkat taamaaqataalluunniit inuussutissarsiummik ingerlatsisup atugassanngortitai atorlugit nioqqutissap pisiarineqannginnerani imaluunniit suliap kiffartuussinerulluunniit suliarinerani akikillisaasoqassanngilaq imaluunniit allatut iluaqusiisoqassanani.
Imm. 2. Taamaattoq inuussutissarsiummik ingerlatsisut nioqqutissap tuninerani imaluunniit suliap kiffartuussinerulluunniit suliarinerani akikillisaasinnaapput imaluunniit allatut iluaqusiisinnaallutik meqqit imaluunniit qiortakkat taamaaqataalluunniit kingusinnerusukkut tunniuteqqinneqarsinnaasut atorlugit, meqqit ataasiakkaat nalingat danskit aningaasanngorlugu taallugu tunniussisullu aqqa suliffiutaaluunniit paatsuugassaanngitsumik takussaasunngortinneqarsimappat. Akikillisaammik tunniussisup meqqit katersukkat aningaasanngorlugit 5 kr.-nik taakkuluunniit qaangerlugit naleqarpata tunniunneqarnissaallu piumasarineqarpat meqqit nalingat taasaq Kalaallit Nunaanni tunniutissavaa.
Imm. 3. Imm. 1 aamma 2 timmisartuussisarnermi bonusisitsisarnermut taamaaqataanulluunniit atatillugu atuutinngillat."

5. § 36, imm. 1 ima oqaasertalerneqassaaq:
"§ 10-mi, § 10a, imm. 1 aamma 2-mi aalajangersakkanik unioqqutitsineq, § 13-imik piaaraluni unioqqutitsineq aammalu § 14-imik, § 16-imik, § 17, imm. 1 aamma 3-mik, § 18-imik aamma § 20-mik unioqqutitsinerit akiliisussanngortitsissutaasinnaapput inatsit alla malillugu annertunerusumik pineqaatissiissuteqarfigineqarnissaat pissutissaqanngippat."

§ 2.

Inatsisartut inatsisaat ulloq 1. december 2001 atortuulerpoq.

§ 3.

§ 10a-mi aalajangersagaq apeqqutaatinnagu inatsisip atortuulinnginnerani akikillisaanermik aaqqissuussinerit taamaaqataallu atorunnaarnissamik tungaanut, taamaattoq sivisunerpaamik 2002-mi junip qaammataata naanissaata tungaanut, atuussinnaapput.

Namminersornerullutik Oqartussat, ulloq 12. november 2001.

Jonathan Motzfeldt

/

Søren Hald Møller