§ 1.

Aningaasarsianit akileraarutit pillugit Inatsisartut inatsisaanni nr. 5-imi 19. maj 1979-imeersumi, Inatsisartut inatsisaatigut nr. 21-kkut 30. oktober 1992-imeersukkut allanngortinneqartumi makku allannguutigitinneqassapput:

1. § 1, imm. 1-imi 8a)-tut nutaatut ilanngunneqassaaq:
"8a) soraarnerussutisiaqartitsinermi aningaasaateqarfiit Kalaallit Nunaanni angerlarsimaffillit,"

2. § 17-imi imm. 3-tut nutaatut ilanngunneqassaaq:
"Imm. 3. Ingerlaavartumik tunniunneqartartussat ukiumut 1.200 koruunit sinnersimassanngippatigit soraarnerussutisiaqartitsinermi aaqqissuussanit, imm. 1, nr. 4, oqaaseqatigiit aappaanni taaneqarsimasunit tunniunneqartussat aningaasanngorlugit ataasiaannartumik tunniunneqarsinnaapput."

Imm. 3 tamatuma kingorna imm. 4-nngorpoq.

3. § 20-mi imm. 3-tut ilanngunneqassaaq:
"Imm. 3. Soraarnerussutisiaqartitsinermi aningaasaateqarfiit § 1, imm. 1, nr. 8a)-mi taaneqarsimasut aningaasarsiamik akileraaruteqaataasussat naatsorsorneqarnerini ilaasortanut pisussaaffeqarfinnut matusissutissatut illuartitatik ilanngaatigisinnaavaat."

§ 2

Inatsisartut inatsisaat manna 1. januar 1994 aallarnerfigalugu atortuulersinneqarpoq, ukiorlu aningaasarsiorfiusoq 1994 aallarnerf igalugu atuutilerluni.

Namminersornerullutik Oqartussat, ulloq 28. oktober 1993.

Lars Emil Johansen

/

Emil Abelsen