Radiukkut fjernsynikkullu aallakaatitsisarneq pillugu Inatsisartut peqqussutaanni nr. 3, 17. maj 1990-imeersumi, Inatsisartut peqqussutaatigut nr. 1-ikkut 20. februar 1998-imeersukkut allanngortinneqartumi, § 10, imm. 6 naapertorlugu aalajangersarneqarpoq:

§ 1. Kalaallit Nunaata Radiuani siulersuisut sulinerminnut ukiumoortumik akissarsiaqartinneqarput, siulersuisuni siulittaasumut 100.000 kr.-inik siulersuisunilu ilaasortanut allanut 50.000 kr.-inik annertussuseqartunik.
Imm. 2. Akissarsiat kingumoortumik qaammatikkaartumik ukiumut aqqaneq-marlunngorlugit tunniunneqartassapput.
Imm. 3. Aningaasat imm. 1-imi pineqartut 365-erarterutaannik (1/365) siulersuisunut ilaasortap qaammammi ivertinneqarfiani siulersuisuni ilaasortatut atuuffimmini ullormut akissarsitinneqartassaaq. Tamannattaaq atuuppoq siulersuisunut ilaasortap qaammammi tunuarfiani.

§ 2. Siulersuisunut ilaasortat KNR-imut sullissitillutik aningaasartuutaat, soorlu angalanermut, nerisaqarnermut najugaqarnermullu Kalaallit Nunaanni Namminersornerullutik Oqartussat tjenestemandiinut malittarisassat sukkulluunniit atuuttut najoqqutaralugit matussuserneqartassapput.

§ 3. Nalunaarut atortuulerpoq 1. april 1998, atuutissallunilu 1. marts 1998-imiit.
Imm. 2. Peqatigitillugu Kalaallit Nunaata Radiuanut ileqqoreqqusat pillugit Inatsisartut nalunaarutaanni nr. 2-mi 24. januar 1991-immeersumi § 5 atorunnaarsinneqarpoq.
Imm. 3. Piffissamut 1. marts 1998-miit 31. marts 1998-imut akissarsiat tunniuteriikkat akissarsisitsinissami tulliuttumi iluarsiivigineqassapput.

Namminersornerullutik Oqartussat, ulloq 26. Marts 1998.

Konrad Steenholdt

/

Karl Kristian Olsen