Inuussutissanik uumasullu nappaataannik inunnut tunillaassuussinnaasunik nakkutilliineq pillugu Inatsisartut peqqussutaanni nr. 17-imi 28. oktober 1993-imeersumî, Inatsisartut peqqussutaatigut nr. 7-ikkut, 2. maj 1996-imeersukkut allanngortinneqartumi § 14 aamma § 15, imm.2, aammalu justitsministerip akuersineratigut Kalaallit Nunaanni eqqartuussisarnermik inatsit tunngavigalugu, inatsimmik nalunaarut nr. 99, 21. marts 1984-imeersumi kap. 1, § 17, imm. 2 naapertorlugu makku aalajangersarneqarput:

 

Kapitali 1
Atuuffia nassuiatillu.

§ 1. Nalunaarummi matumani nersutaatini nersutinilu nujuartatut uumasuni perlerornermik nappaateqarnerup akiorniarneqarnissaa pineqarpoq.
Imm. 2. Akiuiniarnermi nakkutilliineq, mattussiviit, misissuineq, matumani naapaatip suussusiata paasiniarneqarnissaa siunertaralugu misissugassanik tigooraaneq ilanngullugu, mattussineq, toqoraaneq, uumasut timaannik toqungasunik suujunnarsitsineq akiuussutissamillu kapuineq ilaatinneqarput.

§ 2. Nunap immikkoortuatut mattussaasutut isigineqarpoq nunap ilaa erseqqissumik killilerneqarluni immikkoortinneqartoq, nunap immikoortuani perlerornermik tunillaassuuffiusumiit tunillaassuuffiusorineqartumilluunniit tunillaassuuffiunngitsumut nappaatip taassuma tunillaassoqqinnissaa pinngitsoortinniarlugu.

§ 3. Nalunaarummi matumani nunap immikkoortuisut qimmeqarfiusutut paasineqassapput nuna Sisimiut Kommunianni Kangerlussuarmiit avannamut Avanersuup Kommunia ilanngullugu, Kalaallit Nunaanni Nuna eqqissisimatitsivik kiisalu Ittoqqortoormiit Ammassallillu kommunii.

§ 4. Nalunaarut una naapertorlugu nersutinik toqutsineq kommunalbestyrelsimit ingerlanneqassaaq. Politiit piumaffigineqarnertik tunngavigalugu kommunalbestyrelsimut ikiuussinnaapput. Allatut ajornartillugu politiit nersutinik toqutsisinnaapput imaluunniit toqutsisitsisinnaallutik.

 

Kapitali 2.
Perlerornerup ilisarnaatai.

§ 5. Nersut illumiutaq perlerortutut isigineqassaaq makku ilaat ataaseq arlallilluunnit nersummi ilisarnaatitut malugineqarsinnaappata: Qappiorneq, nipaata allanngornera, iisiniapiloortarneq, toqqissisimannginneq, pissusilersornerata pissusissamisuunnginnera soorlu piviusuusaartitanik kiiseriaqattaarneq, nujoqqanneq, paatsiveqanngitsumik pissusilersorneq, soqqusaatsuliorneq sorusussuseqannginnermik akunnilerneqartartoq, sassusserusunneq kiisalu pingaartumik alleruisa kingulliivisalu tamakkiisumik ilaannakuusumilluunniit nukillaarnerat.
Imm. 2. Nersut nujuartatut uumasuusoq perlerortutut isigineqassaaq nersut pissusissamisuunngitsumik pissusilersorpat, soorlu pisarnermit nujuinneruppat, paatsiveqanngitsumik pissusilersorpat ilaatigut saassussiniarnermik nipillu allanngorneranik ilaqartumik.

 

Kapitali 3.
Nalunaaruteqarneq.

§ 6. Kinaluunniit § 5 naapertorlugu uumasumik perlerortumik pasitsaassaqartoq politiinut tamatuminnga piaarnerpaamik nalunaaruteqassaaq.
Imm. 2. Taamatut nalunaaruteqarneq politiit imaluunniit kommunefogedip Avatangiisinut Pinngortitamullu Pisortaqarfiup Nersutit nappaataannut immikkoortortaqarfianut ingerlannartumik ilisimatitsissutigissavaat.
Imm. 3. Avatangiisinut Pinngortitamullu Pisortaqarfiup Nersutit nappaataannut immikkoortortaqarfiata nalunaaruteqartoq, uumasumik piginnittoq, najukkami nakorsaaneq, politiit, kommunefogedi aamma kommunalbestyrelsi taamatut pasitsaassisimaneq tunngavissaqarnersoq nalunaarfigissavai.

 

Kapitali 4.
Perlerornermik pasitsaassinermi iliuuserisassat.

§ 7. Pasitsaassisimaneq § 6, imm. 3 naapertorlugu tunngavissaqarpat nersut taanna Avatangiisinut Pinngortitamullu Pisortaqarfiup Nersutit nappaataannut immikkoortortaqarfiata innersuussineratigut aallaallugu toqunneqassaaq.
Imm. 2. Aallaallugu toqutsinermi sapinngisamik nersutip niaqua aserornaveersaarneqassaaq.
Imm. 3. Nersutip perlerornermik nappaateqarnera qularutigineqarpat, Avatangiisinut Pinngortitamullu Pisortaqarfiup Nersutit nappaataannut immikkoortortarfiata isumannaallisaatit qanoq ittut atortinneqarnissaat aalajangissavaa.

§ 8. Nersutit nujuartatut uumasuusut inummik kiisisimasut, perlerornissaannilluunniit pasitsaanneqarsimasut sapinngisamik aallaallugit toqunneqassapput, pisariaqarpat politiit suliniuteqarnerisigut. Nersutinik nujuartatut uumasuusunik piniaqqusaanngitsunillu toqoraaneq kommunalbestyrelsimit Naalakkersuisunut nalunaarutigineqassaaq.
Imm. 2. Aallaallugu toqutsinermi nersutip niaqua sapinngisamik aserornaveersaarneqassaaq.

§ 9. Najukkami nakorsaanerup, misissugassat nersutinit perlerornermik nappaateqarnissaannik pasineqartunit pisut, taakkununnga ilanngullugit nujuartat, laboratoriamut nappaatip suuneranik paasiniaalluni misissuisarfimmut nassiunneqarnissaat isumannaassavaa.
Imm. 2. Avatangiisinut Pinngortitamullu Pisortaqarfmp Nersutit nappaataannut immikkoortortaqarfíata imm. 1 naapertorlugu misissugassanik tigusinermi nassitsinermilu najoqqutassat suliarissavai.
Imm. 3. Laboratoriami misissugassat nassiunnerat misissornerallu Landskassip akilissavaa.

 

Kapitali 5.
Akiuiniarnermi iliuuserisassat.

§ 10. Nersutinik perlerortoqarneranik pasitsaassinermi imaluunniit inoqarfiusuni perlerortoqarneranik paasisaqarnermi kommunalbestyrelsi Avatangiisinut Pinngortitamullu Pisortaqarfiup Nersutit nappaataannut immikkoortortaqarfíanik politiinillu isumasioqateqareernikkut sapinngisamik piaarnerpaamik nunap ilaanik piffissami aalajangersimasumi matusigallassaaq.
Imm. 2. Aqqutini qimussillu illerngini nunap ilaanut mattussaagallartumut aqqutaasuni allagartanik ikkussisoqassaaq, tassani nalunaarneqassalluni "Perlerorneq. Nunap ilaa matusaagallartoq. Kommunalbestyrelsi". Kommunalbestyrelsip nunap ilaanik matusigallarneq tamanut tusarliutissavaa.
Imm. 3. Nunap ilaani mattunneqartumi qimmit qitsuillu pitussimaneqarlutilluunniit mattusimaneqassapput. Taamaattorli tamanna qimmiaqqanut qaammatit marluk inorlugit pisoqaassusilinnut atuutinngilaq.
Imm. 4. Qimmit qitsuillu nunap ilaani mattunneqartumut eqqunneqaratilluunniit anninneqassanngillat. Qimmit qimuttut najugaqarfmnit allaneersut nunap ilaani mattunneqartumut 500 meterinit qaninnerusumut qanillisinneqassanngillat, qimussillu nalinginnaasumik aqqutigisartagaasa avataanni kommunalbestyrelsimit erseqqissumik killilersorlugillu innersuunneqarsimasuni pituttarineqarlutillu nakkutigineqartassallutik. Qimmit pituussaarsimasut piaartumik toqunneqassapput, qimmip pineqartup naammaginartumik akiuussutissamik kapineqarsimanera imaaliallaannaq paasineqarsinnaanngippat.
Imm. 5. Imm. 4-mi aalajangersagaq apeqqutaatinnagu qimmit qimuttut qitsuillu akiuussutissamik naammaginartumik kapineqarsimasutut uppernarsarneqarsinnaasut nunap ilaani erseqqissumik killilersukkamillu mattussamut tassanngalu avammut ingerlanneqarnissaat § 14 naapertorlu-gu kommunalbestyrelsit akuerisinnaavaat.
Imm. 6. Nunap ilaani mattunneqarsimasumi qimmit qitsuillu pituttaanatik tavattut ingerlaannavik toqunneqassapput, timaallu suujunnaarsinneqassallutik, taamaattoq tak. imm. 3 aamma 4. Suujunnaarsitsineq ikuallaanikkut, 1,3 meterimit itinerusumut assaassinikkut imaanulluunniit kiversaanikkut pisassaaq.
Imm. 7. Nunap ilaani mattussaasumi qimussimik sukkaniunnerit nersutinillu katersuutsitsinerit allat inerteqqutaapput.
Imm. 8. Terianniat nunap ilaani mattunneqarsimasumi pisarineqartut ingerlaannaq suujunnaarsinneqartassapput, tak. imm. 6.

§ 11. Nersutit illumiuttat, matumani qimmit qimuttoqatigiikkuutaat ilanngullugit, akornanni ataaseq arlallilluunniit nersummit allamít perlerortumit kiineqarsimanissaat attorneqarsimanissaalluunnit ilimagineqarpat Avatangiisinut Pinngortitamullu Pisortaqarfiup Nersutit nappaataannut immikkoortortarfíata uumasoqatigiit qimuttoqatigiinnilluunniit avissaartuutsinneqarnissaat pififissami erseqqinnerusumik aalajangersarneqartumi inerteqqutigisinnaavaa.
Imm. 2. Taamaattorli Avatangiisinut Pinngortitamullu Pisortaqarfiup Nersutit nappaataannut immikkoortortaqarfiata nersutit, qimmit qimuttut pinnagit imm. 1-imi avissaartuutsinneqarnissaannik inerteqqummi pineqartut ilaata ingerlaannavik toqunneqarnissaa akuersissutigisinnaavaa.

§ 12. Nersut nersuteqatiminit perlerortumit kiineqarsimasoq toqunneqassaaq. Taamaattorli qimmeq qitsulluunniit kiineqarnini sivikinnerpaamik qaammat ataaseq sivisunerpaamillu ukiut pingasut sioqqullugu perlerornermut akiuussutissamik kapitissimasoq toqunneqanngitsoorsinnaa-voq. Tamanna pisuni ataasiakkaani tamani Avatangiisinut Pinngortitamullu Pisortaqarfiup Nersutit nappaataannut immikkoortortaqarfianit aalajangiivigineqartassaaq.

 

Kapiali 6.
Taarsiissuteqartarneq.

§ 13. Nersutaatinik aalisarnermik, piniarnermik nunalerinermillu inuussutissarsiuteqarnermut atatillugu atorneqartartunik § 12 malillugu toqoraanermi suujunnaarsitsinermilu piginnittoq uumasut nalingisa amerlaqataannik Landskassimit taarsiivigineqartassaaq.
Imm. 2. Imm. 1-imi aalajangersagaq apeqqutaatinnagu qimmit akiuussutissamik naammaginartumik kapineqarsimanngitsut taarsiissutigineqarsinnaanngillat, tak. § 14.

 

Kapitali 7.
Uumasut akiuussutissamik kaporneqartarnerat.

§ 14. Qimmimik qitsummilluunniit piginnittup nersut taanna sisamanik arfmilinnillu qaammateqarnerata akornanni imaluunniit akiuussutissamik kapitinneranit kingullermit ukiut pingasut sinnerlugit qaangiussimappata perlerornermut akiuussutissamik kapitissavaa.
Imm. 2. Nunap ilaani mattusimaneqartumi Avatangiisinut Pinngortitamullu Pisortaqarfiup Nersutit nappaataannut immikkoortortaqarfiata peqqussutigisinnaavaa qimmit qitsuillu marluk sinnerlugit qaammatillit tamarmik imm. 1-imi taaneqartutut akiuussutissamik kapitissimassasut.
Imm. 3. Nersutaatinik allanik qimmiunngitsunik qitsuunngitsunillu akiuussutissamik kapuineq taamaallaat Avatangiisinut Pinngortitamullu Pisortaqarfíup Nersutit nappaataannut immikkoortortaqarfiata akuersineratigut pisassaaq.
Imm. 4. Akiuussutissamik kapuineq uumasut nakorsaannit inummilluunniit malittarisassat Veterinærdirektoratimit aalajangersarneqarsimasut malillugit akuerineqarsimasumit taamaallaat ingerlanneqassaaq.
Imm. 5. Piginnittoq akiuussutissamik kapuinermut atatillugu nersutit passunneqarneranni pisariaqartumik akeqanngitsumillu ikiuunnissaminut pisussaatitaavoq.
Imm. 6. Imm. 4-imi aalajangersagaq apeqqutaatinnagu piginnittup pisuni immikkut ittuni nersutaatini akiuussutissamik Kalaallit Nunaanni nersutit nakorsaannit pissarsiarineqartumik kapisariaqarpaa.
Imm. 7. Akiuussutissamik kapineqarnermi kingorna nersut immikkut ittumik nalunaaqutserneqarsimassaaq. Akiuussutissamik kapuinermut atatillugu nalunaaqutsersuineq, nalunaarsuineq allatulluunniit uppernarsaasersuinerit pillugit Avatangiisinut Pinngortitamullu Pisortaqarfiup Nersutit nappaataannut immikkoortortaqarfia najoqqutassaliussaaq.
Imm. 8. Qimmimik qitsummilluunniit piginnittoq nersutit peqqussutaasumik akiuussutissamik kapitinnissaannut pinaaserpat nersutip akiuussutissamik pinngitsaaliissutaasumik kapitinneqarnissaa kommunalbestyrelsip sulissutigissavaa. Akiuussutissamik pinngitsaaliinikkut kapisineq naam-massineqarsinnaanngippat nersut taanna toqunneqassaaq.

§ 15. Perleromermik nappaatip akiorniagaaneranut ilaatillugu nersutit nujuartatut uumasuusut, matumani terianniat ilanngullugit, akiuussutissamik kaporneqarnerat Naalakkersuisut aallartisarsinnaavaat.

 

Kapitali 8.
Akiuussutissamik kapuinermi aningaasartuutit.

§ 16. Qimminik qimuttoqarfíusuni savaateqarfmnilu qimminik, kiisalu § 15 malillugu nersutinik nujuartatut uumasuusunik perlerornermut akiuussutissamik kapuinermi aningaasartuutit Landskassip akilertassavai.
Imm. 2. §14, imm. 3 naapertorlugu akiuussutissamik kapuineq, § 14, imm. 8 naapertorlugu pinngitsaaliinikkut kapuineq kiisalu imm. 1-imi taaneqartut saniatigut nersutinik allanik akiuussutissamik kapuinermi aningaasartuutit piginnittup akilertassavai.

 

Kapitali 9.
Qimminik qitsunnillu eqqussineq angallassinerlu.

§ 17. Qimmit qitsuillu eqqunneqarnissartik sivikinnerpaamik qaammammik ataatsimik sivisunerpaamillu ukiumik ataatsimik sioqqullugu perlerornermut akiuussutissamik kapineqarsimanngikkunik Kalaallit Nunaannut eqqunneqassanngillat, eqqunneqassagunillu akiuussutissamik kapineqarsimanermut uppernarsaammik atuuttumik nassataqartinneqartassallutik.
Imm. 2. Imm. 1-imi aalajangersagaq apeqqutaatinnagu qimmit qitsuillu qaammatit pingasut inorlugit pisoqaassusillit kapitinneqassanngillat arnaat piaqqinissani qaammammik ataatsimik sivisunerpaamillu ukiumik ataatsimik sioqqullugu perlerornermut akiuussutissamik kapineqarsimappat aammalu akiuussutissamik kapitinnermut allagartamik atuuttumik takussutissaqarpat.
Imm. 3. Qimmit qitsuillu Kalaallit Nunaata iluani nassiunneqartillugit angallanneqartillugilluunniit umiarsuarmik timmisartumilluunniit assartuinermi saaffigineqartartuni perlerornermut akiuussutissamik kapitissimanermut uppernarsaat atuuttoq takutinneqarsinnaassaaq.

 

Kapitali 10.
Pineqaatissiisarnermut atortuulersitsinermullu aalajangersakkat.

§ 18. Nalunaarummi matumani § 6, imm. 1-imi, § 7, imm.l-imi, § 8, imm. 1-imi, naggammi siullermi, § 10, imm. 3-mi, 4-mi, 6-imi, 7-imi 8-milu, § 11, imm. 1-imi, § 12, § 14, imm. 1-imi, 2-mi, 3-mi, 4-mi, 5-imi, aamma 7-imi kiisalu § 17-imi, aalajangersakkanik unioqqutitsineq arsaarinninnermik pillaatissiilluniluunniit akiliisitsinermik pineqaatissiissutaasinnaavoq.
Imm. 2. Unioqqutitsinerit ingerlatseqatigiiffinnit imaluunnit piginneqatigiiffinnit (anpartsselskabinit andelsselskabinillu) assigisaannilluunniit piliarineqarsimappata ingerlatseqatigiiffik piginneqatigiiffilluunniit pillaammik akiliisinneqarsinnaavoq arsaarinnissuteqarfigineqarsinnaalluniluunniit. Unioqqutitsineq naalagaaffimmit Namminersornerullutik Oqartussanit, kommunimit kommu-nilluunniit ataatsimoorussiviannit piliarineqarsimappat naalagaafifik, Namminersornerullutik Oqartussat, kommuni kommunilluunniit ataatsimoorussiviat pillaammik akiliisinneqarsinnaavoq arsaarinnissuteqarfigineqarsinnaalluniluunniit.

§ 19. Nalunaarut manna 1. oktober 1997 atortuulersinneqarpoq. Tamatumunnga peqatigitillugu perlerorneq (rabies) akiorniarlugu suliniutigineqartussat pillugit Kalaallit Nunaanni nalunaarut 19, februar 1969-imeersoq atorunnaarsinneqarpoq.
Imm. 2. Siusinnerusukkut inatsisiliaasut tunngavigalugit aalajangersagaliarineqarsimasut nalunaarut manna tunngavigalugu aalajangersakkanit taarserneqarnissamik tungaannut atuutissapput.

Namminersornerullutik Oqartussat, ulloq 17. september 1997.

Marianne Jensen

/

Søren Hald Møller