§ 1. Qamutit motoorillit, Kalaallit Nunaanni aqqusinikkut angallannermut inatsit naapertorlugu nalunaarsorneqartussaasut landskarsimut nakkartussamik akileraartassapput.

Imm. 2. Tamatumanili pineqanngillat qamutit motoorillit kommunet qatserutaat annaassiniutaallu, napparsimmaveqarfiup napparsimasunik angallassissutai kiisalu qamutit motoorillit nunat allamiut aallartitaqarfiinit imaluunniit konsuleqarfiinit imaluunnit aallartitaqarfinni sulisunit qallunaatut innuuttaassuseqanngitsunit pigineqartut.

Imm. 3. Naalakkersuisut taakkualuunniit tamatumunnga piginnaatitaasa qamutit motorillit innarluutilinnik angalassissut, qamutit toqusut illerfiinik assartuutit aammalu qamutit motorillit bus-itut atorneqartartut akileraarummik akiliinnginnissaannut akuersisinnaapput.

§ 2. Akileraarutit ukiumut angissuseqarput:

A. Qamutit motoorillit 900 kg. tikillugit oqimaassusillit: kr. 4.440.

B. Qamutit motoorillit 901 kg.-miit 1.500 kg. tikillugit oqimaassusillit: kr. 6.240.

C. Qamutit motoorillit 1.500 kg. sinnerlugit oqimaassusillit: kr. 8.160.

D. Motorcyklit: kr. 2.400.

Imm. 2. Akileraarutit, ukioq affakkaarlugu siumut akilerneqartartussat 1. april aamma 1. oktober akiligassanngortassapput, piffissaagallartillugu akiliiffissaq tassaalluni qaammammi akiliiffissami ullut 20-issaat. Piffissaagallartillugu aki1iiffissaq nalliuttuuppat arfininngornerulluniluunnit akiliiffissaq ulluinnarmut tullermut kinguartinneqassaaq.

Imm. 3. Akileraarutit piffissaagallartillugu akilerneqarsimanngippata akileraarutit 500 kr.-nik ilassuserneqassapput.

§ 3. Qamutit motorillit nalunaarsorsimaffiannut nalunaarutiginninnermi, § 4, imm. 2-mi taaneqartut pinnagit, akileraarutit qaammatip nalunaarsorneqarflup 1.- aniit naatsorsorneqassapput. Biilit normuat tunniunneqartinnagu akileraarutit akilerneqareersimassapput.

Imm. 2. Qamutit motorillit siusinnerusukkut nalunaarsorneqareersimasut nalunaarsortinneqaqqinneranni biilit normuat aatsaat tunniunneqassaaq akileraarutit akiligassanngorsimasut, § 4, imm. 1 naapertorlugu utertinneqarsinnaanngitsut, akilerneqareerpata.

§ 4. Qamutit motorillit nalunaarsorsimaffimmut atorunnaartutut nalunaarutigineqarpata, akileraarutit akilerneqarsimasut qaammatip atuiunnaarfiup tulliani 1.-aniit utertinniarneqarsinnaapput. Akileraarutit sippuutaasa utertinneqarnissaannut piumasaqaat atuiunnaarnermik nalunaarutiginninnermiit qaammat 1 qaangiutsinnagu nassiunneqassaaq.

Imm. 2. Qamutit motorillit nalunaarsorneqarfimmut nalunaarutigeqqinneqarpata, politeeqarfimmi tassani allamiluunniit nalunaarutiginninneq pigaluarpalluunniit, akileraarutit akilerneqarsimasut utertinniarneqarsinnaanngi1lat nalunaarutiginneqqinneq atuiunnaarluni nalunaarnermiit qaammatip ataatsip iluani pisiiappat.

§ 5. Akileraarutit akiligassanngortinneqassapput akileraarutit akiligassanngortinneqarfianni qamutit motorillit nalunaarsorneqarfianni piginnittutut nalunaarsorneqarsimasumut.

Imm. 2. Qamutit motorillit aqqusinermi angallannermut inatsimmi aalajangersakkat unioqqutillugit nalunaarsuiffimmut nalunaarutigineqarsimanngippata, qamutit motorillit nalunaarutigineqarnissaannut pisussaasoq aki leraarutinut akiliisinneqassaaq piffissami qamutit motorillit nalunaarsuiffimmut nalunaarutigineqaratik atorneqarfianni.

§ 6. Akileraarutinik akiliisitsineq Akileraartarnermi Pisortaqarfimmit isumagineqassaaq.

Imm. 2. Qamutit motorillit nalunaarsorneqartut, taamaatitsinerit, nuunnerit aammalu piginnittup allanngornera il.il. pillugit politiit Akileraartarnermi Pisortaqarfimmut nalunaaruteqartassapput.

Imm. 3. Qamutit motorlillit nalunaarsorneqarsimasut akileraarutaasa akilerneqarsimannginnerannik politiit Akileraartarnermi Pisortaqarfimmit nalunaarfigineqarunik biilit normuat piaarnerpaamik arsaarinnissut igissavaat.

§ 7. Kinaluunniit akileraarusiinissamut, akileraarutit akilerneqarsimasut utertinneqarnissaannut imaluunniit akileraarutit annertussusissaannut naatsorsuinissamut piaaraluni mianersuaalliorujussuarluniluunniit paasissutissiinngitsoortoq imaluunniit eqqunngitsunik paasissutissiisoq akiliisitsinermik pineqaatissinneqassaaq, inatsit naapertorlugu allamik pineqaatissinneqassanngikkuni.

Imm. 2. Aktieselskabi, anpartsselskabi, andelsselskabi assigisaalluunniit unioqqutitsippata selskabi akiliisussanngortinneqarsinnaavoq. Kommune kommunelluunniit ingerlataa unioqqutitsippat, takuuk kommunalbestyrelsit, bygderådit il.il. pillugit Inatsisartut inatsisaanni § 57, kommune kommunelluunniit ingerlataa akiliisussanngortinneqarsinnaavoq.

§ 8. Inatsisartut inatsisaat 1. juli 1987-imiit atuutilissaaq.

Imm. 2. Piffissami 1. juli 1987-imiit 30. septemper 1987-imut akileraarutit 1. juli 1987-imi akiligassanngortinneqassapput.

Imm. 3. Inatsisartut inatsisaata atuutilerfianiit qamutit motoorillit akileraarutaat pillugit Inatsisartut inatsisaat nr. 8 23. oktober 1979-imeersoq kingusinnerusukkut allannguutitalik, atorunnaarsinneqarpoq.

Imm. 4. Inatsisartut inatsisaata matuma piviusunngortinneqarnissaanut maleruagassiat pisariaqartut Naalakkersuisut aalajangersassavaat.

Namminersornerullutik Oqartussat, ulloq 16. juni 1987

Jonathan Motzfeldt

/

Hans Pavia Rosing