Kaptali 1.
Siunertaa.

§ 1. Kalaallit Nunaanni bibliotekeqarneq siuarsaataassaaq qaammarsaanermut, ilinniartitaanermut kulturikkullu suliniarnermut atuakkanik atortussanillu allanik  atorneqarsinnaasunik inersimasunut meeqqanullu atukkiisarnikkut aammalu paasissutissiisarnermik ingerlatsinikkut.

§ 2. Atortussanik bibliotekit atukkiuttagassaannik toqqaaniarnermi pitsaassuseq, tamatigoortuuneq aamma pissusiviusunik tunngaveqarneq pingaartinneqassapput. Upperisarsiornikkut, qanoq ileqqoqarnissamik politikkikkullu qanoq isumaqarnerit aalajangiisussaanngillat.

Kaptali 2.
Kommuneni bibliotekit.

§ 3. Kommuneni tamani, taamaattoq tak. imm. 2, kommunalbestyrelse bibliotekimik pilersitsissaaq meeqqanut inersimasunullu immikkoortortalimmik.
Imm. 2. Nuna tamakkerlugu bibioteki, tak. § 8, Nuup kommuneani bibliotekiuvoq.

§ 4. Kommunep bibliotekia tassaavoq biblioteki pingaarneq immikkoortortaalu kommunimi pissutsit tunngavigalugit pisariaqartinneqartut, aamma nunaqarfinni immikkoortortat.

§ 5. Biblioteki pingaarneq inersimasunut kiisalu meeqqanut aamma suli atuartunngorsimanngitsunut isumaginnissinnaanumik immikkoortortaqarpoq.
Imm. 2. Immikkoortortat tassaasinnaapput atukkiisarfiit aalajangersimasut meeqqanut inersimasunullu atukkiisarfiit, aammali tassaasinnaallutik katersukkat bibliotekimit pingaarnermit atukkiunneqarsimasut.

§ 6. Kommunemi biblioteki atuarfinnilu biblioteki meeqqat bibliotekitigut isumagineqarneranni suleqatigiissapput kulturimut atuartitaanermullu direktionip aalajangersagai erseqqinnerusut tunngavigalugit, tak. meeqqat atuarfiat pillugu Landstingip ileqqoreqqusaani § 22, imm. 3.

§ 7. Kommunalbestyrelsi kommunemi kulturimut atuartitaanermullu udvalgip inassuteqarneratigut bibliotekeqarnerup ineriartortinneqarnissaanut pilersaarusiamik suliaqassaaq Landstingimut nassiunneqartussamik.
Imm. 2. Ineriartortitsinissamik pilersaarut Nuullu kommuniani bibliotekeqarnermut pilersaarut Landstingimit suliarineqassaaq landsbibliotekarip inassuteqarneratigut kommunalbestyrelsillu isumaqatiginiarneqareerneratigut.

Kaptali 3.
Kalaallit Nunaata landsbibliotekia.

§ 8. Kalaallit Nunaata landsbibliotekia nuna tamakkerlugu bibliotekeqarnermi suliassanik ingerlatsiviullunilu Nuup kommuneani bibliotekiusoq landstingip ingerlassaraa.

§ 9. Landsbibliotekip kommuneqarfinni bibliotekit tapersersussavai atuakkanik atortussanilluunnit allanik piginngisaannik atugassittarlugit pissarsiniuttarlugilluunniit, aammalu pisariaqartitsineq naapertorlugu bibliotekeqarnermut tunngasutigut ikiortassallugit. Aamma landsbiblioteki bibliotekinut allanut pisortanit ingerlanneqartunut bibliotekeqarnermut tunngasutigut siun-
nersuisartuussaaq.
Imm. 2. Kulturimut atuartitaanermullu qullersaasut bibliotekeqarnermut tunngasutigut ikiuuttarnissap bibliotekeqarnermullu tunngatillugu siunnersuisarnissap qanoq annertussuseqarnissaat erseqqinnerusumik aalajangersassavaat.

§ 10. Landsbibliotekip atuakkat kalaallisuut bibliotekinut tamanut pisiarisassavai agguaallugillu maleruagassat erseqqinnerusut kulturimut atuartitaanermullu qullersaasut aalajangersagaat tunngavigalugit.

§ 11. Landsbibliotekip Kalaallit Nunaannut tunngasunik katersukkat annertusartussaavai tamakku tassaassallutik
a) Atuakkat kalaallisuut tamaasa, aviisit, atuagassiat naqitallu allat kiisalu isiginnaagassatut tusarnaagassatullu suliaasimasut,
b) nunap assingi assilisallu Kalaallit Nunaanni atukkatigut anersaakkullu kulturit ineriartorsimanerisa ersersinneqarnissaannut atugassat,
c) allassimaqqaakkanik katersukkat, taakku tassaassaallutik atuakkiortut allassimaqqaagaat allassimaqqaakkallu allat kalaallit atukkatigut anersaakkullu ineriartorsimanerannik ersesitsisut.
Imm. 2. Landsbiblioteki katersugaatinik ilisimatuussutsimut tunngassuteqartunik katersaateqassaaq, taakku tassaassallutikatuakkat, atuagassiat atortussallu allat issittumi pissutsinut tunngassuteqartut aammalu apeqqutinik inuiaqatigiinnut kalaallinut pingaarutilinnik imallit.

§ 12. Naqiteriviit, ingerlatsiviit allat kiisalu suliffeqarfiit namminersortunit pisortanillu ingerlanneqartut atuakkanik, aviisinik, atuagassianik, ukiumoortumik nalunaarusianik naqitanillu allanik suliaqartartut naqitatik 3-ngorlugit landsbibliotekimut tunniuttasavaat.

Kaptali 4.
Aalajangersakkat allat.

§ 13. Kulturimutatuartitaanermulluqullersat peqqussummi matumani ingerlatassatut taaneqartut ingerlanneqarnissaat pillugu erseqqinnerusunik maleruagassiorsinnaapput, tamatumunnga ilanngullugit ikaarsaariarnissami aalajangersakkat immikkut ittut.

§ 14. Peqqussut atulissaaq 1. januar 1980. Tamatumunnga peqatigitillugu bibliotekit pillugit landsbibliotekarip kaajallaasitaa 20. maj 1975-imeersoq atorunnaassaaq.

Nuuk 15. oktober 1979

Jonathan Motzfeldt

/

Thue Christiansen